[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله ياللي ملوك الأرض في مُلكه = والكون في دبرته والحي والميّت
ياللي عليه الفرج لا أشتدت الحُلكه =في ظلمة القبر نصبح فيه ونبيّت
طالبك تبرج لقلبٍ غاديٍ فُلكه = في موج بحر الهموم يسوقه مقيّت
هاجوس يقبل ويقفي به معَ الدُلكه = منّه تبيّت عباد الله ولا أبيّت
بعض العرب للكلام أسبق من الفُلكه = وليا قبضناه لا حي ولا ميّت
كنّه هنوفٍ عليها تعقد المُلكه = يرخي النظر عارف ما الحظ ببخيّت
من يظلم أهل الوفا يقدُم على هُلكه =مادام في القلب الاسود موته البيّت
ياللي تطرّي العمامه وأنت في دُلكه = جهل ٍ على مستوى تفكيرك متيّت
هاذي على راس شيخٍ لا غدت حُلكه = تاجٍ بنوره تهل ويصكت نحيّت
مثلك وشرواك وجه سليك بن سُلكه = أُقصر عن أهل الظفر والمدح يانعيّت
هذا كشيم ابو وعله عنك يا الأُلكه = شيخٍ مقامه رفيع وفي الملا صيّت
فكّاك ألانشاب والعسرات والكُلكه = لا أستصعبت حلها ماعنّه فويّت
مُقدم رجالٍ على العليا لها مُلكه = قول وفعل على وضح النقا تيّت
جمع ال كرعان ذا وإلك البلا وُلكه =كم جمع من وقعهم مشتوت وشتيّت
عهدٍ حفظناه حفظ الحاكم لمُلكه = عادات وفعول صلب زهير من بيّت
ربعي ودرعي ونور العين للحُلكه = أعتز وأفخر بهم وأصول وأصيّت[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]