أولها تأديب وأخرها دموع
بنت تطالع رجل بعين قويه وما قصر فيها ....
قصيدة أولها تأديب وأخرها دموع
قصة بنت كانت تطالع واحد بعين قويه
المهم الرجال طلع شاعر وما قصر فيها
عطاها كم بيت عشان تتأدب
لكن المفاجأة هي ؟؟؟؟
وش صار؟؟
تابع القصيدة للنهاية
يقول الشاعر:
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيون
لكن أنتي من جلستي وأنتي فينـي تحدقيـن
كن ما به ناس غيري بهالكراسـي يجلسون
لو سمحتي عاد أسمعي وحتى لو ما تسمحين
المهـم اللـي بقولـه تسمعينه و يسمعـون
ع الأقل ليا نظرتك سـوي روحك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جازم لا ركـادة ولا حياءٍ يـذكـرون
تعرفيني ؟! أعرفك ؟! ما أذكر إنـا ملتقـيـن
لا أعرفك من تكوني و لا تعرفي مـن أكـون
واطمئني إن كان قصدك بس فينـي تشبهيـن
ما هـو أنـا إلي تعرفيـه والبشر يتشابهون
مـا دريتـي من التشابـه يخلق الله أربعين
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبيـن
خايف إنا نصير فرجة واللي ما شتروا يتفرجون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكون
أنتي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت أشوف عيون ربعي لقيت الكل يدمعـون
يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفرون؟؟؟؟
,,,,,,
__________________
أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!
التعديل الأخير تم بواسطة نايف بن جليد ; 17-02-2010 الساعة 07:28 PM
17-02-2010, 07:27 PM
تعليمات المشاركة
المواضيع المتشابهه
العرض الشجري