استغلال الوظيفه - أبو ريان انموذجاً حياً

اسمح لي يا آل معمر
ابو ريان مستحيل يعلم بالحقيقه

واحد من الشهود صار بينه وبين ابو ريان
سوء فهم
وما صدق على الله الشاهد
وعلمنا بالقصه كامله:


والسالفه ما كان ودي اقولها بس يوم انك فضحت الرجال نبي نعلمكم بالسالفه

يوم من الايام وابو ريان في مكتبه
دخل عليه ذاك الشايب ودفتر العايله في يده
قال الشايب ياولدي شباك تسليم العوايد مزحوم وانا كبير في السن
الله لا يهينك شف لي صرفه
طبعا ابو ريان خدوم ورجال شقردي
بس انه استغل وظيفته في امور شخصيه
ابو ريان ما قصر
على الطاير لقط دفتر العايله وبطاقة المقررات من يد الشايب
وخمس دقايق والشيك في مخبى ابو ريان
بس ابو ريان يوم حول مع الدرج شاف اسم البنت في كرت الشايب
واستغرب عمرها خمسين سنه وبعد في كرت العايله
ابو ريان عرف انها يا مدرسة يا دكتوره وان الشايب ما زوجها على شان ياخذ راتبها

ابو ريان خلى الشيك في مخباه
ورجع للشايب وقال له:
يا شايب الرحمن عليك تعميم من الدوله
ومطلوب في المحكمه
فيه فاعل خير مبلغ عنك

الشايب قام يتنافض ما يدري عن السالفه
وقال: تكفى ياولدي ويش الحيله

قال ابو ريان: فيه فاعل خير مبلغ عنك المحكمه يقول:
ان عندك بنت عانس وانت السبب في عدم زواجها
والآن الشيخ رايح يزوجها غصب عنك
وانكانها موظفه بيجبرك الشيخ ترجع كل فلوسها
السابقه ريال فوق ريال

طبعاً الشايب طماع
ولا يبي ذا العلم
وصدق السالفه

ابو ريان استغل الفرصه
وقال لبوها
ايش رايك تزوجني مسيار
واخلي بنتك عندك في بيتك
وراتبها حلال عليك
ولا من شاف ولا من درى


وافق الشايب
وتزوج ابو ريان
والله يبارك له
وشهد على زواج المسيار
اثنين من المطاوعه
على شان ما يعلمون احد
ما عليكم يالربع خفيا
الشاهدين: يعلي و ابو مصعب

على العموم
اهم شي في العروس
انها تعدت سن الياس
يعني ما عاد تجيب عيال

ابو ريان ما خسر ولا ريال في الزواج
وبعد الزواج ما خسر الا القليل
12500 ريال قيمة طقم اسنان للعروس
و45 ريال قيمة صبغه شعر من صيدلية السقاف
طبعاً الصبغه ليست لشعر رأس العروس
فهي تستخدم الحنى لرأسها
الصبغه للحواجب
لان حواجب العروس انقلبت بيضاء
من كثر ماهي توايق مع الدرايش
تدور على زوج



بارك الله للعروسين
وستر عليهم

واسمحل لي يا ابو ريان
علمت بالقصه
خايف يجي واحد غيري ثم يزور في الحقائق



دمتم بخير

__________________
مجموعة من صوري





مدونتي

خخخخخخخخخهه

أيش لو يحطك ربي في المحكمه يابو ريان

وش عاد بتسوي؟؟؟؟

__________________



لأستشاراتك القانونية أضغط هنا
لوجه الله تعالى

السلام عليكم يا استاذنا حسين بن حمدان

بكل صدق انا داري عن الموضوع وما حبيت اتكلم لان الاثنين تعدو سن اليآس وما حبينا نحرجهم قدام الناس.


واخونا يعلي ما قصر .. عندما رجع من الواديين ارسلي صورة ابو ريان والعجوز








ابو ياسر ... قل اميييين

الله يزوجك مسيار على سلوفاكية بالطعش

هههههههههههههههههههههههههه


الله يسعدك يابو ياسر

وانا اقول وش في الرجال ماعد دخل النت وكل ماكلمناه يقول مشغول

من حقه يابو ياسر البنت عمرها خمسين يبي يلحق على باقي مرقتها


بس تصدق يابو ياسر ابو ريان استغل وظيفته وشكلي ببلغ فيه واخليه يطلقها واخذها انا بحكم اني اللي كشفته


وش رايك

وربي فطست من الضحك يابو ياسر


الله يسعدك ياشيخ

واضحك الله سنك


تسلم على الموضوع الزاحف بقوة ونشر هذا الخبر حصريا في الاستراحه

وبأسمي واسم مشرفي وأعضاء استراحه المجالس نبارك لخوي ابو ريان هذا الزواج

ونقول منك المال ومنها العيال وربي يطول عمرها ويكثر مرقتها

واتوقع انك يابو ياسر مستحيل تطلع من الموضوع بخفي حنين

لاتكون بس شريك الذيب في عشاه ومتزوج اختها الكبيره


لاهنت يابو ياسر وربي يسعدك ياشيخ وتستاهل سمعه بعد يابو ياسر

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

خخخخخخهههههههههه


ابو ريان ما لقى الا ام خمسين سنه الله يكون في عونه



شكلها لا قامت تجيب شي قالت:يالله حسن الخاتمه !!!!!!!!!


ونقول منك المال ومنها العيال وربي يطول عمرها ويكثرعيالها

والله من كثر صكوك الطلاق

وبعدين شيخ آخر " دفعه "

تعالي "بارتس" الله "فيتس"
عطيني "اصبعتس"
ابصمي " فيذا "

ما عنده وقت

__________________
مجموعة من صوري





مدونتي

بو عصام

الكذب خيبه
انا ما شفت وجه العروس
البرقع واللثمه دونها ضرب السيوف


اما ابو ريان
فبكل تأكيد هو اللي في الصورة
أعرف ان شكله متغير شوي
بس ما احد يلومه
ما قدر ينام
الليل كله وهو يطارد العروس
العروس مسويه نفسها " بكر " و " مستحيه "

الله يعينه

واشكرك

على السلوفاكيه وكان ودي انها ليتوانيه
بس اللي يجي حيا الله

__________________
مجموعة من صوري





مدونتي

الله يسلمك يا منصور

بس تكفى على شاني
لا تبلغ فيه
بتقطع نصيب العروس المسكينه
ما امداها تهنا مع زوجها وحبيبها
حتى طقم الاسنان
ما امداها تبتسم كم ابتسامه قدام حبيب العمر

اما غياب ابو ريان عن الشبكه
فتراه معذور
العروس عندها عمل
وحلف ابو ريان
ما يوديها ويرجعها الا هو
الرجال عقب ما اعرس عليها
وهو جاي فيه غيره على ذي الخمسينية

المشكله ان ابو عصام نشر صورهم
الله يهديه

وعقب ما شاف الصور ابو ريان
راح للسوق
واشترة " دسوس "
ونظاره شمسيه 20 سم في 20 سم
وعطاها عروس الهنا




منصور

شكرا على الحضور المميز

__________________
مجموعة من صوري





مدونتي

ذيب النير

وش فيها

خمسين سنه بس
بعد فيها طماعه


اشكرك

__________________
مجموعة من صوري





مدونتي

هههههههههههههههههههههههههههه


و يقولون حن يالشباب خبلان

و طلعوا الشيبان اخبل منا

صدق اللي قال((عاقل ال مره))

هههههههههههه

لاهنت فديتك