قصيــدة فكاهيــة عـن قضيـــة أجتماعيــــة ...

((( اكثر من رائعه )))



شاب فقير خطب بنت عمه المليونير وزوَّد عمه الطلبات عليه فقال قصيده



وانا انقل لكم القصيده:



سبحان من يرزق بتوع الملاييـن

.............الرازق اللي ما يخيب الرجـا بـه-

لي عم عنده معـرضٍ للصواليـن

.............أموت واعرف بس من وين جابـه -

وإذا سألته قـال بعـت الدكاكيـن

.............ما يدري إني ما هضمت الإجابـه -

الشاهد إني رحت له قبـل يوميـن

.............في قصره العامـر ودقيـت بابـه -

قال ارحب ارحب عدّ ورد البساتين

................يا مرحبا باللـي لفـا يـا هلابـه -

قلت البقا عـدّ النفـل والرياحيـن

...........يا شيخ شمل اهل الكرم والذرابـه-

قال اسلم الله يحفظك لي من العين

...............وآمر أوامر حضرتـك مستجابـه -

قلت الصراحة طالبٍ قرب غاليـن

...............ودي تزوجنـي كريمتـك يـابـه-

ثنّى وقال اهليـن والله وسهليـن

............والكون ترخص لجل عينك رقابـه -

لكن ترا عندي شـروط وقوانيـن

..........قلت اشرط اشرط يا حبيب الغلابـه -

قال أولاً مهر العروسـة ثمانيـن

.............غير الرسوم وغير حق العصابـه -

والثانية عمك يبي منـك سبعيـن

...............رسم الأبـوّة والنسـب والقرابـه-

- وام العروسة حقها منـك ستيـن

..............عشانها ست الحسـن والمهابـه -

واخوانها كلن يبي منـك خمسيـن

.............عداً ونقـداً تنـدرج فـي حسابـه-

- وخواتها الخمس اعطهن من ثلاثين

..............عشان تتوثـق عـروق النسابـه -

- وتجيب طقم عيار واحد وعشريـن

............وخاتم من الماس المصفى ترابـه-

- واكياس متروسة كعوب وفساتيـن

.............ألوانهـا واشكالهـا مـا تشابـه -

- وموتر بسواقـه وفيـلا بدوريـن

..............أثاثهـا مـن بطرتـه ينحكـابـه -

- واحجز لنا قاعة بقصر السلاطيـن

.............واحجز بهـا رقاصتيـن وربابـه -

- وامنع دخول اهل اللحى والبزارين

...........واعزم أميـر المنطقـة بالنيابـه -

- هذي الشروط اللي على بالي الحين

.......وذكرني اللي ما حسبنـا حسابـه -

قلت اذكر الله يا عـدو المساكيـن

.........واستغفـره لا يبتلـيـك بعـذابـه -

الظاهر إنك منت عارف أنا ميـن

.........أنا لو ارقا فـوق متـن السحابـه -

ما جبت حتى نص درزن مواعيـن

........واضحك بكيفك واعتبرهـا دعابـه-

- شروطكم هذي شـروط المجانيـن

...........شروطكم شغـل ابتـزاز ونهابـه -

- شروطكم تقصم ظهـور البعاريـن

.............شروطكـم همّـن وغـم وكآبـه -

شروطكم والله سيوف وسكاكيـن

..........تذبح بنات المجتمع مـع شبابـه -

- وين الرضا والعطف واليسر واللين

..........اللي ذكرهـا الله بمحكـم كتابـه-

- وين الصفات اللي أمرنا بها الديـن

......وين اختفى نهج النبي والصحابـه -

يا عم جعل اللي خلقنا من الطيـن

.............يرد عقلك مـن خطـاه لصوابـه -

ويجعل نصيبي عند غيرك قل آمين

........ويحسن عزا الصابر ويجزل ثوابه -

قال انت لو فكرت تفكير صاحيـن

........ما شفت في مجمل شروطي غرابه -

حنا بعصـر العولمـة والمزاييـن

..........ماهوب عصر الفلسفة والخطابـه -

الناس تسعى للرتـب والنياشيـن

..........وانت اهتمامك بالشعـر والكتابـه-

والشعر ما ينفعك لو هو دواويـن

............ما دام جيبك مثـل بيـت الخرابـه -

يا بوك لا تسمع كلام المصاخيـن

........واسأل مجرب عاش في وسط غابه -

قلت الله اكبر يا محـرر فلسطيـن

..........من يسمعك يحسبك ذيـب الذيابـه-

تراك شايب راس مالـك رياليـن

..........والبنت ما تسوى جنـاح الذبابـه -

قال انقلع مالت على وجهك الشين

............لا عاد اشوفـك عندنـا يالزلابـه -

قلت ابشر ابشر لكن الباب من وين

.........واقفيت من عنده على صوت بابـه-


وتقبلـــوا تحيتـــي ..

هههههههههههههههههههههههه

الله يلوم اللي يلومه

لاهنت يا ابو مانع دائما مبدع

الله يعينه


عز الله العم الشين


فكاهيه اجتماعيه هذه الكسيده وبها جوانب فنيه وهي تعتمد على المباشره ( حركات شاعر المليون )


لاهنت ياذيبان


شامان والله حضورك عندي يوم عيد وافرح لما شفتك


الله يسعدك ويبيض وجهك والله انك قمه في اعلى قمه

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

ارحب يابو راكان..

الله يلوم الذي مثلي يلوم ..

ومن قال ماهان ..

والإبداع مرورك..

لا هنت على القصيد الرائعه



و الله انه صادق في كل شي

و الله يعطيك العافيه

__________________
حنا رفيده لا سوى الله ربنا * من حد يام آلى حدودك يا شهران
و حنا عبيده مروية روس القنا *ماتقبل المزله و لا نرضا بالهوان
و حنا شريف ....العز كله عندنا *شيوخ الا ذلحين من ذاك الزمان
و حنا بني بشر امتبين و قعنا *وفي الفعايل يشهد لنا الباشا : فلان
و حنا الجحادر والقلم يشهد لنا *يا جعل بن هادي في روض الجنان
حنا قحطان اهل المدايح و الثنا *من طيبنا للحين مسمين قحـــطان

للتواصل على الايميل

abo-sara-01@hotmail.com

والله انه ماينلام


لا هنت على القصيده الطيبه

هع هع هع هع

__________________

تســــــــــــــــــــــــــــــــــــــــــــــــ ــــــــــــــــلم (ياشامــــــــــــــــــــــــــــــــان)

لاهنت على القصيدة الفكاهيه,,,,,,,,,’’’’’’’’’’’,,,,,,,,,,,

__________________
احدية الأمير: عشق بن شفلوت رحمه الله في فرسه

صفرا جنايبها كما الغربان
= قد عقبت عقب الخليف ثنين

لا من رفعت الصوت لقحطان
= يا ويل منهم يطلبونه دين

لا هنت يا ابن عاطف

والله يكون في عون اللي ما قد تزوج ويرزقه ببنت الحلال اللي تضمه وتكسر ضلوعه

هههههههههههههههههههههه

والله ما ينلام ذا الشاعر في المهور وغلاها

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

منصور العبدالله ــ مشعل بن هادي ــ محمد ال غانم

جبران بن هتلان ــ سعيد الجهيمي ..

اررررررررررحبوا ..

وما يعطر متصفحي الا مروركم العاطر ..

وتقبلوا تحيتي ..

لاهنت يا شامانـ

بس أرب القصيدة ماهيب لك ...

هههههههههههههههههه

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..