من قديم الشاعر أبن رويشد المشعلي رحمه الله
بسم الله الرحمن الرحيم
أولاً : المعذره على التأخير فيما وعدناكم به مسبقاً من قصائد قديمه للشيخ جبران المشعلي رحمه الله ولازلت عند وعدي فالقصائد موجوده لدي من الأخ سعد بن جفين بن رويشد المشعلي .
ثانياً: نقدم لكم ماوصلني من الأخ سعد وهي قصيده غزليه للشيخ عبدالمحسن بن حسن بن رويشد المشعلي رحمه الله وأتمنى أن تنال إعجابكم ..
وشكراً
[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
البارحه والنوم بالعين مالاز=حلو الكرى عن نوم عيني تماليز
كن في حجر عيني عن النوم مخراز=كنه يدق صبي عيني مخاريز
والعين ياجابر بها مخلب الباز=لاكن بها ساق أبرق الريش ركيز
والدمع من عيني على خدي أجواز=وأمشها بردون ثوبي وبالبيز
كني صويب عنزو له بمعناز=دور السنه ممشاه فوق المعاكيز
يشتب في جوفي كما واهج الغاز=غاز(ن) سنا ضوه بقز وقلاويز
كنه يجزر معلق القلب جزار= متفجر(ن) باقصى ضميري دراويز
عليك ياللي كل ماشافني فاز=من فرحته بي ضيع العقل والميز
عرض علي يهمز الخد هماز=مشيه على الديباج همز وتراميز
يامل قلب بين الأضلاع يماز=موز الدلي من تحت هدف المراكيز
عليه ورد البدو غادين اركاز=وشربوا صداه ونيهو بالتفاويز
وشايب وتاب وعن طروق الهوى جاز=وشاف الذي كنه ظبي المحاويز
العين عين موحش الريم لاحاز=عين الغزال اللي يرب القحاويز
والعنق عنق اللي من الصوت حواز= شافت صلاة الصبح زول وتخاويز
والراس ذيل كحيلة عقب ملكاز=ذيل الكحيلة في نهار الملاكيز
منهوبة السرجوف والعمر ممتاز=والعود يشموم على شط اباريز
والخد فرخ سجله عند بن باز=عوق البنات اتريك ظلم الدهاريز
كن في نحرها لافح البرق نواز=بارق قنيف سامراً له تراميز
أصبح عليه الفجر والبرق رماز=يوضي سناه بمقدم العنق والعيز
الشاعر المرحوم بإذن الله / عبدالمحسن بن حسن بن رويشد المشعلي[/poem]