نعم ... أقولها وبكل صراحة

طريقة التعداد لدينا تدل على التخلف الواضح والبدائية

نسمع الشيبان أيام زمان بداية قيام الدولة السعودية

يقولون كان الناس يسجلون بياناتهم للدولة عشان يعطونه الحفيظة

تصوروا .. الدولة الأولى عالميا

تجمع شوي معلمين وترسلهم يدقون على بيوت الناس عشان يعرفون كم عددهم

والله حاله .. والله فضيحة

كان جلسنا بدون تعداد أستر

كيف الدولة على قوتها وكثرة دوائرها الحكومية ما تقدر تعد سكانها عن طريق الحاسب الآلي

كل ما نملك مسجل في حواسيب الدولة

بطاقاتنا الشخصية

جوازات

إقامات العمالة الوافدة

السيارات

الطلاب في الجامعات

طلاب المدارس

الموظفين من مدنيين وعسكريين

المتقاعدين

ربات المنازل

كبار السن

كل شيء مسجل في الدولة



وحتى أوضح لكم الصورة بضغطة زر تقدر تشوف كم عندك مواطن ومواطنة يبلغون من العمر 47 سنة

وكم طالب جامعي لديك في المملكة

وكم عسكري وكم مدني

وكم عدد الأطفال في المملكة الذين يبلغون من العمر بين شهر وبين عشر سنين

وكم عندك عجوز في المملكة فوق التسعين

وكم شخص مات في عام 1430

كل شيء موضح بتاريخ الميلاد والمهنة

بالنسبة للرواتب .. تقدر تخش على رواتب الموظفين وتقدر تعرف وش وظايفهم ومراتبهم ورواتبهم وكل شيء



يعني كل شيء سهل

لكن تجمع لي مدرسين وترسلهم يزعجون خلق الله ويسألون كل بيت كم عددكم وش أسماءكم

ما كأنك سعودي ومعك الهوية الوطنية الجديدة



بصراحة ما خش مخي هذا التعداد وبالمناسبة جاني موظف التعداد وقال كم في البيت من شقة وكم عدد الساكنين

فقلت له البيت مهجور وما فيه أحد وأنا جيت أخذ أغراض بس وطالع

ودجيته في الشارع

__________________

اي تعداد اي بطيخ

دولة ما تعرف عدد سكانها ...

تعيشون في العصر الحجري ...

يا اخي في اليابان كل محافظة تصدر نشرة شهرية توزع على كل بيت في بداية الشهر ...

من المواضيع الثابتة احصائية عدد السكان في المدينة في نهاية الشهر .. العدد الكلي بالضبط مفصلة كم رجل وكم امرآة

وعدد المساكن وعدد المواليد والاموات خلال ذلك الشهر وعدد الاجانب مفصلة الذكور والاناث ..

لا تعداد يدوي ولا خرابيط ... اجهزة كومبيوتر حديثة تحدث المعلومات بها لحظة بلحظة وانتهى


اصبر يومين وتصلني نشرة هذا الشهر وارسلها لك ..

لو عرفت السبب بطل عجبك يابو عصام

الى حد الان لايوجد لدينا برنامج حاسب الي شامل يظهر جميع المعلومات يعني كل وزاره ماتعلم مالدى الاخرى

كان هناك مشروع لذلك يكلف 3 مليار ريال وماعاد سمعنا به المبلغ صرف والمشروع فطس

يعني طق

يعني ماعاد في عينه قطره

مشكلتنا انه يعرف المسئول المجتهد فيحجم

والحرامي الزرامي مااحد يعرفه ولايجيب طاريه

كل واحد يخاف يجتهد في خدمه دينه ومجتمعه فينقلونه لقريات الملح

لاتعليق




//

__________________

عزالله انها سالفه تستحق الضحك ..

جعل يمنآك ماتعطب يا يحيى ..

__________________

السلام عليكم ابو عبد الله

مثل ما قلت لك ... الان الساعة ١٢ الظهر يوم الخميس ١ ابريل وقد وصلت نشرة الحكومة المحلية الى كل بيت






وكما ذكرت لك في اسفل اخر صفحة تجد احصائية عدد سكان المدينة الاجمالي ثم عدد الذكور ثم عدد الاناث ثم عدد المساكن في المدينة وبعدها العدد الاجمالي للاجانب المقيمين ثم عدد الاجانب الذكور ثم الاناث ....




ما يبي لها احصاء ومصاريف واشغال الناس ... اذا شغلك مضبوط .. ضربة زر واحد تجيب لك الاحصائيات ... ولكن


وتتوالى صفحات النشرة عن الفعاليات التي ستقام في المدينة












وحيث ان السنة المالية عندهم تبدا في ١ / ٤ فانشرة تضمنت دخل المدينة ومصروفاتها بالتفصيل ...



وبالبنود وبالصور



وتكلفة الفرد الواحد على الميزانية مفصلة




يلعن امها من شفافية


لو تلاحظ ان النشرة لاتحمل صورة الامبراطور ولا ولي عهده ولا رئيس الوزراء ولا وزيري الدفاع والداخلية ولا الحاكم

الاداري ... يعني وفروا مصاريف ورق وحبر ملون لست صفحات ..


وتجي معها نشرات اخرى كثيرة مثلا من الشرطة والدفاع المدني وشركات الكهرباء والماء والسلامة والرياضة ونشرة خاصة لكبار السن ( مرفقة هنا )



ونشرة لمزارعين ونشرة من المدارس القريبة من سكنك ..

سبحان الله تبادل معلومات سريع ووافي ودقيق

اسف طولت عليكم السالفة ..

والله يا اخي الظور

عطني مليون دولار و ١٠ تأشيرات اجيب بها ١٠ فلبينيين ارمي كل فلبيني بوزارة وسيرفر كبير ...

شرط ٦ شهور نصير احسن من اليابان

بس ... ٣ مليار كل سنة على اجهزة كومبيوتر تخلي الواحد يسعبل

يارجال المشكا على الله

__________________

يالربع لا تعبون انفوسكم

المسأله ما يبي لها واضحه مثل الشمس

المسئولين يصرف لهم بدل انتداب يعني مثله مثل العسكري المرابط اثناء التعداد

والضحيه هالمدرسين اللي يلفون بيوت خلق الله وكأنهم يشحذون . انا يا محاكيكم اقسم برب البيت

عدوني مرتين مره في الرياض ومره في الدمام واقول للمدرس ترا قد عدوني طال عمرك قال يارجال صدقت انت

اقسم بالله قايلها بعظمة لسانه وعطيته معلوماتي من جديد وسألته قلت تأخذون شيء على هالمشوره والنطعه قال اخوينا للي عدوا قبل

حوالي عشر سنين بعضهم تقعد ما قد جاله شيء . يالربع السالفه واااضحه وضوح الشمس من المستفيد هم معروفين وسلامتكم .

__________________

أبو عصام زدتني قهر

من اليوم ورايح لا أحد يتعاون مع موظفي التعداد

__________________