[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]


يا كــــــثر ما تكــــــــــابر على بالمحبة = ويا كثر ماتفضــــح عيونك لي الشوق
تغيب وغيابـــــــــك عيــــوني تسبه = تشقي هدبهــــــــا لا نثرت مالح الموق
تسهر وكــــــــــــن الليل لاقفى تكبه = ونهـــارها كنــــــه من الليل مسروق
هذا خجـــــــل والا غنج تفتخـــــر به = والا طبيـــعه فيــــــك يا راعي الذوق
هذا دلــــع والا ولــــــــــع تشتعلبه = تراك تشعل داخــــــل القلب طاروق
تجي واقــــول الشــــــوق منا مهبه = ذعذاع يلــــعبي رياحـــــــين وعبوق
أحــس بإحـــساس المشــــــاعر تهبه = أنفاسك اللي ما قـــوت صدر معلوق
تعـــال يا سبت جروحــــــي وطبه = تعـــال نرشف من هنا الحب ونذوق
ترجـــــــــم لي الرغبه سواة الأحبة = وافضــــــح وعر السالفه دون منطوق
لاصبحت لك والصــــبح جيدك لعبه = بمسي مع ليــــــل نثر جادلك فوق
من فـــــــوق متنٍ لا تـــــحدر مصبة = ضافي على الردفين والقـــد ممشوق
نا جيـــــتني بالهمس والحال صعبه = وينك تعــــــال اليوم ما بيننا عوق
أسمع خفـــوقي واسئله من سكن به = منهو جرى حبه بشــــــريان وعروق
ما غيرك اللي نــــار شوقـــي تشبه = قربـــك هنــــاي ورغبتي مالها طوق

محمد القويفل[/poem]