السلام عليكم ورحمة الله وبركاتة ..

مساكم الله بالخير جميع..

هذه قصيده أرسلها واحد من اخوياي الأعزاء إسمه / ماجد الحارثي , صديق مثلكم وشرواكم وعز الله ماشفت منه إلا كل خير.

والقصيده يقول إنه جايبها من شايب له عود يعرفه تمام المعرفه وحبيت إني أطرحها ( ولست بأعلم من المرسل أو القارئ ) وأتمنى إفادتي إن كانكم سمعتوها من أول ليس تكذيبا في خويي ولا شايبه إنما لتحري الدقه لاأقل أو أكثر..

مناسبة القصيده : هي للشيخ عشق بن زيد بن شفلوت أمير قبائل عبيده قالها في الشدادين عند جلائهم ونزوحهم لقبائل إبن الحارث إثر دم حصل الجلاء بسببه , ويسندها إلى إبن عمه , وكان ذلك في زمن الشريف محمد ابن هزاع عام 1186 للهجره ويقول فيها:


[poem=font="Simplified Arabic,5,black,bold,normal" bkcolor="transparent" bkimage="backgrounds/2.gif" border="double,medium,black" type=4 line=0 align=center use=ex num="0,black"]
يابوعشق يابعد دار الشدادين=ياليتهم بالنزل في دف جمهور
ربعن لنا من دون الأقصى والأدنين=ساس لنا لاحد نفخة الصور
عز الصديق وضد عين المعادين=يشهد لهم بالفضل غياب وحضور
لباسة الجوخ الحمر والتوامين=وشلفن مضاربها على مشة الزور
بظهور شهبا كأنهن الشياهين=إلى تلاقا باللقا كل مسطور
عذروبهم راحوا علينا بعيدين=اقفوا وصاروا حول ميسان والصور
راحت منافعهم لجمع العضاوين=ياسيفنا اللي مقدمه صار مشقور
اقصى منازلهم يم الأمرين=وأدباشهم ترعى من عن وحدور
ياما رعوا بالبوش يم الحفيفين=في وادي توه من الوسم ممطور
الله يجمع شمل نزع القحاطين=راحو كما حب مع القاع منثور
ياشيخ ياناطح وجيه المعادين=عساك من صدفات الايام ماجور
لك وقفتن تبرز بها كل الميادين=ولك موقف بين الاجناب مشهور
وياللي برايك يرجحن الميازين=ارجع علينا ربعنا وانت مشكور [/poem]

__________________
الباب الاسود !!

ونعم بابن شفلوت مقدم عبيده كل قرم وشغموم
ونعم بالشدادين وبماجد الحارثي
نأمل المزيد عن الشدادين سيرتهم ومشائخهم وفرسانهم وشيئ من بطولاتهم
تحياتي يا ناصر تحري بالعلم الغانم

__________________

اتوقع ان هذذذذذذذذذذذذذذذي القصيده للشاعر داهم بو نكيفين النطعان الفهر


اما الشدادين لهم موقع خاص فيهم علي الانترنت لمن اراد الاطلاع علي تاريخهم


وشكراااااااااااا للجميع

لاهنت وبيض الله وجهك

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

حياك ياناصر
لي ملاحظات /
تركيبة القصيده متناقضه وفيها مفردات حديثه ولايمكن ان تكون لعشق بن زيد
واللي اعرفه ان عشق عاش في القرن الثالث عشر يعني فيه فرق 200 سنه

تحياتي

السلام عليكم ورحمة الله وبركاته


القصيده ليست للشيخ عشق بن شفلوت


وللإستزاده في هذا الموضوع

راجع هذا الرابط

http://www.qahtaan.com/vb/showthread.php?t=6620

__________________

الأخ المعمري أرررررررررررررررررررررررحب

والله ونعم بك و بالفهر وبالحرث وافين وافين وافين

للمعلوميّه من وجهة نظري أنه ليست للشيخ عشق بن زيد بن سالم بن شفلوت لأنك قلت عنها عام1186هـ لأن الشيخ زيد بن سالم بن شفلوت لم يعش في ذاك الزمن لأن كما هو معروف أن الوقعة اللي حصلت بين الفهر وبين ذوي عطيه من الروقه عتيبه واللي ذبح فيها الفارس شليويح العطاوي سنة 1300هـ على وقت الشيخ الفارس زيد بن سالم بن شفلوت وكما هو معروف أن اللي خذا المشيخه بعد الشيخ زيد بن سالم بن شفلوت هو ولده الشيخ عشق بن زيد بن سالم بن شفلوت والشيخ عشق بن زيد بن سالم بن شفلوت هو اللي يعنيه الشيخ هذال بن فهيد الشيباني :

نرعى الحمل بمذّلق العيدان ************ ديرة عشق وهديف بن عبود .
وهديف المذكور في القصيده وهو الفارس هديف بن جعفر بن منيس بن عبود آل مسعود .


عشان كذا من وجهة نظري أن القصيده المذكوره أعلاه ليست للشيخ عشق بن زيد بن سالم بن شفلوت .

تقبل تحياتي أخوك أبا الذموم.

__________________

لاهنت يا المعمري

ارحب ياسنحان بن عامر..

ماعليك زود يالأجودي لاهنت على المرور ..

___________________________________

ارحب يازور الجمل والله لايهينك على الإفادة

___________________________________

ارحب ياسفير بني بشر لاهنت يالطيب

___________________________________

ارحب ياسعد بن حبشان وأوافقك الرأي تماماً خصوصاً في بعض الأبيات

____________________________________


ارحب يافارس قحطان ولاهنت على الإيضاح يامشرفنا الغالي

____________________________________

أبا الذموم , مرحبن يسلم, اوافقك الرأي أيضاً ولاهنت يالقرم على الإفاده

____________________________________

ارحب يالعريفان , وقايل مايهون وأشكر مرورك

____________________________________


هذا ماكنت أسعى إليه للتحقق من تلك القصيده والشكر موصول أيضاً للأخ حسين بن حمدان على طرح القصيده من قبل ولكن للأسف مأطلعت عليها من أول إلا بعد مأشار إليها فارس قحطان ..


لاهنتو جميع وبيض الله وجيهكم

__________________
الباب الاسود !!

لاهنت يالذيب