غـنـي يـادانـه دآن دان لغـانـيـه
من هيضـي وفيضـي يـدان لادانيـه
غني على هـدف الضلـوع وكوسـري
صـدري فـروع الـدوح والاغصانيـه
ولعي طرب ياهاجـس يهتـف شجـن
مـن هاتـف الثقليـن انـس وجانـيـه
غني بطوق مـن الذهـب يـام الذهـب
ياهاجسـي فـي الشعـر والالحانـيـه
ايه اعزفـي بالنـاي مزمـار الهـوى
مـن بـوق عـاجٍ لؤلـؤي الالوانـيـه
ايه افخري يـام الحسـب وام النسـب
ياريـح بلقـيـس وضـنـا ريحانـيـه
انتـي سلالـه مـن تخفـى واستـتـر
مـن لافـظ ابـن لاحـظ واقرانـيـه
لك في نسـب بلقيـس شـأنٍ متصـل
عصبتـك تذكـر فـي الخفاوعلانـيـه
أدنـي علـى يادانـه ادنـي واقربـي
فـي قـاب قوسيـن دنـا مـن دانيـه
ياذاعـر الطـيـب بنسـايـم ثغـرهـا
فـي أوج ايــام الصـبـا شعانـيـه
فـلا غمـرةٍ اسهـت قلـوب واعـيـه
ذاب الوتـيـن بغـفـوه الأعيـانـيـه
فتعـزلـت عــن ديمتـيـن ربـابـةً
وتحـدرت مـن نسجهـا الأمزانـيـه
فغشتنـي بجنـح الضـلام وأسـدلـت
مـن خندريـس اللـيـل مااغشانـيـه
ورئيت نصـب العيـن قبـه صخـرتٍ
لون الذهـب فـي اركانهـا الرمانيـه
ورئيت في وجـن الصحائـف حبرهـا
مـن وردتيـن فـى اسقـف الرهبانيـه
فجبينها شمـس المعـارف لا اشرقـت
وكتبـت فـي حجـب النسيـج بيانيـه
ورمتنـي بـروس الحـراب فلـم ارى
غيـر اكحلـن برمـاح (.....)رمانيـه
ورشفت مـن خمـر الغـرام برشفـتٍ
وطلبـت سقيـاء ليلـهـا واسقانـيـه
رشي على من ربـع تولـة َ وصبـري
حتـى نخاشييشـي تـقـول جنانـيـه
ورجيـت رب البيـت ثـم رجيتـهـا
ورحيقهـا المخـتـوم قــد ازانـيـه
فـبـدت بـحـرب قمطريريعبـسـي
اي يعـقـل المجـنـون والسكرانـيـه
وقلبتهـا صـلـح الـمـوده وابتـسـم
اللـيـل وردي والجـفـاء حنـانـيـه
فقفـي علـى ذكـر الدبـور المدبـري
والله مـادلـه واهتـنـي بسلـوانـيـه
لو بدلـت سبـع الاراضـي والسمـاء
ولـو طابقـت سابـع سمـاء الخدانيـه
ابكـي علـى سقـط اللـوء والحملـي
العيـن تيمـاء والقـهـر عطشانـيـه
ايـه اسرجـي قـب المهـار السُبقـي
وانـا عـن الهيجـاء معـن عنانـيـه
ايه اجرحي وايه اقرحي من خاطـري
بالـود عمـانـي عـلـى الحجانـيـه
وايه اعلنـي بعـلام وارقـام وصـور
مـن راس فنـده لسـفـل الشعبانـيـه
ياغانـيـه (...) هلـمـي واقـربــي
الحـلـم فسـرتـه مــن القرآنـيـه
ان كنت فرعون الشعر جـاك الـدرك
الـطـود يامـقـرود والطوفـانـيـه
انشبت نفسك في النشـب فـك النشـب
لا تنشـب الشبـان فــي الشيبانـيـه
الالـولـه قلـنـا يهـايـط ويعـقـل
والثانـيـه تـقـديـر لـل،،،،انـيـه
والـثـالـثـه لا والله الا مـنـهـبـل
(مصـدوع مابـك طـب ياوجعانيـه )
لا تطمـر العرفـج وتنسـى العوشـزه
اهجـد هجـد بلفـك لا هجـدك ثانيـه
(يـا....) ماشفـت تطبـيـل العـيـال
يـا(.....) علـم بهـا عثمانـيـه (1)
المسلميـن اخـوان يانـاقـص عـقـل
لا تشعـل الفتنـه مبـيـن اخوانـيـه
انـا مانيـب ابحـر بحـور الهلوسـه
لا غصـت اجيـب الـدر والمرجانيـه
ولا اطرق ابواب السمـاء ولا استـرق
كـفـرت بالطـاغـوت والشيطانـيـه
ون جبت الـف يجيـك الفيـن ودبـل
الفيـن يعنـي الـف والـف الفانـيـه
والله لا ادركهـا وارد اكـثـر بـعـد
اغـرف بحـور ولا جذبـت السانيـه
من فضـل ربـي يـوم ربـي مدنـي
امـدانـي بليلـيـن نـعـم امدانـيـه
ابـدى بعـد ماتدبـح نجـوم السـمـاء
وانـوم واصحـى بيـن همـل وآنيـه
العوشـزه حلـم يفـسـره الصحـيـح
أمـن الكتـاب ومـاروى الشيخانـيـه
اشراط ساعه علمها فـي علـم غيـب
مايعلـم بغيـب السمـاء انسانيـه (2)
ياهاجسـي قـد البحـر قـد البـحـر
وتـرك طريـق ملـهـي الرعيانـيـه
مغيب شمس امـس انزعـت لضعانيـه
مـن ولـب هيـش واقـب زريانـيـه
جفـل زراديــم تـحـن وتـرزمـي
نـتـف ثعانـيـن الجـمـال وكانـيـه
وقفـى عليهـا اوفينـخ يـردي هـوى
وعلـى شعفـهـا عـرشـي زنانـيـه
هيـج هجاهـيـج هجـيـج هُجـلـي
خـف خـف لهـا بخفافهـا القيعانيـه
يسمـع حنيـن الزمـل مـلا يفقـهـي
السبـع والسـائـم وابــو جنحانـيـه
ولا الاوادم خــرس صــم تبـبـت
طبعـت قلـوب الفسـق والرديانـيـه
وتالاحق الركـب المهيـل بجرهـد(ن)
ولا اخـلـص المـديـون والديانـيـه
ودنو لبنـت الشيـخ عظـم فـي قـدح
وحليـب صفـرا تشربـه فـي آنـيـه
وانا ورفيـق الجنـب ننضـر ماجـرى
وثـر الهـوى فـي قلبـه الهيمانـيـه
الله يعفـو عـن عيـون (ن) سـاهـره
نديمهـا نجـم السـمـاء السهرانـيـه
وفي غفوه من بضع ساعـه كـن انـي
سمعـت مزمـار رعـش وجدانـيـه
الا وهــاذا صـاحـبـي متـمـثـلاٍ
ببـيـات شـعـر ردهــا ولهانـيـه
سائلتـه بـرب جمعنـا مـن شـتـت
عـن سـر عشـق ولـف الاثنانـيـه
فاأمـاط مـن بيـن الاثاثـي صمصمـا
ارمابهـا مـن خـلـف او اغوانـيـه
فرئيتهـا فــي فـمـه جمرتلتـهـب
فأجابنـي عــن سـرهـا وافتانـيـه
اولم تـرى ضعـن الاحبـه قـد نـزح
بقيـت الاثـار ولا بـقـى اوطانـيـه
فحّدقت جنحانـه بلمـح مـن البصـر
فئـذا بـه طـيـر عظـيـم كيانـيـه
واذا بمجحـوده علـى متـنـه كـمـا
عصفـور سـدر نـاط بالاغصانـيـه
فشهـر بنـا حتـى تبـيـن ماغـبـاء
ورئيـت مـن خرشـاء رجـوم دانيـه
فعرجبي من اقطـار سبـع فـي سبـع
ونفذبـي مـن اقطارهـا السلطانـيـه
ايـه استطعـت بموهبـه مـن خالقـي
جـزل العطـايـا بمـدتـه اعطانـيـه
فا امرت طيري بالهبوط علـى الجـزر
ورئيـت رعبـه يـرعـد الامتانـيـه
فنهرتـه اهبـط لا تهـاب ولا تـخـف
ثكلتـك امــك محـزمـي مليانـيـه
فرخـى عضـوده كاسـر الجنحانـيـه
ودوى علـى راس ابــرق ببيانـيـه
وادرت دربيلي علـى جـزر البحـور
ارض خلقهـا الله عضـيـم الشانـيـه
خلٌقـت لـقـوم قـبـل آدم يخلـقـي
بلفيـن عــام و تــؤي الخزانـيـه
وقرئت عشـر مـن بدايـات الكهـف
وثـلاث مـن قـل وآخـر العمرانيـه
واذا ببـو كـردوس هــاذي كنيـتـه
واعــوذ بالله واسـمـه الشيطانـيـه
ملك على جـزر البحـور ومـن بهـا
فتـرجـل المـلـعـون بالقيفـانـيـه
وحقرتـه بنضرتـه عيونـي سافـهـه
حتـى عـرف قـدره مـن الحقرانيـه
وتركـت مرسولـي يعلمـه الشـقـر
وندمـت حيـن اشـرت لـه ببنانـيـه
فلقـد رفعـت مقامـه انش(ن)ونـص
وحقيقـه ان قـدره هــو السفهانـيـه
ورفعـت عـن دار الوبـاء سوالمـي
وتركـت فـي وادي الهيـام زبانـيـه
امشي ملك واثـق خطـاء كنـي ملـك
مـتـرفـع متـئـبـط شـامـانـيـه
العب على المنكـوس حتـى اروبعـه
حفـر ودفـن ليـن انتكـس عريانيـه
ووضعت راس ابليس هابي في قلـص
وعدلـت وسـق الثانـي الكرعانـيـه
وعجبت في ضعوف العقول مصدقه ى
الاعـور ويدجـل عـلـى العميانـيـه
ياهل ترى الصـم البكـم تشهـد بحـق
شيطـان اخـرس مضمـر الكتمانـيـه
ياهل ترى العور العمي شمـس وقمـر
العمـي عمـي ولا تـرى النورانـيـه
ياهل تـرى تنضـف قلـوب مجخيـه
مـن فسقهـا غطـاء عليهـا الرانـيـه
ياهل تـرى اهـل الكبـر و الغطرسـه
ان التـواضـع يـرفـع الانسـانـيـه
ياهل ترى تصفـى النفـوس المشحنـه
او تنـدفـن بالحـقـد والاضغـانـيـه
ياهل تـرى تبـرى الجـروح وتنسـي
لا والـذي مـاسـن لــه نسيانـيـه
ياهل تـرى تبـرى الجـروح و تلتئـم
جـرح الغـلا يمكـن مـع السلوانيـه
ياهل تـرى تبـرى جروحـك ياالدهـر
هـاذا اختلفنـا فيـه فـي جرحانـيـه
ياهل تـرى تبـرى جروحـك يالزمـن
بعض الجروح يـدوم فـي الازمانيـه
ياهل تـرى للحـض شيطـان وملـك
لا اعـلـم الا للـقـريـن اقـرانـيـه
ياهـل تـرى للحـض بيـع ومشتـرى
والله لحرجـبـه عـلـى السيسانـيـه
ياهـل تـرى ويبـدل بليـل دغــوش
ألآش مــاش الا أش ياجحشـانـيـه
ياهل ترى انـك عنتـر العبـس وحيـد
لا والله الا ضـايــع وغلـطـانـيـه
ياهـل تـرى تعقـل وتركـد يـا(....)
ولا عطيتـك مـن سعـوط (...آنيـه)
ياهـل تـرى يسـب القبايـل عـاقـلا
ماسبهـم غيـر اجـهـل الصبيانـيـه
ياهل ترى مالـم تـرى غيـرك يـرى
الهيـق راسـه فـى الثـرى بردانيـه
من امرؤ القيس اسمعـو علـم وخبـر
صـب الذهـب فـي قالـب وقلبانيـه
من ذاء القروح وماجرحه مـن الدهـر
شــواش راس وعـاشـق ولهانـيـه
هـام بهـوى عنيـزه وهـام بخدرهـا
عشـق الغـوانـي يهـيـم بالشبانـيـه
فحل من فحـول الشعـر لـو انضلـم
مـن دكـه الواشـي ومـن حسدانيـه
آكل المرار وسقي مـن كـاس الغـدر
فـي خندريـس بجـبـه الرومانـيـه
عصبت ورثه من بعيـد ومـن قريـب
وعصبـت راسـي شاعـر ودجرانيـه
انـا ورثـت الادرع الخمسـه عـلـن
وقيـد الاوابـد هيـكـل السرحانـيـه
من راس جـدي امـرؤ القيـس انهـلا
بـنـات فـكـر مبهـمـه وسمانـيـه
جـدي ولاكـن مـات كافـرو يهـبـا
مسلـم وجــدي عـابـد الاوثانـيـه
وانا ورثـت العـز جيـل بعـد جيـل
مـن صلـب يعـرب عالـي الجدانيـه
ولا فرق من بيـن اعربـي واعجمـي
الا بـتـقــوى الله والايـمـانـيــه
يعرب وما يعرب على السـان العـرب
فخر العـرب عـز العـرب والعانيـه
حنا العرب ساس العرب واصل العرب
قحطـان ياجاهـل بـنـي قحطانـيـه
مـن عـاد لا ثمـود وادينـا مغـيـث
بجبـال رمـل فـى اليمـن وعمانيـه
قحطان لابـه مـن قديمـات العصـور
متمـسـكـه بسلـومـهـا لـلآنـيـه
حنا قحطان اصل العرب فصل العـرب
ملـيـون نـعـم ونـعـم ياقحطانـيـه
غصب على كبـار العـرب وصغـاره
وغصـب علـى الحسـاد والعدوانيـه
حنـا قحطـان وجدنـا هـود النـبـي
يشهـد بهـا التـاريـخ والحسبانـيـه
حنا الفخر حنا الضفـر سعـد الضفـر
ايـه افتخـر فـي عزوتـي قحطانيـه
امـدح بنـي عمـي مقابيـس الدجـى
لا عنـكـب الـبـارود والدخـانـيـه
يـردون لحيـاض المنـا يـا كنـهـم
قيـف ورد قيـف بغنـى وطربانـيـه
ولا خيـر فـى الـي مايثبـت حجتـه
بالفعـل والشاهـد علـى البرهانـيـه
ولا خير في الي يهضم حقوق العـرب
بـالـزود والـتـزيـف والبهتـانـيـه
اعلـى منازلنـا عـلـى بحرالـعـرب
ضخام العمـد فـي خدمـه الضيفانيـه
فـي ضلهـا آسـود وحـرار نـدري
ستـر الكواعـب داعجـي الاعيانـيـه
واسفـل منازلنـا علـى شـط الخليـج
لديار ابـن يـآس وهـوى الاضعانيـه
يبرالهـا آلمـوت الحـمـر يبرالـهـا
اهـل الفعايـل مـن قديـم ازمانـيـه
ولنـا علـى نجـد العـذيـه مــوردا
عيـن اليمـامـه مــورد الكهلانـيـه
ولنـا علـى نجـد العـذيـه مـوكـرا
وكـر الحـرار وموكـر الشيهانـيـه
فيهـا رمـوس شامخـه فعـل وذكـر
آثـــار للشـجـعـان والقيفـانـيـه
دخيلنـا فــي وجيهـنـا ماينضـهـد
قرعـي وردي شـان فـي العربانيـه
والجـار نستـر غيبـتـه ونحشـمـه
والسيئـه نجزيـه عنـهـا احسانـيـه
نفـدى القصيـر بـدم فلـذات الكـبـد
مثـل المهـادي وجـيـره السبعانـيـه
اوفـاء مفـرج مـع محمـد قصرتـه
يانـعـم بالـجـيـره وبالجيـرانـيـه
وخوينـا ناخـذ بثـاره لــو بعـيـد
مـن بـدنـا لا نـدنـا لــو دانـيـه
ببدى وعـدد فـي جـدودي ليـن ليـن
ليـن الحـق بهـود النبـي جدانـيـه
من لاد عاطف لا احتمى الحرب بوطيس
اطلـع كمـا قريـويـش للفرسانـيـه
اومـا بـسـرج المـهـره وبعنانـهـا
الفيـن فـارس فـي نضـره اثنانـيـه
لمن تعـزوى بسمحـه ارخـت اذنهـا
ووتنهضـت مثـل اشقـر الجنحانـيـه
الآد عـاطـف مـثـل شر(ن)مـنـزلا
ويـرد شـر الارض عنـه الشانـيـه
عضـم النحـر وحتـات قـرن يدهـر
لا عنـكـب الـبـارود والدخـانـيـه
لعمـس اطبـاء الحاضـره والبـاديـه
عضم النحر يشطـى علـى الشريانيـه
لا يحـدر ولا يسنـد انجـاء معتـرض
يبلـش بــه الدكـتـور والكهانـيـه
وقبـاس نـاره ماطفـت لا ماطـفـت
(قباس )بن( محسـن )علـى (حفيانيـه
سمـوه قبـاس الدجـى لانـه فـحـل
يامـر علـى الصـنـاع والرعيانـيـه
ربعه علـى ضـوه تلافـى وتحضـر
واسمـه محمـد واللـقـب عنوانـيـه
ومفـرح حفيـان فـي اللقـاب البـدو
لا والله الا راحـــو الـبـدوانـيـه
وجتنا حضـارات الشعـوب المارجـه
تقليـد شـرق وغـرب وامريكانـيـه
مـن قلـد الكفـار يـمـرج مثلـهـم
يالعنـبـو الـعـريـان والعـريـانـه
لعيون آنـاس ونـوف رمحـي ملحمـا
ولا ودي آعـرضــه للفسـقـانـيـه
ويعقب ويخسـى مـن يكـذب مـادرى
الصـدق سيفـي والقصيـد حصانـيـه
الحـد لـو مـوس صغيـر مـبـردي
يحـرق كبـود ويقـطـع الوردانـيـه
والـذل ماينجـي الضليـم مـن الهـدد
الحـر يهـوي لـو حيـا مرشانـيـه
والحق مثـل السيـف يهطـاء ساطيـا
يضهر علـى الباطـل وهـو زهقانيـه
والكذب ثـوب منشلـح وجـه وقفـاء
لا يسـتـر ولا كــذب الصدقانـيـه
ومن قال انا الكامل نقـص والله نقـص
الكـامـل الله يـابـنـي الانسـانـيـه
ومـن قـال انـا متكبـر ومتغطرسـا
يهطـاء عليـه مـن الزمـن كبرانيـه
امـا هـرم او جـاه عـايـل يقـهـره
ويمسـي اذل مـن اصغـر الصيبانيـه
والرابـح الـي لا يضْـر ولا يـضَـر
فـي ستـر ربـي صايـن ومنصانيـه
ومن قال انا اثقل وارجـح مـن فـلان
وش وزن ابن مسعود في الميزانيـه ()
من قال انا المعجـز تعجـزه الرجـال
ويقعد علـى عجـزه وهـو عجزانيـه
ومن قال انا ابـن البلـد فـي ذا البلـد
يضهـر عليـه مـن البلـد ولدانـيـه
اغرب مجاني في حياتي من القصـص
ثــلاث واروي زهــره البستانـيـه
عينت لي طفـل صغيـر فـي العمـر
مابيـن خمـس وسـت فـي الاعيانيـه
دعانـي ولبيـت لـه واصغيـت لــه
وطلـب مـن الدنيـا بعـد مدعانـيـه
هرجه تقول هروج شايـب حيـن قـال
انـا وانـا وانـا عضـامـي وآنـيـه
طلبنـي وشحـيـت بالـمـده علـيـه
والله أعلـم وش جـرى فـي ثانـيـه
وجنحت عنه وقـال وقـف وادن لـي
قلـت العجـب ياصغيـر الاسنانـيـه
قلـت اسـرع وقلـي ترانـي منشغـل
وقلـت الله اكبـر وسمعـي ياذانـيـه
والله دهشنـي حيـن قـبـل خـدتـي
اقسـم بـرب البيـت قـدا ادهانـيـه
حتى الصغير يهـرج بهـروج الكبـار
لا والله الا حــآن مـاقـد حـانـيـه
وعلمت بنا فـي آواخـر هـا الزمـن
الله يسـتـر يـآخــر الازمـانـيـه
وعنـدي نصيحـه للشبـاب المنحـرف
فـي الديـن والاخـلاق لا تعصانـيـه
وانـا مقصـر ماكتمـل عقلـي بـعـد
وقلبـي خضـر لبيـه (يــال......)
الاولـه لا ترتـجـي مـنـه بـشـر
ارجـى الكريـم المعطـي المنانـيـه
والثانيـه صــل الـصـلاه بوقتـهـا
اقضـب عمـود الـديـن والايمانـيـه
والثالثه وصل الرحم في امـك وبـوك
ترضيـهـم ويرضابـهـا الرحمانـيـه
والرابعـه خـلـك شـجـاع مقـدمـا
المـوت واحـد والشـجـاع معانـيـه
والخامسـه لا تبخـل بدرهـم وقـرش
هـاذا وصـخ دنـيـا دنـيـه فآنـيـه
والسادسـه اصـدق بقولـك لا نطقـت
وصـادق صـدوق وكـذب الكذبانيـه
والسابعـه لا تضلـم وتطغـى بجـور
ياهـي نهـايـه هشـلـه الطغيانـيـه
والثامنـه لا تستمـع شــور الـمـره
لـو كانـت امـك ماكتمـل نقصانيـه
والتاسعـه خلـك مثـل طيـر الهـداد
لا شــام شــام ولليـمـن يامانـيـه
والعاشـره قـدم علـى اليسـار يميـن
فـي كـل موقـف ياطويـل ايمانـيـه
ولاشفت ابو عيـون (ن)تبـارق جنبـه
لا بــوه لابــو خــوه الخوانـيـه
يضحك معـك بالسـن وقليبـه حقـود
يحمسـك فـي سمـه ابــو نيبانـيـه
وعطف على المسكين وجبـر خاطـره
لـو ببتسـامـه نـاجـدك احسانـيـه
ولامن سلمـت المـره الاولـى اعتبـر
احـذر تعـود وتندمـر فـي الثانـيـه
وضرب الاسد يستئدب الجرو الصغيـر
اقسى علـى القاسـي برمـح وزانيـه
ولامـن رميـت بندقـك عنـز لـهـا
الرميـه الاولـى عـلـى النيشانـيـه
هـل هامـت الشعارصـم صمصـمـا
اوهامـت الشعـار فــي الوديانـيـه
الشعـر مايسهـج ولا يفسـر بـضـن
الشعـر غـبـه تطـمـي الحيتانـيـه
الشعر من غاصه هوس يشـرق هـوس
الشعـر فـن وذوق ســر امعانـيـه
الشعـر ساحـه للكبـيـر وللصغـيـر
مايحتـكـره افــلان والا فـلانـيـه
ميتين بيـت مثـل طيـب فـي جمـر
وانـوج مـن اليشمـوم والريحانـيـه
ميتين بيـت مثـل قطـف مـن زهـر
مـن نرجسـيـه زهــره البستانـيـه
ميتيـن بيـت مثـل جنـي مـن ثمـر
لا اينعـت حبـلا الغصـون الدانـيـه
ميتين بيـت مثـل غـرف مـن بحـر
مابـيـن بـيـن وبينـهـا نهـرانـيـه
ميتين بيـت مثـل نحـت فـي صفـاء
تزكـم بهـا الثقليـن انـس وجانـيـه






منقوووووووووووووووووووووووووووول