«®°·.¸.•°°·.¸¸.•°°·.¸.•°®»من شعر راشد الخلاوي :«®°·.¸.•°°·.¸¸.•°°·.¸.•°


[poem=font="Arabic Transparent,5,darkblue,bold,italic" bkcolor="transparent" bkimage="backgrounds/7.gif" border="double,4,blue" type=1 line=0 align=center use=ex num="0,black"]
يقول الخلاوي حاضر الراي صايبه = مصاب الحشا مدهي بادهي مصايبه

ومشطون حال بات يصلي على لظى = ومفلوق معلوق والاكباد ذايبه

ومجروح روح صابها سابق القضا = والارواح أشباح للاقدار صايبه

جرى للورى وامضى الورى من برا الورى = ورب الورى ماجا بالاقدار جالبه

فلا للورى عما برا الله متقى = ولا حيلة تحتال في الكون جايبه

قضى ماقضى وامضى بالاحكام مايشا = ومن رضيها والا فلاقدار غالبه

والاقلام جفت بالذي صار واستوى = على الكون وطوال السجلات كاتبه

فلا للورى عما برا باري الورى = ورب الورى ماشاء من شاء غالبه

ومن عاش مثلي في الملا دوم يبتلى = والاحرار مأوى كل بلوى ونايبه

ومن طال الاقدار يرمي من السما = بتدبير رب نافذ القول غالبه

ولايبتلى الا فتى شاد للورى = رفيع الذرا ماطال ياصاح صاحبه

* * *

صبرنا وحسبي من قضا الله بما قضى = شديد القوى سبحان من لا يحاط به

صبرنا على تصريف الاقدار والقضا = صبر جميل واحتسبنا لواجبه

صبرنا على أمر الاله الذي فرى = فوادي وذاب الحال مني وبادبه

صبرنا وسلمنا للاقدار والقضا = ومن لايسلم للقضا خاب جانبه

صبرنا و صبرنا المنيعي وقومه = والقلب مني قطعة منه ذايبه

على مافجا حالي وماشق مهجتي = وماهج باب القيل مني وهاج به

وحش الحشا مني بما صاب صاحبي = مشيدٍ ومبدي فايدٍ قال مايبه؟

بذكر الذي شاد السموات واستوى = على العرش معبود المخاليق دايبه

إلهٍ بدا الاشيا والاكوان واحتوى = بسلطان عز منه الاملاك هايبه[/poem]