أعادة تنسيق القصيدة السابقه

[poem=font="Simplified Arabic,4,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
عرّض الطاري لبوحمري وغنّا = وأستوت له طرّقِته والقاف لا لا !!

ساع مالجّت هجوسه ماتونّا = هاجسه جبار .... وأفكاره تتالا

منيتي ....ياسِعد ابوقلبٍ تمنّا = واحدٍ موتي على شانه حلالا

قام يهدم في ضلوعي ماتبنّا = قبل عِرّفه وأصبحت جرفٍ هيالا

لاحني وأنا أحّسبني مستظنا =وأنتقض جرحي وانا حسبه تشالا

مُرّني ولاأدن مني واتدنّا = وأجعل دقاقي على شوفك اجلالا

ياهواي وياعنا قلب المعنّا = لو سمحت أسألك ياعمري سؤالا

ليه يوم أنك ذهب فى الكف حنّا؟ = والهوى صحّاك ورموشك كسالا !؟

وليه عودك بين كفيني تثنّا؟ = كن كفيني على لينه ... تمالا

غبت منا وأقبلت منا ومنا = وبعدها خليت للدمع المجالا

وعذري إن أيامها خرقا ... وخنّا = والربيع إن مر ورداته ذبالا

يابعد راسي وانا زبن المجنّا = جيت صوبك زابنٍ عمرٍ توالا

هاربٍ من سيف عنتر والمثنّا = راضياً في حكمته جل وتعالا

لاتطوّل غيبتك خطرٍ أجنّا = واحدٍ مهبول وتزيده هبالا

يوم شافك غبت هم هملك وغنّا = يالالالا....يالالالا....يالالالا[/poem]

علي بن حمري الحبابي

[line]

يا بعدي والله يا علي ولاااااهنت ياطير شلوى

صح السااانك و لاااااهنت واسمحلي تراني كتبت القصيده ثاني مره وونسقتها تنسق أفضل

وحنا مقصدنا الا ان الناس يقرووون القصيده ولا يملووونها .... ونخدمك يا الشاعر

اخــــوك/ حــــراف الحــبابي

__________________

حـراف الحـبابـي