عوض بن طميران وسمي ابن وسام

سمي ابن وسام

سبحان من لاجله اقمت الصلاوات &&& ربن يسبح لاجله الكون كله

جل جلاله فوق سبع السموات &&& اللي جميع الخلق تخضع رضا اله

والعبد لويجني معاصي وحسنات &&& مهما فعل مكتوب ومسجل اله

ادعي عسا ربي يجيب الدعاوات &&& تجيني الموته وانا ساجدن اله

وخلافها يابدر راع المهمات &&& اقرب وصلح لي من الكيف دله

تجلي عماس الراس واصوغ الابيات &&& واصبها صب الذهب في محله

واغلف المعنى واحط التفاتات &&& تلفت فكر من كان عقله يدله

صدام قالوا مات واقول مامات &&& الحكم حكمه والبلد مستحله

علم(ن)عليه اثبات يامدور اثبات &&& ماهوكلام مزورين الادله

اللي يزوّربالحّيل والرشاوات &&& يقراء الكتاب ولايخاف المظله

قد قال قبل اقولها شاعر(ن)فات &&& والشطر اعيده من غلا كاتب(ن)اله

العام وجهه مثل وجه العصابات &&& واليوم له وجه(ن)تبيّن محله

وان حطلي صدام يشبه عرفات &&& احطله وجه الشبه فالمجله

حتى يعرف الفرق راع الحركات &&& وازرع وسط قلبه ثمانين عله

وان قال لي حنا الجبال المنيفات &&& اقول له حنا النجوم المطله

امن الخليج اليا جبال السراوات &&& هذي ديرنا من بغاها نذله

نعلن عليه الحرب صوله وجولات &&& مع شيخنا اللي كلنا محزم(ن)اله

والظلم مايبني قصور وعمارات &&& والحق يحرق قلب من فيه خله

والله هو اللي عالم(ن)بالخفيات&&& بعلم جميع السر دقه وجله

ثم بعدها منصاك غرب السفارات &&& قصر(ن)مشيّد عن ثلاثين فله

منصاك شيخ الجود تاج المروات &&& شيخ(ن)عسا كل المشايخ فدا اله

شيخ(ن)مضريها لكسب الجمالات &&& مايحسب احساب الخسارات لله

عوض عوض والاسم يكفيك بالذات &&& فيه الكرم والجود طبع وجبله

وسلم على خشمه ودق التحيات &&& واخذ معه فنجال دله وقله

ليتك نهار الشوط حاكم مبارات &&& وزمام كل الوضع في يدك حله

كان الحمول اللي علينا خفيفات &&& يوم المنافق ماش مذهب ومله

راع الحسدفعل العلوم الجزيلات &&& ابعد عليه امن السماء والاهله

واقولها واعيدها عشرمرات &&& الحكم لال سعود والعز بالله



رد الشاعر / عوض بن طميران


ياراكب الي مايهاب المسافات &&& اطول خطوط المملكة منوتله

خطرٍ من السرعه تطير المرايات &&& يساوقه لمسابق الشوف ظله

يضيع فكرك بين شاشه وزرّات &&& حتى دركسونه من الزين فله

يجاوب الحونك وتشفيه لاهات &&& ان جيتبه زفلت ون جيت جله

امصممينه في لزومي خواجات &&& حسب الطلب جاني وانا فاطنله

ولي يزوّد للخواجه فرنكات &&& على غرار امواصفته وصله

كنه مورد للتهاريب بالذات &&& من دار ابو عبدالله الحمل شله

ماهوب مجهولين ولا حزم قات &&& لاوالله الا اعطوف والفين سله

وراه عسكر حد قبل الجوازات &&& ولا اخويا المظلوم كلٍ محله

يا طا الخطر ويحذّفون البريهات &&& كلن من الذله قعد يستزله

سواقه المعروف راع المهمات &&& دليل والمطنوخ مافيه ذله

يجيبها لاصار فالوقت ميلات &&& يرضي ضميره قبل يبكيه خله

يشرب فناجيل العدا والبيالات &&& لاقيل منهو قلت هذا جارلله

الجيب جيب الكزز اترك لشاعات&&& ولي يقول الشاص مرغوب خله

امصقطينٍ لوحته في لمارات &&& ولي بقاله ياحمر العين تله

نصه ولد عمي زبون الونيات &&& سلطان ولي يبخسه مايمله

خطه وصل والعلم مايبغي اسكات &&& با دوّنه في صفحةٍ مستقله

لاجيت عنده والقوافي محيمات &&& قله ترى اللغز المعقد نحله

من باع دينه لجل كسب الريالات &&& يجيه ما جا التونسي ويحصله

صدام ميّت قدله اربع سناوات &&& ولي بكو مثلك من الربع قله

تسلف امن البنك ما يغني الذات &&&وترك حلال القوم دقه وجله

اقول ماسمعت وختام لبيات &&& من زبدت الموضوع والهرج كله

الحكم لبن اسعود مابه مراوات &&& والشعب كله عايشٍ تحت ضله

__________________

بيض الله وجهك لاهنت

مشكورررررر

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

صح لسان الشاعر ابن وسام




والشاعر ابن طميران




ولاهنت يا ابو سلطان

تقبل التحية

ابداع الله يحفظك ويرعاك