[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بالله قولوا لي وش المعنا إذا قلنا غزل = نضحك ونستانس ونتعالا على كلمة أسا
ما ودّي أتعدّا وأقول إن الحيا شاخ ونزل = والجهل من ثقله على قوة بلاغتنا رسا
أوضاعنا مهما تعلمنا الحقيقه ماتزل = إما على إستسلام ولا يالعل وياعسا
نحيي مشاعر ميته ونموت أحياء الهزل = ونقول مر أيام عز وصعب والله تننّسا
نضحك على أنفسنا وكن الموت بالغبن أنعزل = ونصد عن مانسمعه ونلين في وقت القسا
كان الأمل لاعب أساسي وآخر الوقت أعتزل = والحين صرخه في الصباح وصرختينٍ في المسا
نتظاهر إنا في سعاده كذب والحزن أستزل = نرسم على الوجه إبتسامة وقت والوجه اكتسا
ونقول ياشاعر إذا تسمح نبي نسمع غزل = تجنب أوضاع الحياه وما توصّا في النسا[/poem]



وسلامتكم