سئل أحد الحكماء عن تقسيم الإنسان بحسب سلوكياته

فأجاب بعد لحظة صمت .....

اسمع ياولدي .. من خبرتي المتواضعة مع مملكة البشر .. وقرائتي لمئات الكتب .. ومعاصرتي لعشرات الفلاسفة والحكماء..

أرى أن الأغلبية من العلماء اتفقوا على تقسيم البشر من حيث سلوكياتهم كالتالي .....
.
.
.
.
.

الدلخ: وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.

المنسم : كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .

المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

السلنتح : قليل الأدب

جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب !

الزاحف : يعني طاير في العجّة وهو ما عنده ما عند جدتي , يعني بالعربي الفصيح من جنب القدة .. وفي رواية من جنب العارضة

الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له

المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه.....

العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري..

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم.!!!!!.....

السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.

السمرمدي : وهو من نفس فصيلة السربوت.

الداشر : هذا قليل الأدب و لا يحب يماشي إلا السرابيت. و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه.

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

زعّيط : مسوي نفسه يفهم في كل شيء وهو من جنب العارضة.

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

المفلت : هو كل شخص ما تقدر أنك تأمنه على شيء لأنه "مهوب تكانة" و يتميز بكل أنواع الإهمال و التطنيش...

الخكري : ببساطة الخكري = نعومة + دلع + ليونة والله لايبلانا




منقـــــــــــــــــــــــــــــــــــــــــــــــ ــول


مع تحيات أخوكم خوي الذيب الربيعي / أبو سعد

__________________

لاهنت على المشاركه

__________________

بارك الله فيك والله يعطيك العافيه




لاهنت

تسلم على المشاركة


وصراحة مالفت انتباهي



الا مصطاح (جحلط) بتشديد اللام

فهو من افرازات الحياة المدنية

مع الشـــــــــــــــــــــ(صبـــي)ــــــــــــكـــــ ـــــ(آل بـــهي)ــــــــــــــــــــــر

هههههههههههههههههههههه والله مايقهرك الا الفاهي

مشكور يالغالي على هذه المصطلحات المهمة والمستعملة بكثرة

هههههههههههههههههههههههههههه


يالله اني في وجهك



من المفهي والسربوت


تحياتي


ولا هنت على النقل

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ان ---- كنا -- فعلا صادقين مع انفسنا --- فلا بد ---- ان الكثير من هذه الصفات التي ذكرتها

موجوده --- في كل واحد --- منا -------- ولكن بنسب متفاوته ------------------ مشكور --------- تحياتي

__________________
أبشرب من دلتك لو كلها سم .. ما أهز فنجانك و لا أقول كافي

دامها من يمناك و تقول لي سم.0. بسم الله أشرب كل سمك عوافي

مشكور يالغالي

ولاهنت على المشاركة

__________________
خاويت النجم وأشهد أن الجدي ما خان=خـانـي الـمـرزم والثـريـا بـعــد خـوانــه

يانجـم ياليـت فـي الأرض مثلـك أنسـان=فعلـك فــي مكـانـك وفعـلـه فــي مكـانـه

وأن كـان مافيـه ياليـت محـدٍ فيـه كــان=فــي كــون يـضــم كـواكـبـه ومـرجـانـه

هخهخهخهه

يعني في البشر عاقل

مشكور اخوي خوي الذيب على هذا الموضوع الزاحف المهوي المرجوج

__________________

والله أنا ناوي أزود مشاركاتي لذا من اليوم ورايح برد على كل واحد لوحده
ونبدأ من عند أخوي بن فالح
مشكووووووووووووووووووووور على المرووووووووووووووووووووووووور

__________________