المشاركة الأصلية كتبت بواسطة معيض بن دشن

صوت الشاعر / سعيد بن علي

ا[poem=font="Simplified Arabic,5,black,bold,normal" bkcolor="transparent" bkimage="backgrounds/9.gif" border="double,medium,firebrick" type=4 line=0 align=center use=ex num="0,black"]
الليالي تكشف اللي تخفيه النفوس = مثل ما تكشف من العاريات إثيابها
كم غشيم ماخذا من تجاربها دروس = لو تمره عشر مرات ما يصحا بها
يامحمد لو تحلفني بدينٍ غموس = لحلف(ن) الناس تسعى لبغض أقرابها
في الديانه مسلمين(ن) وفي النيه مجوس = والبلا من علة(ن) مالقيت أطبابها
والحسد والحقد والكذب والجهل مغروس = في قلوب(ن) ضعف الإيمان والله صابها
والله انه لو يجي طبعها في حد موس = لذكر الله واترك الحومها واعصابها
دام خلق الله مفاليس والوضع امعكوس = والعواجه في ضلوع النضا وارقابها
والحروب بكل ديره مثل حرب البسوس = من فتح باب المشاريه يقفل بابها
والكحل والروج والثوب الأبيض للعروس = كم وكم من نار طفيت على شبابها
ألبس إلباس الحميا وستر الله لبوس = لعنبها لحية(ن) ماتسر أشنابها
واغنم أيام الرخا قبل الايام العبوس = لين تجمع سلة الحضرمي وانصابها
ما أنكوا بالجمره إلا عليها من يدوس = يابن عمي وأهل مكه تعرف اشعابها
والحروب البارده من شعارات المجوس = والعيون الساهره سترها بهدابها
مالك إلا إبطك ولو خم يالذيب الفروس = ومن ضحك سنه ببلوا العرب يبلابها
قلت أبا شارك هجوس إبن عمي بالهجوس = لوله تفداك والثانيه بحسابها
وأنقد إخيار المعاني مثل نقد الفلوس = واعرض الكلمه على اللي يعرف إعرابها
لونعرف(ن) الغلا ما تبينه النفوس = ما تلبس بنت أبو زيد زين إثيابها [/poem]

صدى الشاعر / محمد بن دشن

[poem=font="Simplified Arabic,5,black,bold,normal" bkcolor="transparent" bkimage="backgrounds/9.gif" border="double,medium,firebrick" type=4 line=0 align=center use=ex num="0,black"]
مل قلب(ن) قام همه بمحاله يلوس = والمعاني خيل والخيل من ركابها
وزوع قلبي زوع ماو(ن) وباروده نقوس = في مجاري جرمل(ن) بينت مضرابها
استوت والبن الأشقر على الجمر إمحموس = ودارت الدله ووصلتك ياشرابها
كل رجل(ن) يشتري ثوب قاس الثوب قوس = قبل لا تشمت قراب العرب واجنابها
ولا عليك خلاف ياللي تسوس القاف سوس = شوق مهضوم الحشا سترها واحجابها
خل همي يابن عمي في الصدر إمحبوس = لا تحرك عبرة الصدر ونت اسبابها
واقلع الضرس المسوس ليا جاء فيه سوس = واعتقد لوم النقيصه على من جابها
والحسد والغل والكذب هي دم الضروس = كلمة(ن) تسمع صداها على طبطابها
ومن لقا له في قاعة الجامعه كرسي جلوس = أسعفه حضه ودنياه لا يشقا بها
والليالي التاليه كلها شووم وبوس = كنها تضحك وهي كشرت بنيابها
والوفاء فالنذل ماً فوق طعس إمن الطعوس = ولو يجي الصبخا مطر ما تعيش أعشابها
والدراهم ذا الزمن حطت الاذناب رووس = ولا قصدت أهل المراجل ولا كسابها
انتشر سحر العماني وجابه جن فوس = وأبرهه لا طب مكه ولا صلابها
والحروب البارده بعدها حرب(ن) ضروس = ولا يرد الحاجه إلا خطا طلابها
انت تبغي تاخذ الكنز والكنز إمحروس = وحية الغله بسيطه وباقي دابها
والحليب الحلو دونه كراعين النحوس = طاحت الطاسه ولا ذاقها حلابها
ولو غدا سعر الدداسن مثل سعر الجموس = تفرح التجار والبدو ما ترضا بها
اعتقد ماعاد باقي حليب في الديوس = والعرب كل(ن) حفض لحيته وخضابها
والفصول الأربعه تختلف فيها الشموس = والليالي المظلمه سود ما يسرابها
عازف القيثار مايدري إن ايديه حوس = تكشف إعياب العرب والبلا بعيابها
ما ندور للبلاسه ورا وجه البلوس = والبلاسه سلعة(ن) خاسر(ن) جلابها
كان ودك تشعل النار فقبسها قبوس = حضرو بارودها ولحقو مشهابها
وبنت أبو زيد المسماه مثل العيطموس = كم تعب سهم المنايا وهو خطابها
لرشيه تجذب لك الما من العد الرسوس = والصقور تعشي إبطونها مخلابها
ياسعيد إليا لحقني من أيامي حسوس = عز نفسي عن شباعة ردا ما عابها
ولو تصارعك الليالي ركب ولا بكوس = من دخل في هوشة(ن) ما سلم مشعابها
مل قلب(ن) قام همه بمحاله يلوس = والمعاني خيل والخيل من ركابها [/poem]