السلام عليكم ورحمة الله وبركاته

محمد العلي الرشيد مثبت امارة الرشيد في حايل
كان عنده فرس اسمها كروش طلبها منه احد ولاة الترك
فأرسل له هذه القصيده يلومه في هذا الطلب ويقول قد طلبها من هو افضل منك
(فيصل وابن هادي )ولم اعطيهم ويقصد فيصل الدويش والشيخ محمد بن هادي بن قرملهi

يقول بن رشيد/
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[poem=font="MS Dialog,5,darkblue,normal,normal" bkcolor="transparent" bkimage="" border="none,4,black" type=0 line=0 align=center use=ex num="0,black"]
يابيه انا لكروش معطي ولا ابيع=قبلك طلبها فيصلن وابن هادي
يابيه لو كثرت بالهرج ماطيع=هل كيف تبغيني اسلم جوادي
ياشيخ مايرهم على مثلها البيع=ولا يجي مثله يقوده مهادي
ماجمع اصله بالقراطيس تجميع=اصله يعرفونه جميع البوادي
باغي الى من لقموا بالمصاريع=وصاح الصياح وثار عج الطرادي
هذاك بيعه والصبايا مفاريع=فوق السبايا والحنايا عوادي
انطح ورى ربعي وجيه المداريع= وفك عليها دينهم والعبادي
من لابة بالحرب ماهم مطاويع=ولا تحسب بالمداس العوادي
حلفت مايطري علينا بها البيع=للحشر ما يفخت سواده سوادي
يا بيه انا لاسمع كلامك ولا طيع=هرجك بمقلة ناظري والفوادي
مادام راسي للرياح الذعاذيع=بالعون طالبها من الناس غادي
صلوا على محمد اخير المشافيع= اللي لنا يشفع بيوم التنادي[/poem][/poem][/poem]

السلام عليكم ورحمة الله وبركاته

لاهنت ياجلحاب الرفيدي

والقصيده اظن والله اعلم انها لعبيد ابن رشيد وليست لمحمد بن علي الرشيد

والقصيده فيها بيت ناقص وهو

[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,skyblue" type=0 line=0 align=center use=ex num="0,black"]
ياسابقي مانرخصك بالمطاميع= حتى ولوقيل ارفعوا بالحدادي[/poem]

والقصائد التي مثل هذه كثيره والتي يرفض صاحب الفرس بيعها او هدوها

كقول الشيخ محمد بن هادي للعبدلي حينما طلب منه جواده

[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,skyblue" type=0 line=0 align=center use=ex num="0,black"]
يالعبدلي لا تكثر السوم بالغوج = لوكان طارينا الثمن كان بعناه[/poem]

وقول ابن حشر لعباس باشه :
[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,skyblue" type=0 line=0 align=center use=ex num="0,black"]
ياسابقي حبك مقيم على ساس = مولع في حبك القلب توليع
حلفت لو ساموك بفلوس عباس = اني شفيع فيك لا اصخي ولا ابيع[/poem]


وقول الشيخ شالح بن هدلان هذه القصيده رداً على ابن سعود وابن رشيد
عندما طلبو منه العبيه وهي من خيل عتيبه عندما قلعه ابنه ذيب بن شالح :

[poem=font="Simplified Arabic,4,black,normal,normal" bkcolor="transparent" bkimage="backgrounds/1.gif" border="double,4,skyblue" type=0 line=0 align=center use=ex num="0,black"]
ياسابقي كثرت علوم العرب فيك = علوم الملوك من أول ثم تالي
لانيب لا بايع ولاني بمهديك = وانا اللي استاهل هدو كل غالي[/poem]

هذه بعض القصائد اردت بها فقط ان اشاركك في موضوعك هذا


وشكرا لك


.

__________________

لاهنت اخي جلحاب

ولكن انت نقلت القصيدة على علاتها ، والظاهر من منتدى المطران

اخي الكريم ابن رشيد يقصد فيصل بن تركي آل سعود ومحمد بن هادي بن قرمله



شكرا لك والرجاء التأكد من النقل مرة أخرى

لاهنت اخووووووووووووي


جلحـــــــــــــــــــــــــــــــاب


لاهنت يالغالي


الشكر موصول للغالي فارس قحطاااااااااااان


على الاضافة والايضاح

والشكر موصول للبقية

__________________
« اللهم كما أحسنت خَلقي فحسن خُلقي »

نعم القصيده لعبيد العلي الرشيد وليست لمحمد العبدالله الرشيد ......

__________________
كفارة المجلس

سبحانك اللهم وبحمدك اشهد أن لاآله الا أنت أستغفرك وأتوب اليك


سبحان الله وبحـمده
سبحان الله العـظـيم

اخوي الضويري + ابن الاروق + فارس قحطان

لاهنتم على التوضيح ودمتم ...

وعندي اضافة :

1- طلب بن هادي للفرس ليس من باب طلب الهدية ... فقد ذكر احد المؤرخين بأن بن هادي اهدى ام الفرس للامام فيصل بن تركي ... وان للعرب عادة قديمة تتمثل في ان اول مولود لها يعطى لمن اهدى ...وهو بن هادي ... ولكن الامام فيصل اهداها لابن رشيد ...

فهل اهداها الامام فيصل لعبدالله بن رشيد وعبدالله اهداها لاخيه عبيد .. او كانت الهدية لعبيد مباشرة ؟؟؟ الله اعلم..

فهل هذه القصيده للقصة اللتي ذكرتها ؟ ام ان هناك قصيده اخرى ؟؟؟؟ ..الله اعلم

وعلى كل حال لاضرر من التحقق من القصة المذكورة من خلال ردودكم او ردود باقي الاخوة الاعضاء

2- فيصل الدويش ( اثـنـيـن ) مهوب واحد ... فيه فيصل اللي عايش الملك عبدالعزيز وفيه عمه او جده ... لست متأكد .... وقد يكون اسم اللي عايش الملك عبدالعزيز الكامل :

فيصل بن سلطان بن فيصل بن وطبان الدويش ... كما قلت لست متأكد من الاسم ...ولكني متأكد بان هناك اكثر من فيصل الدويش وكلهم تشيخوا قبيلة مطير ....

والعلم عند الله


------------------------------
اخوي جلحاب :

تسلم على الموضوع

__________________
كفارة المجلس

سبحانك اللهم وبحمدك اشهد أن لاآله الا أنت أستغفرك وأتوب اليك


سبحان الله وبحـمده
سبحان الله العـظـيم

فارس قحطان لاهنت على المرور واضافتك شرف
وفعلا بعد التحقق القصيده لعبيد العلي الؤشيد


ابن الاروق،،،،،،،، الضويري
انا لم انقل القصيده من اي منتدي بل موجوده عندي ومن ضمن مقتنياتي

احب ان اكرر ان المقصود هو فيصل الدويش وليس فيصل بن تركي 0(كلام اكيد )

عبيد الرشيد من مواليد1220
وفي عام 1247مازال فيصل بن وطبان الدويش شيخ المطران

فتي الجوه ,,,,,,,,,,المشبهاني
مرووركم شرف ولاهنتو يالنشاما

لاهنت على نقل القصيدة