محاوره جرت بين الشاعر شعيل بن ثقل الهاجري والشاعر جباربن مقعد السبيعي
اقدم لعشاق المحاوره هذه المحاوره للشاعرين شعيل بن ثقل الهاجري والشاعر جبار بن مقعد السبيعي عسى ان تحوز على اعجابكم........................................... ...................................
شعيل:
عد نون في مقاديمه تحن ارعوده......ياسلام الله قبل دق الكلام وجله
والحقيقه ياالسبيعي غاية مفقوده.....داخ راسي ماش دكتورن يداوي العله
جبار:
لاتهيض صاحبك حتى تبيح سدوده......الكلام ومرحبا مافيه عقد يحله
ينتهي عمر البنآدم مابلغ مقصوده.......يا عسانا من هل السنه جنود المله
شعيل:
كل شي له حدود وللكلام حدوده.......وان تعدى الحد لابد الخطا والزله
من يحل المشكله واعقودها معقوده....والنظر مجرود واضح والنجوم مطله
جبار:
من حسب ياالهاجري نقص الكلام وزوده .......قام حد الحد ضد اللي يجي به خله
تعرف إنا ياشعيل سيوفنا مجروده...........للعدى وافعالنا واقوالنا بسم الله
شعيل:
الكلام الزين له عشاقته وشهوده...........والكلام الشين لاقدك ولاقدله
انت شاعر جبت لك معنى وقوده قوده........لاتهوز وتلفت بين الضفر والذله
جبار:
الوجوب الرجل ما يترك سلوم جدوده.......بالفداء والتضحيه صرح الوفا يحتله
لاسمعتوا علم صامل ما بخل في جوده.......العقود نحلها واللي يحل افتله
شعيل:
واجب المسلم يراعي خالقه معبوده........مايراعي يابن صامل خلق من خلق الله
وان تهرج ما هرج بالكلمة المنقوده.......وان وعد يوفي بوعده والوفا طبعن له
جبار:
ناصر الله ينصره والله نصير جنوده.......والمعزه في سلال اسيوفه المنسله
الحقيقه للصحاح احبالها ممدوده........وناس يرجون الوعود احبالها منفله
10-09-2005, 04:17 AM
تعليمات المشاركة
العرض الشجري