اعتذر عن الغياب

ابيات متواضعه للتواصل

اتمنى ان تنال الرضى


[poem=font="Simplified Arabic,6,black,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لأظلمت سود الليالي على زرق البحور=ماحسبت حسـاب ليلـى ولامجنونهـا
أحسب احساب الهبايب مضيّقة الصدور=والطروق اللي تغث الكبـود لحونهـا
خايف انها تثني الغصن واتطير الطيور=واتورّط في هقاوي العـرب وظنونهـا
والعواذل من بغوا منه ماهو بمعـذور=مايبونه مـن وراهـا ولامـن دونهـا
يامغيّرة المفاهيم فـي بعـض الامـور=ودّكـم ترضونهـا والاّ ماترضونهـا
قبل لايحرجكم الوقت والدنيـا تـدور=لاتـحـدّون المخالـيـق وتردّونـهـا
من قراله كلمة غامضه بين السطـور=لد عينه مـع خبـول ٍ تلـد عيونهـا
والاّ حنّا ماخبرنا حصل منّـا قصـور=اسمعوهـا واتركوهـا علـى يكونهـا
لاتحسبون الدقايق وتنسـون الشهـور=وان بقى للوقت قيمـه فـلا تنسونهـا
ولاتثيرون المشاعر بتجريح الشعـور=وتكبر الدعوى عليكم وهـي ياهونهـا
والنهايه كان تبغون من الاشوار شـور=الجمايـل قدّموهـا لاجـل تلقونـهـا [/poem]

__________________
[poem font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاوالله لبست البشت من بعد لبس الكوت=وجالك مكانه بين الاجواد مرموقه

على الهون وكبار الاسامي ماهي ببشوت=يكمّل بها الرجال وجهه ومنطوقه[/poem]

ارحب يابو مناحي

يشرفني ان اكون اول من يمر على هذه الرائعه

جزل كعادتك و مهما قلت تبقى شهادتي فيك مجروحه فأنت مبدع وان كان للشعر قمه فقد وصلتها

ارجوا ان تسجل اعجابي ومتابعتي المستمره لكل ما تطرح

فائق الاحترام

اخوك !!! خالد الجروي

صح السانك يابومناحي وبيض الله وجهك ولاهي بغربتآ منك القصايد الطيبه والطيب مايستغرب من له الطيب 0 وتقبل تحياتي وتقديري الغالي0

__________________

والنهايه كان تبغون من الاشوار شـور

الجمايـل قدّموهـا لاجـل تلقونـهـا

جعل اللسانك ما يعطب والله يعطيك العافيه على الجزاله

تحياتي0000000000000اخوك

أخوي سعد صح الله لسانك شكرالك............................................ ........

__________________

الله عليك يا ابو مناحي الله عليك

شاعر فاخر وحضور راقي

يا سلام على القصيده اللي كذا والله الواحد يرتوي منه


سعد لا تحرمنا من تواجدك ومن نزف ابداعك

اخوك

سعد بن شفلوت

صح السانك وبيض الله وجهك على القصيده الشامخه كشموخ شاعرها

والاّ حنّا ماخبرنا حصل منّـا قصـور
اسمعوهـا واتركوهـا علـى يكونهـا

ياسلام عليك

والنهايه كان تبغون من الاشوار شـور
الجمايـل قدّموهـا لاجـل تلقونـهـا

لاهنت لاهنت انا اشهد انها قصيده اتجمل

وافي وافي .. تقبل مروري

هنا الإبداع والتمكن من السبك والحبك الشعري


هنا التفوق على الغير بالجزاله وأمتاع القارئ بنص فاخر جداً يرتوي منه المتصفح


صح الله لسانك يابو مناحي وبيض الله وجهك

__________________



ممصمنا المبدع
تركي العلياني
ألف شكر لك

صح لسانك

__________________