المشاركة الأصلية كتبت بواسطة فارس قحطان

قصيدة تبين أفخاذ ومواطن قبيلة قحطان حيث تفسر كل ذلك فمنهم بني هاجر تقطن المنطقة الشرقية
خاصة الأحساء أما الجحادر ففي نجد ومنهم من يقطن الجنوب وكذلك بعض من عبيدة يقطنون في نجد أما باقي أفخاذ قبيلة قحطان
فهم في جنوب جزيرة العرب وقد حصلنا على هذه المعلومات من عدد من المشايخ
وكبار السن والشعراء والرجال الثقات ومن لديهم معرفة تامة بانساب القبيلة وتاريخها المجيد .

القصيدة للأستاذ الشاعر/ غانم بن هادي ال سليمان الحرقان
من عبيدة قحطان

علما بأن الشاعر غانم بن هادي من أكبر الداعمين للموقع بالقصائد والقصص القديمه التي تحكي
شجاعة قبيلة قحطان وانه شجع القائمين على هذا الموقع وشد من أزرهم ووعدهم بالمزيد من القصائد والقصص
وهو يعتذر عن المشاركة معنا حاليا بالموقع ، ولكنه يعدنا بالمشاركة معنا قريبا بإذن الله
ونعود الآن للقصيدة التي يقول فيها :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا ناشد عنا ترانا هل الجود = حنا قحاطين يجيكم خبرها
قبيلة للدين فرسان وجنود = من خلقت الدنيا وهذي سيرها
أخيار ناس طيبها عمّ ويسود = كل القبايل ماشيين بأثرها
كسابة الناموس والسلم محمود = وأصل الشجاعة ورثها من كبرها
وان ثارت الهيجاء ببارود وزنود = وارتذت المهرة ومست ظهرها
قوم تسبّل ليزهم وانتخى العود = لي غيم البارود زود خطرها
تذبح شيوخ القوم وتضوي الذود = وفرسانها لي صبحت في نحرها
قبيلة بشعوب وفخوذ و بدود = من الجنوب إلى الحسا ذي ديرها
منهم بني هاجر إلى ثار بارود = وان ثارت العجه وطارت غترها
وان جاء نهار فيه طارد ومطرود = تثمر فعايلها ويبدي قمرها
وجحادر من عادة أسلاف وجدود = دهاة قوم ما يخالف نظرها
اللي بنجد خلوا الضد مضدود = كم من حريب رازها ماجسرها
اجموعهم كنها صواعيق ورعود = تمشي سراياها وربي نصرها
والفخر لرفيده ومن يسكن الطود = من باب صنعاء الى الحجاز ووعرها
ومنهم بني بشر لها فعل موكود = أوصافهم كالنار يقدح شررها
ونثني المدايح للشياهين مقصود = آل شواط الله يكافي قشرها
ولآشريف مطوعة كل مقرود = حتى العدو لفعولها ما نكرها
يوم الردي مافيه نفع ولا فود = سنحان ربع وافيه في جورها
أما الحباب اللي لنا رسم وحدود = ومسجلين طيبها في سطرها
سباع في وصف الرجاجيل وفهود = نار تلظى من لهايب سعرها
حديدهم من يمة الشرق مضهود = كل العرب تدري بها من ظفرها
وربعي عبيدة مقضب السيف مهنود = أمواج رعب صافقه في بحرها
اليا أقبلت كنها سراحين واوسود = الليل الاظلم ينجلي من سفرها
حرابهم بالغبن والذل مضهود = كم عايل يطمع بها ما قدرها
قبيلة بين القبايل على الزود = ولولا عبيدة ماتعرب بشرها
اللي على الجيران نوار وورود = دون الدخيل مولمين سبرها
هذي قبايلنا على ثبت وشهود = يشهد لها تاريخها اللي ذكرها
وشيوخنا حنا لها زند وعضود = شبهتها بالبدر جالي غدرها
عيال عود في المهمات صاهود = الله يرحم عودها اللي ذخرها
ذعذع له النسري وهبت له النود = واسقاه من غر السحايب مطرها
من خوف يلحقني ملام ومنقود = ترى القبايل ما جحدنا فخرها
كل القبايل طيبها مكسب وفود = من وافقه معروف قوم شكرها
مالي على الاجواد مشروط وقيود = كم ديرة فيها رجال تعمرها
قال السليماني على رد منشود = قصيدة قطفتها من زهرها
هدية للي نشدني ومردود = من غيمة بالراس يجري نهرها
تمت وصلوا عد ما يفطر العود = وما غرد القمري بعالي شجرها
وما تكفخ الجنحان للطير بركود = على محمد والرسالة نشرها[/poem]