[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الرفيق اللي على درب الوفا يتعب ركابه = ماخذ من طيب ابوه وماخذ من طيب خاله
انحني له يابيوت الشعر مافيها غرابه = كل كفوٍ في نهار الضيق ماتقصر حباله
جعل يفدا راسه اللي ثايرٍ بين القرابه = يلبس ثياب النظافه والنجاسه في حثاله
مادرى ان ليام تكشف كل صدر ومانوابه = والردي شبحه قصير وجعل مافالي بفاله
يستشك اللاش وتبان الثعول من الذيابه = والثقه كنز الرجال أهل الشهامه والشكاله
والقصيد ادرى على معناه واشرف جنابه = واكتبه لأهل الفضيله والمعالي والجلاله
والضفر والمدح والناموس واصحابه المهابه = شاعر راسي وقاسي راس واحب الجماله
والمثل قد قيل في لمثال من عصر الصحابه = الفتى طيبه يجي من راس ابوه ومن خواله
وأحمد الله ماعلي خلاف يارعي الحضابه = صدري اوسع من فيافي نجد وأثقل من جباله
من بغاني مرحبا مليون واهلاً ياهلابه =في الرخا والعسر يلقى كل علم يسر باله
واللبيب اقول له ماهمني لو صك بابه = مخطي في الاوله والثانيه نلقى بداله
ماقطع ربي من الاجواد وقروم النسابه =والرفاقه والعواني والشيوخ أهل العداله
والله إني ماعترضت أهل النقاء وأهل الذرابه =والحكيم يعيّن التفسير في صدر الرساله
غير راعي الفتنه اللي دسّ سمه في خطابه = قام يجلبها على العربان من قاله لقاله
والملام يجي على العقال وتهل السحابه =فوق راس اللي يدوّرها على وجه الفساله
والله اللي يعلم النيات والدعوه مجابه =ينصف المظلوم والظالم عساها في عياله[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]