لمعان الحبابي....مصافحه اولي
اخواني الكرام هذا قصيده وطنيه قلتها قبل وفاه الملك فهد رحمه الله وهي تعبر عن حب الوطن اهديها لكم في هذا
المنتدي الشامخ كمشاركه اولي واعذروني علي قله التواصل لان وجودي علي الا نترنت قليل
[poem=font="Simplified Arabic,5,black,bold,italic" bkcolor="transparent" bkimage="backgrounds/2.gif" border="ridge,4,gray" type=2 line=0 align=center use=ex num="0,black"]
ياقصيدي تلّبس لك بعقد فريد=ويابنات الفكر هاتيه من منتهاه
ويابحور القوافي عبري من جديد=الوطن له حقوق مثل فرض الصلاه
تحت حكم المليك الفصيلي السديد=مروي حد سيفه من قلوب العصاه
خادم لامة الاسلام والله شهيد=انه يبذل جهوده لين حقق مناه
جعل عمرك يابوفيصل لشعبك مديد=يافهدنا سندنا اللي يذري ذراه
وابو متعب عضيد لك ونعم العضيد= مزبن اللي نصاه من القهر وانتخاه
جعل يفداك من قلبه علينا حقيد=لو نوى لك بسوء كل شعبك نواه
لويخطط ويرسم خطته ماتفيد=تفشل الخطه اللي في قلوب الطغاه
مادرى انك سلايل فيصلي عنيد=ابوتركي عسى ربي يطيب ثراه
وحد المملكه والشعب وإيدمع إيد=من جبال الشمال الي جبال السراه
وابوخالد وزير الجيش باسه شديد=بالسيا سهوبالعقل المفكر بناه
نايف اللي جعل في ايد المخرب حديد=من نوي للوطن بالشر يلقاه جزاه
ياوطنا نجدد بالولا من جديد=ونتعهد امام الله وامام الولاه
ان نكون اوفيا حتى نهار الوعيد=الوطن باذن رب البيت نحمي حماه
كل يوم يمر المملكه يوم عيد=السعودي يجدد كل يوم ولاه
للوطن حب يسرى وسط عرق الوريد=ولو اموت اكتب لاصغر عيالي وصاه
رحمة الله علي من مات لاجله شهيد=ساق عمره ومقصود الشهاده هواه
ياوطنا بنبذل كل جهد جهيد =وانا دون الوطن والله ما الحق وفاه[/poem]