هذه القصيده لأخي على بن حسين آل كردم
[poem=font="Simplified Arabic,5,chocolate,normal,normal" bkcolor="black" bkimage="" border="inset,4,sienna" type=2 line=0 align=center use=ex num="0,black"]
{{{ راعي مواشي }}}
يا غزال نظرته شبت لواهيب بجاشـــي=أحسب أني كنت حبه قام يكسر لي رموشـــه
عود موز راوي عاده في البستان ناشـي=ناعم ألملمس ولاكن الأيادي ما تنوشــــه
منبته صلب الصخر ماهو بفي لرض الهشاشي=دونه أللي ينثني لا صار في ألميدان هوشــه
وألله أني يوم شفته صار بالفكر أندواشي =فيه زين يا محمد ينفش الفكر ويدوشـــه
قلت له حضرتك تسمح لي بكلمه قال ماشــي =قلت خاف ألله عروق ألقلب بيديك محشوشــه
قال لي ماني لحالي لا تطول في نقاشــي =أنت وش جابك بدار ماحد يأمن وحوشــــه
قلت له مجهول وآدور عمل راعي مواشـــي=ودي أرعى عندكم وألعود ما نبغي قروشــه
بس أريد القوت قبل آموت وأسمح في معاشـي=قال لا وألله سواليفك خطيره ومغشوشــه
وألله إنا ما خبرنا شاقي يشقى بلاشــي=ثم قفى وأشر بكف تفنن في نقوشـــه
كاسي ردفه على لمتان كنه يوم طاشي =نصب نو خاطه البدر وألغربي يحوشــه
ريم عوده ريح ورد فاح من عقب الرشاشـي=لامسه رش وهزته النسايم في عروشــه
من بنات ألباديه تمشي ورا ناقه وحاشــي=ألبلد ما شاف تلفازه ولا يعرف دشوشــــه
يوم فارقته وأنا عقبه طريح في فراشــي=مثل طير طاح من عشه قبل طلعة ريوشــه
الشاعر علي بن حسين[/poem]
[grade="00008B 00008B 00008B 00008B 00008B"]:::::::::::::
::::::
::
:
::
::::::
::::::::::::[/grade]
وهذا ردي عليها علما بأنها غير موجه لي
[poem=font="Simplified Arabic,5,chocolate,normal,normal" bkcolor="black" bkimage="" border="inset,4,sienna" type=2 line=0 align=center use=ex num="0,black"]
{{{ قلب معنى }}}
بو حسين أعطيتني عوده ونا قد كنت ماشي=وأنت عارف عودة ألمجهول في درب المعوشه
يا علي يا مسندي ياليت تدري بنتعاشي =ليت تدري كيف قلبي قام يرقص في نعوشه
من طروقك للهواء عدنا نخوض وما لنا شي =غير لي قلب معنى ينفجر لا شي ينوشه
لك تحيه عد قطرالماء وعد الدق وعداد الجراشي=وعد وبال أليماني لستوى وكثرت رشوشه
لا زفق سيله من ألعرضين لا راحة بواشي =حك في عرض ألجبال وما أرتفع قرب يحوشه
يا كريم يذبح ألعنقان وأسمان ألكباشي=بعد سمن فوق بر وألحجاجين ألبشوشه
عادة أبوانك وجدانك مروين ألعطاشي=ليس مدح بلا دليل ألذيب يعرف من نتوشه
بعدها يا خيرة ألله قمت أجهز في فراشي =وأستعين بمن تعلا بالسماء وأحكم عروشه
لي وليف عاده إلاّ بس نار ألقلب تاشي=كيف لا وألقلب مرهون مع رمقة رموشه
ليت له بالمال مشرى ماطلبنا دين كاشي =كل شي يفداه ريم بالخلا محد ينوشه
واقع يا خوي أنا وياه في حكم ألنجاشي =وأنت عارف بالنجاشي لا دخل مجهول حوشه
حاسد ونمام ومنافق وهماز وواشي=كل ذولا يا جبل زهوان من جملة جيوشه
لا تظن ( إنا ) ترانا ( ما ) ولا زلنا عطاشي=ولو نعيش ألعمر جاهدنا بقلبين عطوشه
كل من يعشق يضحي كيف لا وألدين غاشي=كافل ألمخلوق من آدم لعصفور بعشوشه
وألختام إتقبلوا ثم أعذروا من شاف براق وطاشي =هيظه طير فقد عشه قبل تنبت ريوشه
مع تحيات الطائرالحزين[/poem]