خيبت ظني فيك يا طيب الرأس
ارخيت نفسك وانت عالي مكانه

اقول لك لاباس لكن على باس
اشوف في عينك مواري الاهانه

انا عرفت السالفة وانت حساس
لكن وين الحس وين الذهانه

من يوم مادوجت في سوق الافلاس
راحت عليك اللي تسمى حصانه

ترى مرافق كل حاسد وبلاس
يشررررره الرجال ويقل شانه

وترى الاوادم كتلة شعور واحساس
واكبر خطأ جرح الشعور وكيانه

والكلمة اللي فرقت اكثر الناس
يسعى بها الشمات بأسم الميانه

بعض العلوم اللي ما تبنى على ساس
ما تنقبل في العرف ولا الديانه

والحر في هرجة لسانة له قياس
يقيسها له قبل يسرج حصانه

والي جعل من كلمة الحق نبراس
ما هوب مثل اللي على ليل دانه

جاك الكلام وحطها بين الاقواس
يطيح الرجال عثرة لسانه

وان كان ما حسيت يا طيب الراس
مانت بعلى خبري ولا انت بتكانه

قصيدة الشاعر الكبير / محمد بن عبدالله الفهري

( ابو معتز )

__________________

جاك الكلام وحطها بين الاقواس
يطيح الرجال عثرة لسانه

وان كان ما حسيت يا طيب الراس
مانت بعلى خبري ولا انت بتكانه

ابيات في الحكمة تعبر من واقع تجربة وباحساس ملم وقريب...
صراحة اعجبت بالابيات كلها..ولكن هناك ابيات تستوقف القاريء..
فعلا هذه القصايد وامثالها تسمى عذب الكلام...
تسلمـ يمناك يابوسلطان...
وبيض الله وجه الفهري على هذه الرائعة..
تشكر من القلب على النقل الرائع...

لاهنت يابوسلطان وصح لسان ابومعتز
احسنت الاختيار لهذه الدره
وابومعتز مايجيب الا الثمين دايم

لاهنت يابوسلطان وصح لسان ابومعتز
احسنت

__________________