اول مشاركاتي لكم اتمنى ان تحوز على رضاكم


ثوره المشاعر

[poem=font="Simplified Arabic,4,black,bold,normal" bkcolor="transparent" bkimage="backgrounds/8.gif" border="solid,4,gray" type=1 line=0 align=center use=ex num="0,black"]
ياعذابـي قربـي الفنجـال جنـب الشاذليـه=وان بغيتي تشعلين النـار قومـي واشعليهـا
دلة الرسـلان فاحـت واستـوت للسامريـه=ياشقـاء قلبـي وروحـي ياعذابـي قربيهـا
واسكبيهـا دام عنـدك للسوالـف قابيـلـه=باتقهواء مـن همومـي ياعذابـي اسكبيهـا
والله انـي مانسيـت ايـام ذيـك الغشمريـه=يوم صوت النجر نصف الليل يجذب من يبيهـا
فـي نفـود ماتساويهـا قصـور العاذريـه=في حـلا النيـروز والا السنديانـه وصفيهـا
واجمل الاحساس دايم في بلـوغ الشاعريـه=والمشاعر كان ثارت في وجـودك صدقيهـا
وان كتب ( نزار ) شعره بالحروف الشركسيه=البحر لامد000 صوره عن سواهـا ميزيهـا
وصوريني في خيالك من عصـور الجاهليـه=شاعر عاشق وعشقه لغـز وانتـي حلليهـا
خنجرين وبيت شعـر فـوق لوحـه فاطميـه=حوليها من طلاسـم وان قدرتـي ترجميهـا
واكتبينـي واحفظينـي لليالـي السرمـديـه=قصه لا ضاق صـدرك بعثريهـا واجمعيهـا
واحتويني من حنانك مثـل ذيـك الهاشميـه=من غلاها كل ساعه بعد ساعـه تحضنيهـا
وابرزيني مثـل مايهـواك حـب النرجسيـه=وان تساما في وجودي من مشاعـر دونيهـا
واتركيني بيـن ذيـك وبيـن ذيـك الولبيـه=وان ذبحني الحر 000 كيفي بس لجلي عاتبيها
وارحليبي عن حدودي فـي فضـاءات مديـه=قـد مايقـدر خيالـك ابعديـنـي وابعديـهـا
وادخلي تاريـخ (قاقاريـن) نفـرح ياشقيـه=وكل لحظه فـي حياتـك بالسعـاده عانقيهـا
واحسديني عن مكاني وارفعي ضـدي قضيـه=وخالفي كـل الحقايـق والمراجـع حرفيهـا
حرفيهـا لايهمـك دام لـك نفـس رضـيـه=ارفعيها فـوق راسـك وان بغيتـي طمنيهـا
والله اني ماحسبت ان القمـر يشكـي سميـه=لين شفت الشمس باسمك تستميك وتستميهـا
والحسد في الكون كله والشعـور العاطفيـه=عملتيـن لوجـه واحـد خالفيـه وخالفيهـا
والمصيبه من سألني قلت مـن حبـي بريـه=بـس تذبحنـي بنضرتهـا ولعبـة حاجبيهـا [/poem]
ذيب العبيـدي