اقرررررربو

07-05-2005, 08:24 PM

الضويري

مـــراقــــب

تاريخ التسجيل: Sep 2004

المشاركات: 3,569

اقرررررربو

ولد الشاعر المعروف حميدان الشويعر احد ابرز شعراء الحاضره في نجد في بلده القصب المعروفه توفي فيها عام 1160 للهجره وتميز شعره بالعياره الشديده والمتقنه وانتقاد المجتمع ولم يسلم من لسانه امير او صغير او حتى ابنه مانع.
تولى بلدان الوشم احد الامراء فمدحه حميدان الشويعر بقصيده وبعد مده ارسل الامير الجديد في بلدان الوشم الاستعداد لحرب قحطان واخراجها من نواحي الوشم كأولى خطواته في الحكم الا انه تخلف عنهم وحتى لا اطيل عليكم اترككم مع حميدان ولسانه اللاذع
[frame="4 80"]

[poem=font="Simplified Arabic,4,white,normal,normal" bkcolor="purple" bkimage="" border="ridge,4,indigo" type=1 line=0 align=center use=sp num="0,black"]
ا سباب ما فاجا الضمير وذار =كرى العين ودموع النظير نثار
شي فجاني من زماني وراعني=هواياه في لاجي الضمير كبار
الى شفت من يامر وهو دون حسبته = ردي المناسب والجدود هيار
امير يسمونه امير مضبب = عار عليه وبالقيامه نار
وطاني ردي الخال وغزاني صخره = وانا عيلتي مفتاقه وصغار
غزينا على قحطان لا در درهم=وهجمنا بليل والنجوم زهار
تداعوا علينا من بعيد وجلبوا = وجونا كما ( الدبوا) الى من سار
تطارد فرسان ربعي وخيلهم = وتقادحن سيوفهم شرار
الى من هزمنا جمعهم جا كمينهم = يزمي كما موج زفر ببحار
وزادوا علينا واستفزت قلوبهم =وحل الفنا فينا وفكري احتار
وجت خيلنا اهلها تجر رماحها= منهزمه تشبه حمام طار
جينا ذليلين وذبحت شيوخنا=حفايا عرايا والمقدر صار
غزينا وجينا وابرق الريش ماغزى = وابا الحاس ما مد الجناح وطار
لك الله لو هو حاضر يوم كونا = نهار عبوس فيه العج ثار
تبهبه وثوبه كل حين يبله = ويرمي بحدريه بغير عيار
ذليل فلا يوم يشاهد في هيه = وهو بالمقاهي فارس كرار
وهو كما المدغوش في ساقه الفلا =يصهل وبالتالي نهيق حمار
تشوفه كما المزغول باول صوته= ترى تالي صوته عليه عيار
تحير جده بين عمرو و وايل= وبغا عامر يعمق عليه وحار
الى عاد مانت من تميم وعامر = ولا انتب لعالين الاصول تشار
تقهقر ولا ترقى مراقي صعبه = عود وهود يا ذليل الجار
تتبعت ديوان المناسب ولا حصل= القى له اصل بين المعبار
واجهدت بالدوره واظني لقيته =صفار بنى له دار
شحيح فلا يبذل من الخير حبه=وللشر بذار قصير اشبار
الى نوى بالجود او هم بالصخا =وساويس نفسه للردي تندار
اشح من المفطوم في كفه الغذا =الى وافقه حد الفطام عسار
واشح من بيوض عن واضح الندا=الى ظهر نجم التويبع غار
محى الله من يزرع على غير عيلم = ومن كان يبني بالهيار جدار
اجل عنك مدحي ضاع في غير خير= كما ضاع في جيب العجوز عطار
مدحته بجهل قبل عرفي فيا اسف=على مدح مزغول بغير اشهار
فياليت عرفي قبل مدحي بمن هفت = عموقه وخاله مهنته جزار
ترى الاصل جذاب على الطيب والردى = فلا شك نق الحب يالبذار[/poem]

[/frame]

المصدر:
مخطوطتي العبودي والعمري

التعديل الأخير تم بواسطة الضويري ; 07-05-2005 الساعة 11:10 PM

07-05-2005, 10:32 PM

عاشق الوطن

إدارة المجالس

تاريخ التسجيل: Jul 2004

المشاركات: 3,693

عاشق الوطن has a reputation beyond repute

اقتباس:

المشاركة الأصلية كتبت بواسطة الضويري

فياليت عرفي قبل مدحي بمن هفت = عموقه وخاله مهنته جزار
ترى الاصل جذاب على الطيب والردى = فلا شك نق الحب يالبذار[/poem][/align]ا[/align][/frame]

المصدر:
مخطوطتي العبودي والعمري

لاهنت على هذه القصيده

08-05-2005, 12:10 AM

ابن عاصم

عضو فضي

تاريخ التسجيل: Oct 2004

الدولة: هناااك

المشاركات: 1,402

والله اني من يوم قريت ان كاتب الموضوع الضويري دريت انه موضوع قيم وشيق

لاهنت فديت خشمك لاهنت

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه

الشاعرالكبير _ حمد بن هادي المسردي

التعديل الأخير تم بواسطة ابن عاصم ; 08-05-2005 الساعة 12:11 AM

09-05-2005, 12:50 AM

السيف النادر

عضو متميز

تاريخ التسجيل: Sep 2004

المشاركات: 816

اررحب يالضويري

لا هنت وبيض الله وجهك على هذه النادرة

وفعول قحطان واجد لكن من اللي يبحث عنها ويدورها ..... شرواك

اقتباس:

المشاركة الأصلية كتبت بواسطة الضويري

وزادوا علينا واستفزت قلوبهم =وحل الفنا فينا وفكري احتار
وجت خيلنا اهلها تجر رماحها= منهزمه تشبه حمام طار
جينا ذليلين وذبحت شيوخنا=حفايا عرايا والمقدر صار
[/poem][/frame]

المصدر:
مخطوطتي العبودي والعمري

لعنبو من لاااامهم

اكرر شكري وتقديري

اخوك

السيف النادر

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

13-05-2005, 01:03 AM

المعمري

عضو فضي

تاريخ التسجيل: Nov 2004

الدولة: الكويت

المشاركات: 1,477

لا هنت يالضويري وبيض الله وجهك وتسلم يمناك

اخوووك المعمري

24-05-2005, 11:55 AM

الجدي

عضو جديد

تاريخ التسجيل: May 2005

المشاركات: 6

اخوي الضويري اشكرك على هذا الموضوع

ونشكرك على جهدك وبحثك الذي يدل على اهتمامك

وصدق الشاعر يوم يقول

ترى الاصل جذاب على الطيب والردى
فلا شك نق الحب يالبذار

وتقبل تحيات
اخوك الجدي

__________________
حنـا قـحـاطينن ذربنـا بـعيـدي **** لامن بدا اللازم حنا قضيناه
عاداتنا في الهوش ذبح العقيدي **** تجفى معاميلة وتبكي دناياه

25-05-2005, 03:43 AM

كحيلان

عضو فضي

تاريخ التسجيل: Nov 2004

الدولة: نـــــجد ديار عوااااال الشــايب

المشاركات: 1,489

شكراً لك اخي الكريم على هذا المشاركة

ولاهنت على القصيده

25-05-2005, 06:11 AM

هداج تيماء

عضو

تاريخ التسجيل: Feb 2005

المشاركات: 70

الاخ الضويري اقول موضوعك طيب جدا وبذلت فيه مجهود ليس با البسيط لكن ياخوي اللي اخبره عن ان حميدان
الشويعر من قبيلة بني خالد وهو قروي راعي فلاحه وليس له اي دراية في المغازي والحروب وقد قريت عن سيرتة وانه شاعر من اقدم شعراء نجد والجزيرة العربية ويتميز شعره با السخرية والهزل من مجتمعه وهو اقرب الى الشعر الهلالي القديم وشعر العربي الفصيح هذا مااااااا احببت ان اوضحه بخصوص الشاعر حميدان الشويعر
وليس معنى ذلك اني انكر صحة روايتك او اشكك في معلوماتك قديكون هناك قصيدة للشاعر مثل الذي اورتها
وتقبل تحياتي

__________________
[poem font="Simplified Arabic,5,white,bold,normal" bkcolor="transparent" bkimage="backgrounds/21.gif" border="inset,5,coral" type=1 line=0 align=center use=ex num="0,black"]
الطيب لاتستغربه من هل الطيب = اللي لهم في منقع الطيب خبرة

اوسع على الاجواد من فيضة شعيب = واضوق على الانذال من خرم الابرة[/poem]

25-05-2005, 04:15 PM

الضويري

مـــراقــــب

تاريخ التسجيل: Sep 2004

المشاركات: 3,569

شكرا للاخوان على المرور والتعليق

اخوي هداج

سيره الشاعر معروفه وهوا راعي فلاحه كما ذكرت ولكن لا يجب ان نستنقص الحضر فيهم فرسان واكثر المقاتلين الاوفياء لابن سعود هم من الحضر.... والجيش فيه الفارس والركبي والرجلي والبارودي وسايس الخيل وهكذا وليس بالضروره كل الجيش فرسان وقد يكون شاعرنا احدهم وليس بالضروره انه احد المقاتلين.
وهي ليست روايتي بل مخطوطه مازالت محفوظه

دمتم سالمين

09-09-2005, 01:46 PM

#10

ابن سابره

Guest

المشاركات: n/a

الله لا يهينك ومشكووور علي هالقصيده
وننتضر جديدك وانا خوك

التعديل الأخير تم بواسطة ابن سابره ; 09-09-2005 الساعة 01:47 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى