[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عزو الصفين في المنتدى ياهل الصفوف=والله ان اشعل حريقه واصالي نارها
حن عيال مضيم لامن دجرنا ما نشوف=نضرب الارض الصليب ويطير غبارها
فارس
..................................
بيض الله وجه فارس والاعضاء والضيوف= والمجالس جعل تسلم لنا شعارها
ياعيال مضيم حطوا النقط فوق الحروف=لابةٍ مشهورةٍ بالوفاء في جارها
خولان ابن عامر
..............................
الله يجيرك ياخولان من بعض الصدوف= شغل الطياره وطير يا طيارها
شفت لي عشرين جني تحت فروه وصوف=ياذياب الضلع عاني الجنون بغارها
فارس
.........................
في سماها حلقّت بين امـان وبيـن خـوف=والعـرب فينـا وفيكـم تـلـد انظـارهـا
ادري ان بعض العرب ماجبرها الا الظروف=والليالي السـود ماحـدٍ يعّـرف اسرارهـا
خولان ابن عامر
.......................
المصيبه كان خرب السرندر والبلوف=واعلن الطاقم خللها وطفى انوارهـا
انت ياخولان بالسوق تاجر ومعروف=اسهمك في كل ديره تزيد اسعارهـا
فارس
...........................................
فوق هام السحب ماعاد تحتاج الوقوف=العرب مايلحق اللوم غيـر اكبارهـا
محزمي مليان والمارتيني عالكتـوف=والبلد مليان واخـوك مـن تجارهـا
خولان ابن عامر
...........................
فوقها انجوم السما وتحتها مزن وقنوف=والشهاب ايمينها والبـروق ايسارهـا
كان شلت المارتيني فطب بكل جـوف=والطويله محزم لي يصيـب اعيارهـا
فارس
........................
قوم تغزي بالبنادق وقـومٍ بالسيـوف=وقوم تغزي بالسوالف ورد اخبارهـا
يوم لليلى العامريه تخضّف في الكفوف=كثروا الخُطـاب لكـن بعيـدٍ دارهـا
خولان ابن عامر
......................
كم ذبحنا شيخ قوم مثل ذبحة خروف=عزوتي من روس قوم تجيك اذكارها
وكل مسلم وده يصوم ويصلي ويطوف=والمدينه والحـرم ضاقـت بزوارهـا
فارس
......................
[/poem]