هذه القصيده قالها الشاعر ابن حسنا ال سليمان العجمي يمدح فيها صاحب المكارم والمحب للخير


الامير ناصر بن حمود بن شافي ال شافي امير قبيله بني هاجر






[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راكب اللي راعي الشوحـات تلـه= لا انحدر مع سهله ثـور غبـاره

غايه المطلوب شكله مـع مضلـه= يسبق الصاروخ في سرعه مغاره

سايقه قطع الفيافـي مسهـمٍ لـه =واللتقن فيـه النعـاره والجسـاره

صوب ابن شافي تري كل يدلـه =وعلمه الطيب تناوشنـي اخبـاره

ناصر بن حمود شيخ فـي محلـه =وشافـي جـده وكفـوا للامـاره

يوم اخو شفيه يصبح كـل حله= ان هجد بالليـل والا فـي نهـاره

من مخاضيب تـروي كـل سلـه =يوم كلا في اللقاء يسنـد امهـاره

اشهد انـه جازلـي فعلـه ودلـه =صيرمي مجذوبه من راس قـاره

والخـوي والجـار ديـم مايملـه =ومن عطاء يمناه ما خاف الخساره

والعشا يا اللي تبيه وموجـب لـه =من اجلال الضان والابل من فقاره

منفـد المـال مـن دقـه وجلـه =والكرم راعيه ما يبغـي تجـاره

مجلسـه يعجبـك بدلالـه وزلـه =وصنعت الرسلان زادو به بهاره

اطلقو سلمان يـوم الـرب دلـه =وابن صالح قبلهم ضاعت افكـاره

ورايه البيضاء عليه وكسـوة لـه =وانشروها له علي ضلع ومنـاره

لارباء الوسمي وجا رجع وعلـه =واستوى الزملوق في زمه خضاره

لا بني فيه المخومس عـادة لـه =من تبين من بعيـد شـاف نـاره

دايم يفرح بمن جـا ناصـي لـه =من بعيد الـدار والا حـول داره

اكتبو له وانشرو له فـي المجلـه =من كسب راس العوالي فنه وكاره

ابن شافي مقـدم القـوم المهلـه =هم بني هاجر حزامـه وافتخـاره

فايزيـن بالفخـر والطيـب كلـه =كاسبينـه بالشجاعـه والجبـاره

والصلاه اعـداد مشـاف الاهلـه =لرسول اللي طريق الحق سـاره
[/poem]





وسلامتكم

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]