مــا كـل من يركب على الخيل خيال .....
ماكل من يركب على الخيل خيال
ولا كل خيل تعجبك هي أصيلة
ولا كل من يعجبك هرجه برجال
بعض العرب ملسون ويدة بخيلـة
الكل يلبس ثوب وشماغ وعقال
وعند اللزوم أفعالهم هي قليلـــة
الرجل تثبت له أقاويل بافعال
لا قال شئ ونفذه هو دليــــــــلـة
والرجل لا شفته مع القيل والقال
ابعد عنه هذا صفاته عليــــــــلــــة
والكذب خله عنك مافاد لو طال
قول الصدق ياصاح غنم وجميـــلــة
وخلك شجاع وذي صفات للابطال
اللي كما سيوف تبارق سليـــــــلـــة
واللي شراك اشريه لو كان بالمال
خلك معه وان مال دور بديــــــــلـــــة
واصير ترى الدنيا تبدل بها احوال
وما كل شئ صافي تشوفه تجيـــلـة
وبعد الكدر تشرب صفا عذب وزلال
هذا الزمن فيه استقامه ومــــــــيـــلة
وصاحب خليل لو جفا الوقت ما مال
ترى الرجل يعرف بقيمة خليـــــــلـــة
واقفل على سرك بكتمان واقفال
بعض العرب يسمع وينوي بحــيـــلـــة
وخلك أمين إذا توليت الاعمال
من خان يوم الحشر يا حلــــــيـــلـــــة
خل التواضع فيك واضح بالافعال
ترى الكبر يردي بيوم وليــــــلـــــــة
ولا تحسد اللي عنده مال وعيال
وش ينفعك لو كان حسدك يزيـــلــــة
ولا تزور تقلب الزين بطـــال
الله عليم بالنوايا الدخيـــــــــلــــــــة
وخلك رزين ترى المخفة للاطفال
واصفح عن المخطي ولو زاد قيــلــة
واحمل همومك لو تزن وزن الاثقال
بكره تروح وتنجلي لو ثقيــــــلــــة
وصل الفروض ولا تنسيك الاشغال
محد (ن) في الدنيا درى وش بقيـلــة
وزور الاقارب للرحم كون وصال
وخلك عظيم الشان وسط القبيــلـــــة
[color=#000033]
وســــــلامتـــــــــــــكــــــــــم ،،،،،،،،،،،،،،،
وابشروا بالجديد قريباً ،،،،،،،،،،،،،،،،،،،،،
أخوكم في الله / حسين بن سعد الربيعي .
[/color]