شبكة قحطان - مجالس قحطان - منتديات قحطان - عرض مشاركة واحدة - حاكم نجد بلا منازع الشيخ محمد بن هادي بن قرمله رحمه الله

26-09-2004, 08:03 PM

إبن الأروق

عضو متميز

تاريخ التسجيل: Sep 2004

المشاركات: 924

فارس قحطان

اقتباس:

انا اشهد انكم رجاااااااال

ماعليك زود ياوجه آل محمد

اقتباس:

يمكنك تقصد عثفر

ماهوب يمكنه ... الا اكيد انه يقصد عثفر العماج

اقتباس:

وبالنسبه لقصة ابن هادي مع الشريف ياليت لوتذكرها لنا كامله ان كانك تعرفها

ترا قصص قحطان مع الاشراف وااااجد .... غير انه كثير من الناس يخلط فيها

منها قصتهم ويا الشريف وكان معهم الدواسر في عام 1212 هـ .... وانتصروا على الشريف ولا فيها قصيده

وهذي في عهد هادي العود وبقيادتة

ومنها كسرة الشريف على ايد آل روق سنة 1212 هـ على ماء عقيلان دون بيشة ... وكان قائد آل روق هو الشيخ مسفر بن نقيحان جد النقاحين اللي الحين

ومنها التالية اللي في عهد محمد بن هادي بن قرمله ضد الاشراف ومن معهم من قبايل الحجاز
وهي اللي فيها القصيدة
وكانت في البداية بين ابن هادي وسبيع يغزهم الشريف .. واستفزع ابن هادي بآل روق وجوه وذبحوا محمد ابن ضاري شيخ السوده .. يوم يقول شاعرهم :
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان كان ابن ضاري له الثرب مضفوف = وفرخ السنام مقلط حشمة له
حزوه ربعي بالمزاريج وسيوف = وكرامتك له عودت نقمة له[/poem]

وبعدين ثارت ثائرة الشريف على قحطان ... وجمع لهم جيشه النظامي وقبايل الحجاز

وصارت المعركه .. واستمرت ستة اشهر ... وجاوا فازعين قبايل عبيده القريبين والهواجر وآل روق لانهم راحوا شمال عقب المعركه الاولى
المهم انكسر الشريف وقبايله وذح اربعين من الاشراف في ذي المعركه

وهذي السالفه اللي عليها القصيده يوم يقول

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
والاشراف لانوا عقب ماهم قاسين = والشق مايرفاه خمسة عشر باع[/poem]

وايضا فيه حروب هادي العود مع الشريف وش كثرها .... هذا باختصار

المهم هذي المواضيع ياليت تنكتب مفصله وكل موضوع لحاله

وسلامتكم