قصه الامير ( سعود بن عبدالرحمن بن ثاني معى خوياه السعوديين

بسم الله الرحمن الرحيم

هذه القصه حدثت في حدود 1388 هجري

الامير سعود معروف بحبه للملك فيصل رحمه الله

وهو رجل شجاع وصعب المراس وكان معه خويا من السعوديه وكان منهم محمد بن ناصر ابن حويسه ال زربه الحباب
وحمد بن فلوه المري

وطلع الامير هو وخوياه مقناص الى السعوديه ووصلوا شرورا وتعدوا الوديعه ودخلوا الحدود اليمنيه ويوم وصلوا مكان اسمه جدة الدرثوم هاجمتهم قبيله يمنيه

وسار بينهم رمي ومصاويب وكان ابن فلوه المري وبن حويسه الحبابي راس الحربه في المواجهه وردوا المهاجمين

وكان ابن حويسه من كبار خويا الامير وهو الذي توسط لاابن فلوه وكتبه من خويا ابن ثاني وبعد الهيه قال الامير

ردونا للسعوديه فورا وعادوا ادراجهم وكان ابن فلوه شاعر وكلما جاء بيعطي الامير قصيده قال الامير اسكت ويقول الشاعر اما سب الملك فيصل ومدحني او مدح فيصل وسبني لا احد يجيب قصايد وبعد رجوعهم داخل السعوديه قالوا للامير خوياه ابن فلوه مزين قصيده قال ادعوه ويوم جاه قال ابن ثاني والله لااسمع كلمه ان تبكي عند ركبة فيصل وكان ابن ثاني عنده دكاكين وبيوت كثيره في قطر ومجرها وله دخل هائل من الايجارات قال ابن فلوه الا علي الطلاق ان تسمعها وجلس على ركبه وهل القصيده

جذبنا المواتر والنشاما وسقناهـــــا -------------------------------- الين ابتدا مركز وديعـه شـــــــمالينا

معى جدة الدرثوم حنا سديناهــــــا ------------------------------- هوينابها والنفس في حكــــــم والينا

هوينابها في ديرتن ماهــــــويناها ------------------------------- ومن لارجانا رد مـــــاله رجــــــا فينا

شربنا حثال الموت والنفــس بعناها ------------------------------- وردنا وميراد الضحى من تمـــــــانينا

وعـــــدنا لدار الي تذري رعــاياها ------------------------------- بحكم الملك فيصل وسيفـــــه يبارينا

يخض المشايخ خضت الرفل لشداها ------------------------------- على الحق وفعاله على الحق ترضينا

ماله دكـــاكـــينن يرابح بمشــراها ------------------------------- دكـــاكــــــينه الصاروخ للي يعادينا

روس الجبال الشامــــخات يتوطاها ------------------------------- ومعى دولته عـــزآ من الله يقــــــدينا

تعال بجوازك خطــوتك لاتعــــداها ------------------------------- وصعاطير راسك خلــــــها قبل تاتينا

ويوم سمعها الامير قال عدها يابن فلوه فعادها ابن فلوه فضحك الامير وقال

الرفل لشداها يابن فلوه انا الي دورتها وعينتها منك فاكرمه لشجاعته

اخبر ابن فلوه لازال حي قبل اربع سنوات معى ولده علي بن حمد في العين بالامارات

اما ابن حويسه الحبابي فهو حي الان وفي بلاد الحباب

دمتم بخير

صح الله لسانك ولسان ابن فلوة

وقصيدة جزلة وممتعة مشكــور

__________________





تحتفل روحي معاك بكل حـــــــول........ فيك يا أحلى متى عيدك حضـــــر

عيدك اللي حتى تاريخه يقــــــول ..........في مثل هاليوم يا أغلى البشــــر

كل عـــام وبسمتك أحلى الفصول ...........طلتك أجمل من الوجه القمـــــــر

لاهنت

ياشبل الاسد

الظوور مرحبا ومسهلا ودايم ما تجيب الا السمينه عوايدك يا ماكر الحرار واشكرك والله لايهينك

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

عندما يكون هنال عنوان للأبداع

فهو

الظور

شكرا لك على هذه القصه الرائعة...

تحياتي لك.

أخوووي الظوور فعلا أنت للمجلس النووور

وبما إنك جبت طاااري رمز الشهاااامه . الملك فيصل ,,,&

فما أقووول إلا الله يتغمده بواااسع رحمته .. ويسكنه الفردوووس الأعلى من الجنه

والأمير محمد والنشاما إبن حويسه وإبن فلووه قدوووه لنا

رحم الله من رحل منهم . ومن ظل

و هذي القصص من أرقى ما يستمتع به القارئ

لا عدمنااااك الظووور والتحيه.... .,, دمـــــــــــــــــــــــتــــــــــــــــــــم.": ’,آ’,

http://www.qahtaan.com .": http://www.qahtaan.com.": http://www.qahtaan.com

لاهنت


يعطيك العافيه


تحياتي

__________________

الاخ الغالي عبدالله العنبسي

السلام عليكم
دايم ردودك علي ذربه وسمينه وتعطيني اكثر من حقي والله يجعل محبتنا في الله وتعاونا على الحق

والحقيقه انها اصبحت لي مجالس قحطان مجلس لي فيها اصدقاء وسوالفهم تسليني مثلك وشرواك

دام الله عليك العافيه والستر

اخي الكريم سعد الشواطي

حياك الله يابن مبهل

وشهاده منك وشرواك عندي بعشر

والله لايخلي منك ياقحطاني

استودعتك الله ودمت بخير

اخوي العزيز الساااااااهر

الله يجعل لك نور في الدنيا والاخره

اشكرك على ردودك الجزل

والمميز

دمت بخير