[poem=font="Simplified Arabic,5,darkblue,bold,normal" bkcolor="transparent" bkimage="" border="solid,thin,gray" type=1 line=1 align=center use=ex num="0,black"]
عطوني شي لا شفته قلت بسم الله العظيم=كم واحد يشفي لقسمي ولا عين مناه

بعض المحازم لا تحزمت مثل انفخ يا شريم=يا حليلهم لا تحزمت تكتب عليهم فناه

ربعي هل الطالات سبق في سبوق من قديم=كم وكم على حد طريب ضاق بجيش فضاه

آل عادي وقرع القنا بالروس غادن ثليم=الركايب ما درت تتقي عضرس ولا شظاه

بعد نجمة الصبح وقبل يكشف ليل العتيم=حريبنا يسمع خبب الدهما على الصفاه

يا مرحبا ترحيبة شيوخ تنقل لابن دليم=يدفها النسناس والمسكية عليها ضفاه

في ضيافة الشيخ مقبل اللي خيره عميم=شيخ على العليا دوم ما تتقاصر خطاه

كلكم يالعواني إصبعين في الشحم الدسيم=خشم الجبل والموج على جاله يضرب صفاه

يا سعود انت فيصل وغيرك ما دفر له عظيم=سبوق على الطيب دوم رجله تضرب في قفاه

باعك طويل وباع غيرك مع باعك قضيم=باع غيرك متر وباعك في سباقك فلاه

جزيت خير يا بن دليم عن خصيم وعن غريم=بياض صدرك شفع لنا في قطف من جناه

وصلاة ربي على النبي الهاشمي الكريم=من طاعه ربح النعيم وخلافها لمن عصاه[/poem]