الأمير محمد الأحمد السديري ....سيرهـ مختصرهـ وبعض قصائده

الســــــــــلام عــلــيـــكــم


الامير الشاعر محمد الاحمد السديري

هو محمد بن احمد بن محمد بن تركي بن سليمان السديري - رحمه الله تعالى - ولد عام 1340ه تقريبا في مدينة ليلى بالافلاج حيث كان والده اميرا عليها ثم انتقل مع والده الى الغاط ونشأ وترعرع هناك في كنف والده ودرس الابتدائية على يد الشيخ عبدالمحسن المنيع شغف في بداية حياته بركوب الخيل وكان معروفا بسرعة العدو الجري حتى قيل: انه كان يلحق الصعاب من الابل ويمسك بها مارس هوايته المحببة ركوب الخيل والهجن كما انه كان مولعا بالقنص واقتناء الطيور النادرة,, في السابعة عشرة من عمره اختاره الملك عبدالعزيز - رحمهما الله - اميرا على الجوف سنة 1357ه واثبت وجوده ودرايته وكان مما قام به تصفية قطاع الطرق والخارجين على الدولة على الحدود الشمالية والشمالية الشرقية ثم انتقل الى منطقة جيزان عام 1363ه وتولى امارتها ومكث هناك، وعندما ثارت المشاكل على الحدود السعودية اليمنية بعد الاطاحة بالامام يحيى بن احمد سيطر معاليه على الحدود بحنكة ودهاء وعين عام 68ه قائد للفدائيين السعوديين في فلسطين ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينة عرعر مركزا للمحافظة وكانت حينذاك صحراء قاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر والقيصومة وطريف وساعد ذلك على توطين القبائل حتى اصبحت مدن مليئة بالحركة والنشاط والتقدم,
بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398ه بالرياض ودفن بالخفيات في شمال القصيم - رحمه الله - وأسكنه فسيح جناته وقد رثاه عدد كبير من الشعراء بقصائد تدمي القلوب,

اما شعره فهو يعد من ابرز الشعراء وأرفعهم منزلة وله مكانة في قلوب عشاق الشعر ومحبيه,


[poem=font="Simplified Arabic,4,seagreen,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ابو زيد ياليت الدهر ما غدى به = ليـت نفسـه توهبـت هبوبهـا
رحل عن الدنيا وذكـراه باقيـة = وسط المجالس معجزاته حكوا بها
ابو زيد نطاح الامور الصعايب = لولا الشهود الناس ما صدقوا بها
الله مـن نـاس تذكـر محمـد = إليا ابتلتهم مشكلة وابتلـوا بهـا [/poem]


وكان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من جميع انحاء المملكة والخليج بل والدول العربية من ادباء وشعراء كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة ملما بأحوال العرب واشعارهم وأدبهم وحروبهم ومواقفهم عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة وشعره القوي العذب :

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

الله مـن هـم بروحـي سهجـهـا = بخا في ضميري في كنين الحشا لاج
احـر مـن نـار قوقـد وهجهـا = منها خطر روحي على سلك ديبـاج
وعين عسى المولى يعجـل فرجهـا = يفوح ناظرهـا كمـا عيـن هـداج
استرسلت للدمـع مسمـار هجهـا = غيظ يكظ عبارهـا مثـل الامـواج
كـم واحـد لـه غايـة ماهرجهـا = يكنها لـو هـو للادنيـن محتـاج
يخاف من عوجـا طـوال عوجهـا = هرجت قفا يركض بها كل هـراج
يقضب عليك المخطية من حججهـا = حلو نباه وقلبه ابيض مـن الصـاج
الله خلـق دنيـا وسـاع فججـهـا = عن ما يريب القلب لك كـم منهـاج
والرجل وان شطت لياليـك سجهـا = عسـى تواليهـا بتشـر بالافـراج[/poem]


وهذه احدى قصائده التي خلدت في ذاكرة محبي الشعر .. حيث احتوت على كثير من الحكم التي صيغت باسلوب محكم قل من يجيده :

[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

يقـول مـن عـدا علـى راس عـالـي = رجـم طويـل يدهلـه كـل قـرنـاس
فـي راس مرجـوم عسيـر المنـالـي = تلعب بـه الاريـاح مـع كـل نسنـاس
فـي مهمـة قفـر مـن النـاس خالـي = يشتاق له مـن حـس بالقلـب هوجـاس
قعـدت فـي راسـه وحـيـد لحـالـيبراس الطويـل ملابقـه تقـل حـراس
متذكـر فـي مرقـبـي وش غـدالـي = وضعقت بالكفيـن يـاس علـى يـاس
اخــذت اعــد ايامـهـا والليـالـي = دنيـا تقلـب مـا عرفنـا لهـا قيـاس
كـم فرقـت مـا بيـن غالـي وغالـي = لوشفت منهـا ربـح ترجـع للافـلاس
يقطعـك دنيـا مـا لهـا اول وتـالـي = لو اضحكت للغبـن تقـرع بالاجـراس
المستريـح اللـي مـن العقـل خـالـي = مـا هـو بلجـات الهواجيـس عطـاس
ماهـوب مثلـي مشكـلاتـه جـلالـي = ازريـت اسجلهـن بحبـر وقـرطـاس
حملـي ثقـيـل وشايـلـة باحتمـالـي = واصبر على مر الليالي والليالي والاتعاس
وارسـي كمـا ترسـي رواس الجبالـي = ولا يشتكـي ضلـع عليـه القـدم داس
يابجـاد شـب الـنـار وادن الـدلالـي = واحمس لنا يابجـاد مـا يقعـد الـراس
ودقـه بنـجـر ياظـريـف العيـالـي = يجذب لنا ربـع علـى اكـوار جـلاس
وزلـه الـى منـه رقـد كـل سـالـي = وخلـه يفـوح وقنـن الهيـل بقـيـاس
وصبـه ومــده ياكـريـم السبـالـي = يبعـد همومـي يـوم اشمـه بالانفـاس
فنجـال يغـدي مـا تصـور ببـالـ = يوروابع تضرب بها اخمـاس واسـداس
لاخـاب ظنـي بالرفـيـق المـوالـي = مالـي مشاريـه علـى نايـد الـنـاس
لعـل قصـر مـا يجيـلـه ظـلالـي = ينهـد مـن عـال مبانـيـه للـسـاس
لاصـار مـا هـو مدهـل للرجـالـي = وملجا لمن هو يشكـي الضيـم والبـاس
بحسنـاك يامنشـي حقـوق الخيـالـي = ياخالـق اجنـاس ويامغنـي اجـنـاس
تجعـل مقـره دارس العـهـد بـالـي = صحصـاح دوِّ دارس مابـه اونــاس
البـوم فـي تالـي هـدامـه يـلالـي = جزاك ياقصـر الخنـا وكـر الادنـاس
مـتـى تـربـع دارنــا والمغـالـي = وتخضر فياض عقب مـا هيـب يبـاس
نشـوف فيهـا الديـدحـان متـوالـي = مثل الرعاف بخصر مدقـوق الالعـاس
ونثيـر علـى البيـدا سـوات الزوالـي = يشرق حماره شرقـة الصبـغ بالكـاس
وتكبـر دفـوف معبسـات الشمـارلـي = ويبني عليهـن الشحـم مثـل الاطعـاس [/poem]


وله كثير من القصائد المتبادلة بينه وبين كثير من لاشعراء البارزين منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياقلبي اللي من هوى البيض معتاذ = واليوم اشوف الوجد والشوق بـذه
حسبي على اللي للمواصيل جـذاذ = حبل الوصل من بيننا البعـد جـذه
يسقي منـازل ليـن العـود رذاذ = يلقى بها ظبـي الطعاميـس لـذه
الصاحب اللي عن هوى القلب مالاذ = لاقلت دوك القلـب يازيـن غـذّه
ولانيب من هرجه كثيـر وهـذاذّ = ماشاف فـي ليلـه نهـاره يهـذّه
عساك تأتي لي يابـو زيـد نفـاذ = قلب تحذى الشور ياخـوك حـذه [/poem]

وقد اجابه شاعرنا الامير محمد السديري - رحمه الله - :


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أسهر طوال الليل واغضي على الحاذ = وعن الصديق القلب مـا فيـه شـذه
شكواك خلت بسـرة القلـب تخـاذ = ولا عاد في قلبي من الصبـر فـذّه
اللي يا بو بندر جعل قلبـك افـلاذ = شربـك ياممـدوح الأفعـال عـذّه
طفل سهم عينـه بالاعمـاق نفـاذ = والحـق عليـك بقـذة عقـب قـذّه
ان كان مالك فيـه مدخـل ومنفـاذ = له الشبك في مدهـل الصيـد بـذّه
وإليا دخل وسط الشبك يابن الافـذاذ = غوجك لساعـات المهمـات حـذّه [/poem]

ومن مساجلاته مساجلة مع صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يازبن ودعناك في يوم الاثنيـن = لعلها لك ياخو صنعـا مسافيـر
بجيرة الله ياعشيـر الغلاميـن = يامقفي عنـا ذكرنـاك بالخيـر
نغليك يوم إنك بعيد عن الشيـن = وريف لضيفك في ليال المعاسير
يوم تغيبه عندنا قـدر عاميـن = ويوم نشوفك فيه عز وتباشيـر
هذا الفراق اللي نظرناه بالعيـن = وعز الله انك ناوي بالمحاديـر
يازبن يالبراق بالله الـى ويـن = واسلم ورد العلم يازبن العميـر [/poem]

فأجابه زبن بن عمير على الابيات الماضية قائلا


[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
وانـا بعـد ودعتـك الله بتسعيـن = وداعة من حفـظ والـي المقاديـر
ياباذل الحسنى علـى المستحقيـن = ونطاح بالضيقات وجه المناعيـر
ياللي بدرب الطيب جالك براهيـن = ولبست بالبيضـا ثيـاب مشاهيـر
يبون دربك ناس واجد وعجزيـن = يجي لهم من دون دربـك عواثيـر
ولا يختفي فعل به النـاس داريـن = لين انها تمحى الجبـال المزابيـر
من يوم عنك اقفيت والقلب والعيـن = عندك,, وفي جسمي تشب السواعير [/poem]

وهذه أبيات تظهر لنا حكمته وعقله وسعة علمه واطلاعه وايمانه بالله عز وجل فيقول عن المعجزات الثلاث



[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لولا الهرم والفقر والثالث المـوت = يالا دمي بالكون ياعظـم شانـك
سخرت ذرات الهوى تنقل الصوت = وخليتها اطوع من تحرك بنانـك
جماد تكلمها وهي وسـط تابـوت = تاخذ وتعطي ماصدر من بيانـك
وعزمت من فوق القمر تبني بيوت = من يقهرك لو هو طويل زمانـك
لولا الثلاث وشان من قدر القوت = نفذت كـل اللـي يقولـه لسانـك [/poem]


منقووووووووووووول

أخوكم سعيد البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

لاهنت يالقرم


و بيض الله وجهك فديتك على هذا الموضوع

لاهنت

نبذة مميزة

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

بيض الله وجهك يا الشيخ سعيد ..

ورحم الله محمد السديري ..

ومشاء الله ابداع من البداية ..

( المهم لاتنسى تزورنا هناك اتفقنا هههههه)

__________________


http://www.qahtaan.com/works/up/get....fmnp1261962149

لاهنت ياسعيد

وبيض الله وجهك

ولا انت يا ابو عبدالله
والله يبيض وجهك ويجيرك من الفدا

لا هنت على المرور يا تركي

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ارحب يا مشاري

ولا انت

وانت المميز

وشاكر مرورك العاطر

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ارحب يا شامان
و وجهك ابيض

والابداع بمرورك <<<<<< شلخ من بدايتها يا شامان هههههه

ابشر بالزياره والمرور
ولا هنت على التشريف

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ارحب يا العاطفي

ولا انت و وجهك ابيض

لا هنت على المرور العاطر

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع