يا كثر الاصحاب يوم اللعب والدشره
يوم الملاهي تدوّر من يلهيها


من اول شقتي بالناس محتشره
يوم العزوبية الي كنت مغليها

واليوم لا عاد لا خوه ولا عشره
الله ولا رفقة هذي تواليها

ناس مع المصلحه عشره على عشره
وان حدك الوقت حدة لك جنابيها

اللي حياته مع البيلوت والنشره
واللي يحب الدشوش ولاهيٍ فيها

واللي على الخط دايم فاغر الكشره
سمّاعته طول ليله ما يوطّيها

واللي مزاجه مع القصات والبشره
ماله هدف والنصايح ما يدانيها

واللي مع الناس لا يفقه ولا يشره
شقراً مع الخيل لا هجّت تباريها

ذي عيّنه في شباب اليوم منتشره
عسى الذي جابها من الارض يمحيها

اهل المصالح معرّفتهم كماالقشره
لا نظّف الراس بالصابون ينهيها

هذا كلامٍ علينا واجبٍ نشره
وما تحرق الجمره الا رجل واطيها
________________
الشاعر : سعد بن جدلان الاكلبي

__________________

أظهر الأهتمام بالآخرين


حتى يظهروا الأهتمام بك

صح الله لسانك يا محمد الراشد ولسان ابن جدلان

قصيدة واقعيه وبإسلوب سهل وجزل

اشكرك على طرحك المميز

صح لسان ابن جدلان وصح لسان ولاهنت يالذيب



مشكور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

__________________

أظهر الأهتمام بالآخرين


حتى يظهروا الأهتمام بك

صح الله لسان الشاعر : سعد بن جدلان الاكلبي

ولاهنت على النقل

__________________

أرحبببببببب

واشكرك على المرور الذي عطر صفحاتي

__________________

أظهر الأهتمام بالآخرين


حتى يظهروا الأهتمام بك

صح الله لسان الشاعر : سعد بن جدلان الاكلبي

ولاهنت على النقل

تحيااااااتي

بيض الله وجهك حكم نحتاج إليها لاهنت..................

__________________

أخوي ابراهيم
أخوي سفر

ارحبووووووا

مرحباً بكم وبمروركم

__________________

أظهر الأهتمام بالآخرين


حتى يظهروا الأهتمام بك