اخوانى اعضاء منتدى قحطان العريبة السلام عليكم ورحمة اللة وبركاتة كل يوم تزداد محبتى لقبيلتى قحطان وكل يوم ازدادعشق وفخر وكل ما دخلت منتدى لاى قبيلة اجد بعض الكتاب المنتمين لهذة القبيلة تكتب وتجعل من قحطان مثل مع التحريف بل احيانا الغاء تاريخ كامل وتزويرة واثناء دخولى لمنتدى عتيبة وجدت هذا العنوان (( مقتل ذيب ابن هدلان بالادلة والبرهان لشخص سما نفسة صعب المنال اسال اللة القدير بان تشل يدة لانة يعلم بان كل حرف كتبة هو تدليس وتزوير للتاريخ عمون انا رديت علية وتمنيت انة يرد لكن كان كالعادة انسان جبان يريد ان يدس معلومة على ابناء عتيبة الذين مع الاسف قد تمر هذة المعلومة عليهم واعتقد بان هذا هو جل اهتمامة وهدفةيقول صعب المنال ----------------ان مجموعة من فرسان الحوابية من المقطة من عتيبة كانوا على ماء جنوب عروى
وكانوا ستة رجال ومعهم بعض الحريم ،
المهم كان الرياجيل الستة على الماء ووحدة من الحريم عند الغنم مع مطلاع الشمس ،،، ويوم انتبهة الحرمه لضلاع وراهم الا شلفا تبرق على نور الشمس
راحت الحرمة للرياجيل اللي على الماء وقالت لهم انتم ارسلتم احد منكم ،، قالوا لا ما ارسلنا احد
قالت اجل ترى فيه ريجيل ورا هاك الضلاع
طبعا كانوا جيش من قحطان وكانوا فرقتين فرقة رجليه وهم اللي ورا الضلاع وفرقة خياله وكان ذيب مع الخياله.وكانوا يحترون الاشارة من الرجليه
وكان مقصد القحاطين ان الرجلية يهجمون ثم يتبعهم الخياله .
المهم العتبان الستة باغتوا القحاطين اللي ورا الضلاع ، وخلوهم يهجون يم ربعهم الخيالة .
وبعدين بدا الرمي بين العتبان وبين القحاطين ، والقحاطين كانوا واجد فوق العشرين .
المهم تقول الحرمة الى من الريجيل تراموا مع القحاطين يجي عليهم مثل الغبرة من رمي المقمع ولامن راحت الغبرة عديت ربعي لهم ستة
المهم القحاطين انهزموا ولحقوهم العتبان واخذوا يلبقونهم ، وكان ذيب بن هدلان ينزل من على فرسه ويتراما مع العتبان لين ربعه يبعدون ثم يركب ويلحقهم ، واستمر على هالحال مرات
وفي مرة منها يوم نزل من على فرسه واخذ يتراما معهم ، رماه عوض بن بقشان المقاطي العتيبي ، لذيب بن هدلان طايح صريع
ويوم طاح ميت وربعه القحاطين يغدون طقق كل واحد منهم في جهه
دروا العتبان ان هالرجال اللي ذبحوه هو عقيد القوم

ويوم جوه وهو ميت شافته حرمة زد جاوروا اهلها اهل ذيب بن هدلان
وصاحت فالعتبان وقالت هذا ذيب بن هدلان
ويوصفونه يوم شافوه ان له لحيه سوداء وكان الطيب يفوح منها-------- وقد رديت علية ولكن مع الاسف كما قلت سابقا ليس لدية حجة بالرد ----حسبى اللة ونعم الوكيل---عبد المحسن مبارك

__________________
(( فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا))

الرواية الصحيحة موجودة في عدة مصادر منها

ابطال من الصحراء براوية عبدالمحسن الهيضل شيخ الدعاجين من عتيبة (شاهد من اهلها)

وكتاب احد ال هدلان الخنافر خليل ابن ذيب

واذا سالفتهم مثلما ذكرت بدون مصادر فهي مجرد هرطقة

فلا تجادل الاحمق حتى لايستطيع الناس التفريق بينكما

الاخ عبدالمحسن المبارك

والله لايجعلنا اهل زور وبهتان والحق واضح

والقصه كامله في
ابطال من الصحراء

للامير محمد بن احمد السديري الله يرحمه

وشكرا لاخوي الضوير ي لتعليق الطيب

لاهنت لاهنت

اخوك

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

الله يرحمك ياذيب بن شالح

ياعبدالمحسن ماأزيد على كلام الأخوان

ولكن قتله كان من راعي غنم صعلوك مايدري أنه ذيب

غدرا وغيلة حسبنا الله ونعم الوكيل

وسهل المنال مايبي الحقيقة لأنه يدري أن ذيب بطل وشجاع

فلازم يكون قاتله شجاع وهو العكس تماما

لاهنت وبيض الله وجهك

لاهنت يابومبارك وبقية الربع!
أن اقترح ما احد ينقل من المنتديات الأخرى قصص جحائية ..ما لها قب ولا علق
اندبلت كبدي من ذا الكذاب!وحامت علي ..
أرى أن لايرد على مثل هذه الاباطيل..
لايتعب الواحد نفسه إذا كان فيه مصدر كتاب مثلا..
أحله إلى المصدر
قل له : راجع القصة في كتاب كذا وكذا.
خله يشتري الكتاب ويتبين على بقية الحقائق
فيه ناس مرضانه ، بعضها يتعاطى مخدرات ويقوم يخرط
وبعضها عنده مرض الكذب نسأل الله السلامه

سلامة الجميع

أخوي عبدالمحسن // العتبان الرجال الي أعرفهم انا وهم كثير يعترفون بالقصه الحقيقيه الي وردت في كتاب ابطال من الصحراء تاليف السديري ***بل أوكد لك أن عتبان كثير يفتخرون بقصص ذيب بن شالح ويصفونه بأشجع رجل في زمانه وهو كذلك هل تعلم ما أقول ؟
ذيــــــــــبـــــــــــــــــــــــــــــــــــــ ـــــــــــــ بـــــــــن شـــــــــــــــــــــــــــــــــــــــــالــــــ ـــــــــــــــــــــح
أقوى فارس في زمـــــــــــــــــــــانـــــــــــــــــــــــه وقد ذكرها السديري في كتابه

ومقتله غدر وغيله ورميه من غير رامي وفي الظهر ********* والعتبان الشجعان يعترفون بذلك
وصعب المنال ما هو صعب المنال بل اسمه ردي الحال

__________________

والله ما عندي أي اضافة على كلام الأخوان ,, ما قصروا كفوا ووافوا

لا هــــــــــنتوا ,,, ويعطيكم العافيه

__________________

عبدالمحسن اتركوا منتديات القبائل وخلك في منتدى قحطان الكلام لك ولغيرك وكل ماكتبو عن قحطان اخذتهم تناقشوهم اتركوهم

اما كل شوي يجيب لنا فلان والا فلان موضوع من المنتديات وينقلة هنا مايصير يالربع


القصص معروفه

فعلاً

وانا اجزم انه لايتجرأ على مثل هذه المواضيع والتحريف فيها على اي اتجاه > إلا مراهقين

ويجب ان لانتصفح مواقع الآخرين .. وكل ماشفنا شيء من ذالدوادي نوليه جل اهتمامنا

تاريخنا عارفينه ومعروف .. ولايهمنا من لايعرفه أو من يزعجه

لاهنتو جميع

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

الله يرحم الاولين
وذيب بن شالح قصتة معروفة ولاعليها غبار وأول من يرد على هذا الكاتب العتبان لان حقيقة القصة واضحة ولا غبار عليها
اشكر لك هذا التنوية والبحث عن اضهار الحقيقة