[frame="7 80"]هذه اسطورةً في البدع والرد بدأها الشاعر المبدع محمد بن مريع الشهراني حينما أرسل هذه القصيده الى الشاعر حامد بن سمحه القحطاني


البـــــدع



محمد بن مريع الشهراني
[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

يامل قلب ٍ مـن عنـى الايـام حدتـه الهمـوم=ذاق الغدر ذاق الجفا مـن كـف نـاس ٍ حبهـا
يبني زمانه وانهدم ما قد بنى في ضـرف يـوم=فـي ساعـة ٍ فيهـا النفـوس ابليسهـا يلعبهـا
شئ ٍ حصل ما قد حصل حتى من اكبار الخصوم=لكن حصل من صحبة ٍ في ما مضـى معجبهـا
أرخصت حالي دونهم وآقف وفا لا جـا لـزوم=واللي هقيته محزمـي والله طلـع مـن جنبهـا
مشكاي تكفى يالوفي مشكاي يـا نسـل القـروم=مشكاي يا مشفـي الجـروح الكايـدات وطبهـا
مشكاي يا صقر ٍ تعللى في طويـلات الرجـوم=وافي ونار المرجله مـن طيـب راسـه شبهـا
يا حامد ابن مفـرح الحيانـي ادريبـك عـزوم=لانك يابن سمحه مـن شيـوخ ٍ ينومـس نبهـا
أبغاك في خدمه ويسلـم وافيـن مثلـك خـدوم=ودي بشـورك فالقضيـه وانـت خابـر لبهـا
الاولـه عديتـهـا وعلومـهـم زادت اعـلـوم=وارداهـم بهـرج القفـا طـب الرذيلـه طبهـا
وانا معه وافي واشل همومـي وهمـه واقـوم=وامـدّه احبالـي وفـا وحبـال وصلـي جبهـا
ما يدري ان سب الرخوم أكبر حرام وهم رخوم=كيـف المطاليـق يهبـا والله نــذل ٍ سبـهـا
احترت يا حامد ولا ادري يا عسى عمرك يـدوم=ناس ٍ كذا يا صعـب اجاملهـا وصعـب آكبهـا
تكفى يا حامد دلني يـا شـوق زاهيـة الوشـوم=لو الصراحه جارحـه مـا قلـت تكفـى غبهـا
قلي كذا والا كـذا يـا امّـا انثنـي والا اشـوم=وصف لي القمه وانـا نـذرن علـي لا آذبهـا
واسلم وسلم يالوفي يا القرم يـا نسـل القـروم=يا مشفـي جـروح العليـل الكايـدات وطبهـا [/poem]


الــــــرد


حامد بن سمحه


[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يامرحبا ترحيبة ٍ تنوب عـن حـب الخشـوم=ترحيبـة ٍ تحسـب لمنهـو وفـق ورحبهـا
أكبر من الشرهه ومن حفظ العوايد والسلـوم=واعلى من الشهره ومـن لوصولهـا يتعبهـا
وارق من وبل السحايب من عقب لفح السموم=واصدق من دموع الصغار اللي توفـى أبّهـا
من بعدها ياصاحبي دامـك مقـدر ومحشـوم=جتك الحلول آربها ترضـي الكريـم آربهـا
ناس ٍ تبيع وتشتري في المعرفه للـي يسـوم=ذولا عبـاد ٍ يالخـوي بنصحـك لا تحسبهـا
خبرهم أن البحر مايطمربه اللـي مـا يعـوم=وش عاد لو ترمي بهم داخل غياهـب جبهـا
اصبر وثابر واجتهد واسمع من العالم عمـوم=ثم اختر اهل الطيب وان نادت عليـك فلبهـا
الناس في هذا الزمن ياخوك معطى ومحـروم=وان جاتك الحسنات كبرهـا عسـى تغنمبهـا
لاتقترب دار الحضر فالروم دوم الدهـر روم=لانها تمايل كالغصـون اللـي الهـوا بيهبهـا
دار الوفي بين الجبال اللي بها الخضره تـدوم=والا الصحاري لو تفيد ان كـان ذرت ضبهـا
تعال وابشر بالسعد لاضاق صدرك بالهمـوم=واترك مضيعة الجميل احسابهـا مـع ربهـا
لان اصدقا ذا الوقت صاروا يامحمد كالخصوم=عنوانهـا اسمـع هكـذا والسالفـه تعلمبهـا
اثري دبليو (مصلحه) واللي بعدها دوت كـوم=واللي حصلـك تجربـه ياصاحبـي يجربهـا
مافيه شي الا بشـي انظـر لداكنـة الغيـوم=لولا الرعد والبرق ماشافـت عيونـك صبهـا
ومن لا يحاسب للخطا قبل القدا يلحقـه لـوم=وايامنا مثـل الرحـا تطحـن وحنـا حبهـا
هذا وسلم واستلم عسـاك وربوعـك سلـوم=يابن الرجال اهل الوفا واللـي يشـرف نبهـا
لك لابة ٍ ربي عطاها قسم من خيـر القسـوم=من كبرها من طيبها صـار المثـل يضربهـا
ودامك طلبت الراي جاك الراي مقفل ومختوم=واسلم وسلـم وان لفتـك رسالتـي رحبهـا [/poem]

اتمنى ان اكون قد وفقت في النقل

تحياتي وتقديري

حمد بن عروان[/frame]