[poem=font="Simplified Arabic,5,white,bold,normal" bkcolor="transparent" bkimage="backgrounds/9.gif" border="solid,4,gray" type=2 line=0 align=center use=ex num="0,black"]
ليت القلوب تباع واشري لي فواد=وابيع قلـبٍ مـا تريّـح دقيقـه
اشوف قلب مسالمٍ بيـن الاجـود=مرتاح من هم الزمـن والخليقـه
لاهوب لا زارع ولا هوب حصّاد=متفـرغٍ للـورد يجنـي رحيقـه
واعطيه قلبٍ شغله يعانـد عنـاد=واكبر عميل الوقت الاقشر صديقه
مايربطه فالعشره الملـح والـزاد=والحظ الاعوج صار كبتٍ فريقه
لا قلت هوّن عن طواريه يـزداد=ويثوّر اثـار الجـروح العميقـه
يزودها بجروح صلفات وجـداد=واحتار بين الحاضـره والعتيقـه
اجروح في قلبي لها اجداد واحفاد=معها عليّ مـن الليالـي وثيقـه
هذي من الدنيا بلا قيـس وقيـاد=وهذي من صدوف الزمان العويقه
وهذي من اهل الحكي حاسد ونقاد=سود القلـوب مغيريـن الحقيقـه
الكل منهـم فالقفـا يقـدح زنـاد=لا خير فالعاشـق ولا فالعشيقـه
عبّاد وجه ومال سـرداد مـرداد=لا قابلك يوهمـك بانـك رفيقـه
ذلول حكي يشيل بجموع وافـراد=والشهب لمنه حكـى مـا تعيقـه
هدور مجلس كنه اللي رعا شـداد=وهو مثل فيض السراب وبريقـه
وانا لمني شفت لي خلفت اجـواد=اعامله بابسط وباسهـل طريقـه
اوهمه بانه عنتـره ولـد شـداد=وانه سليـل المجـد ولا شقيقـه
لو يمشي الطبلـون من دونعـداد=ماهمنـي جعلـه يولـع حريقـه
لا هوب مشحني ولا نيب نشـاد=عنه ولا عن وين يمـة طريقـه
ماهوب جابرني على قربه بـلاد=يلقـى شبيهـه واحـدٍ يستطيقـه [/poem]

__________________
[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في ضحى العيدي اخلي من العايدين=والمعايد نهار العيد مافيه شي
حبذا لو يكون معانقٍ باليدين= وان سنح فيه فرصه بنتمادى شوي
ودي اشم باقي نفحت الياسمين= حسبي الله علىمن قال بالشرع لي [/poem]