[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قحطان يالخامل كما طيور حوران=عجزت شباتك ما اتدنس نقاها
عبيده أو بشر أو رفيده وسنحان=أو جحادرن وحباب سقم ألعداها
أعيال ابن هود المسمى بقحطان=ساس العرب الامجاد في محتضاها
لو ناشها من نايش الوقت نيشان=ما تبدي أعذارن لضيفن نصاها
كم من يتيمن نكفله ماله أخوان=في ظلنا مما نمده تباها
في صرحنا للمرجله دوم سيسان=وفي دارنا تلقى الجويعه عشاها
في صفحة التاريخ تلقا لنا شان=وأفعولنا واجد ولا أحدن حصاها
لامات شيخانن ظهرنا بشيخان=وأشيوخنا الجزله مواري عطاها
مثل الجبال ألي على صفح وديان=بين القبايل عالين مستواها
لا تلاحي القيفان زورن وبهتان=ولاتروي أحداثن محدن رواها
حنا سلاطينن على كل سلطان=وقحطان جعلك يالهلامه فداها
((يشهد على ما أقول وقعة عقيلان=ثلاثة الجذعان راحو زكاها))
وسيف أبن لبده مسمى بفسقان=كم حضرميتن جبها من أخباها
وصبحا خذيناها مع راس وطبان=تدفع لنا الجزيه ولا أحدن نفاها
الوهوهي أو ماسل ودلو قران=وحويمضة وأرمض وكتنه وراها
وأدساس والهدبا ومزهر وبتران=وبجاده ومنجور يشهد حصاها
وعرض القويعيه ليا راس رقعان=والخروعيه والفويلق قفاها
والرين ومبهل لا ورا وادي أعنان=ودسمان والدمثة محدن وطاها
لو الجبل ينطق تحاكا لك أذقان=بأفعال أبن هادي حامي أحماها
منا الشفاليت أو قرانيس هدلان=ومسعود مسقي البيد قرة أدماها
تسعه وتسعينن غدو شلاش شتان=تسلم يمين المسردي في وفاها
من مجدنا لو أكتب ألفين ديوان=ما ظن يجزي لابتي محتواها
وكل القبايل وافيه دون نقصان=من شرقها لسام ما احدن قداها
واسمي ترا خالد خجيم ابن زبران=نفسي شجاعه ما اتحسب اعداها
من الغضاه الين شرقي نجران=دار المعزه من بغاها لقاها
واليوم كلن صار له فعل ولسان=في ظل اخو نوره حامي احماها
عبدالله وسلطان ونايف وسلمان=العزوه اللي كلنا في ذراها
من جفرة سكاكا ليا حد جيزان=منخيرها عم البريه رخاها
الله يديم الحكم ويديم الامان=في دولتن شع البدر من سناها[/poem]