الشايب والاسهم

الشايب والاسهم
******

البارحه غير والاوضاع مختبصه

****************** والنفس عيت تروق وشانت اخلاقي

ماهي بحبكة خيال وكاتب وقصه

****************** لا والله الا حقيقه شوفت امواقي

الشايب اللي تنهت يخفي الغصه

****************** من نظرة الحزن جرح لاج بعماقي

وقف وشكله يقول ومايلي نصه

****************** انا بقايا لمجداً كان بوراقي

قبل امس يذكر معي ويقال لك حصه

****************** واليوم لا ذكر يذكر لي ولاباقي

تسابق الوقت واطراف العبث قصه

****************** و اصبحت ميت عطش وانا على الساقي

والخاتم اللي تشوف وطايح فصه

****************** حمله ثقيل علي ماعاد ينطاقي

ياذيب لاشفت ذيب في الخلا وصه

****************** قله ترى العم يوكل شقوت الشاقي

واللي على ساق وحده بعد منشصه

****************** يجلس مكانه ويترك واحدً راقي

لا ينتحر قبل وقته يكمل الرصه

****************** خله يداري على اللي مابعد فاقي



ذيب العبيدي

المشاركة الأصلية كتبت بواسطة جناب الهضب ذيب العبيدي صح لسانك واعتلا شانك

المشاركة الأصلية كتبت بواسطة أبو صقر صح والله لسانك وعلى شانك والله الله ياالاسهم كم دمرت من الناس لك تحياتي