[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله يامنقذ برحمتك طايعك=وعاصيك نفسه في عذابك غريقه
وديع ونفوس الملا من ودايعك=تطلب رضاك ومن عذابك شفيقه
يامن ردع عيسى من الذنب رادعك=طالبك مسكنا عراك الوثيقه
ويالادمي كثر لربك تضرعك=فارضه وجوه والبحور العميقه
وازرع وتحصد فالنهايه مزارعك=وحاول تصير غصون زرعك وريقه
متبوع واجهد قبل يلحقك تابعك=ويفتل عصب جسمك وتلتف سيقه
أدّ الفروض وحسن اسوى طبايعك=وتبع هدا اللي جعلنا من فريقه
وطلب من مشفع شفيعك يشفعك=فاحبابك اللي بك صلتهم عريقه
وحصن بصر عينك وحصن مسامعك=ضد الأغاني والصور والمسيقه
والناس لاتشكي عليها مواجعك=تشكي وهي تلحق عليها لحيقه
وان كان بيدك ماتحقق مطامعك=اليوم ماينفع رفيقٍ رفيقه
أن كثر مالك شفت كلاً يطالعك=وكلاً يحطك لإجل مالك صديقه
وأن قل شفت اقرب قريبٍ مقاطعك=مايلتفت لك لو تطيح بحريقه
وغلاء أصدقاك اللي منول تشجعك=يذوب ذوبان الحلا في بريقه
ويبقاء الغلاء اللي مع هل الدين يجمعك=حتى ولو شح الزمان برحيقه
ناساً بصحبتهم تعلاّ روابعك=لنفس عزيزة واليماني طليقه
لو كان تحصيهم علا روس اصابعك=تغنيك من صحبة كثير الخليقه
والنفس عودها القناعة بواقعك=وتصير لدروب المعالي عشيقه
وصبر ودربٍ ياسع الناس ياسعك=ورزقك على الرب اتساعه وضيقه
والناس فيها لاتصدق توقعك=انواع مثل انواع نبت الحديقه
احدٍ ليا حتجته وجيته وقف معك=ياقف معك ويسنعك في دقيقه
واحدٍ يبي يقضي لزومك وينفعك=وعيا يباريه الوفق في طريقه
واحدٍ كريه ولانصيته يروعك=شكله ومنطوقه وقشر أتعليقه
ان اشتهى سنع لزومك وسنعك=قومة جمل لو ثـقل حمله يطيقه
وان ماشتهى ضيع لزومك وضيعك=حتى ولو انك ابن عمه شقيقه
وعنده سلوب يسمّحك به وقنعك=وتسمح على ساسٍ كلامه حقيقه
فيه الزمان وفي حلاياه خادعك=فيروس كبد وغدتين وشقيقه
وناسٍ تشنف بالسوالف مسامعك=وتحسب مشاعرها اتجاهك رقيقه
ولاغبت قامت بالسنتها تقطعك=تقطيع سكين اللحم فالعقيقه
تبغي تنزل من مقامك ويرفعك=قضبك لدينك والسلوم العتيقه
جود وظفر وخلاق ترفع مواقعك=ياحر ياللي كل نايف تويقه[/poem]