اليوم السماء يناش والأرض ما تناش

[poem=font="Simplified Arabic,6,black,bold,normal" bkcolor="transparent" bkimage="" border="double,medium,gray" type=1 line=0 align=center use=ex num="0,black"]
اليوم السماء يناش والأرض ما تناش=تنوش السماء وشبر من الأرض ما تنوشه
غلي سعرها والناس جاهم عليها خراش=تقول الأراضي تحتها كنوز مخشوشه
ولا عاد به ماطى قدم ما عليه هواش=طلايب ورسم وقسم ومخاصم وهوشه
ضاقت لرض طول وعرض ما عاد فيه انقاش=ما تلقا مكان الا معالمه منبوشه
غير المقبرة وأظن لو ما عليها أحواش=كان تروح ضمن اللي يحوشون محيوشه
ولا نعرف الصادق ولا نعرف الغشاش=لكن الوكاد أن نصف الأملاك ملطوشه
بغينا أنتلاحق ما بقى غير ما منهاش=سبق من سبق واللي قعد ضاع بالطوشه
وصرنا ضحيه للنواخيس والأبواش=اللي خلوا عقول المعاويز مربوشه
سعى السمسري بالحيلة وهيمن البطاش=وجاروا على اللي شيّب فقر برموشه
يا كم واحد عبري لا مسكن ولا معاش=عليه التعاسه والفقر داير بوشه
ولولا الرجاء بالله ثم الأمل ما عاش=يكافح على رجوا الفرج تلفي طروشه
وكل (ن) على دنياه ناقل قدم طراش=مسافة عمر في كف الأقدار منقوشه
يكد الرجل ويحوش من دنيته ما حاش=ويرجع ويصرف ما يحوشه على حوشه
على قدر ما يقدر ولا ش يجي ببلاش=ومما نشوفه ثومة القلب منهوشه
هذا واقع يحتاج لفتة نظر وإنعاش=ودعم ومساكن للمساكين مفروشه
وإذا كان ما من حل ما لي يكون أنحاش= أزبن لي جبل وأعيش كني من وحوشه
وحوش الخلا أرحم لي ولو في وحل وأحراش =ولا عالم صارت نواياه مغشوشه
لا بو هاين النفس العزيزه لا بو قطاش=يموت العزيز بعز لو قلت قروشه
ما دام النهايه حفره وقطعة من شاش=ويش أريد من دنيا بها الهم والدوشه
سلام على الدنيا وأهلها سلام كاش=سلام المودّع والمغطاه مفتوشه
ورزقي على اللي يرزق الناس والأدباش=عظيم الرجاء اللي فوق الأملاك بعروشه[/poem]

صح الله السانك يا عبدالله مدد بلا عدد



على فمك الشحم


قصيده جزله ووافيه بكل نواحيه وتروي مأسآه اجتماعيه حاصله


بيض الله وجهك يا القرم


تقبل مرور اخوك

__________________

ارررررررررررحب يابو مبارك


صح اللسانك على القصيدة التي تعتبر عملة نادره وفريدة من نوعها وهذا ليس غريب عليك


ايها المبدع ولكن لي طلب عندك ابغاك تكون متواصل معنا في الشبكه لحيث ان وجودك معنا


مهم للغايه وعسى ان تلبي طلبي ياابو مبارك ،،،،،،،،،،،،،،،،،،



ولك خالص تحيااااااااااااتي

__________________
محمد بن عبيان آل سالم الفهري

صح لسانك


لاهنت


مشكوووووووور

تحياتي

__________________

أرحب أخي عبد الله ..

صح الله لسانك واعتلى شانك ..

كل يوم وأنت تطربنا برائعة من روائعك ..

ننتظر جديدك دوماً .. تقبّل مروري ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

صح لسانك ياعبدالله

ننتظر جديدك

__________________



لأستشاراتك القانونية أضغط هنا
لوجه الله تعالى