[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا طير يا اللي تكفخ الريش يا طير=بالله وصل لابن عمي سلامي
للصاحب اللي له معزه وتقدير=وفي وسط قلبي له مكان ومقامي
لابو محمد شوق سيد الغنادير=اللي على الطالة خذا له وسامي
لا جيت اباوصفه بادق تعبير=وصوفه تفوق العبر والكلامي
من حنكة النازي ومن هيبة الزير=وعنده كرم حاتم عداه الملامي
وشجاعةٍ فاقت بكل المعايير=وتواضع وطيب ووفا واحترامي
من لابةٍ بين العرب قدرها غير=اوجيه عبدالله كما البحر طامي
فرسان نجد اللي تهز الطوابير=الاد عاطف محتمين الجهامي
تشهد لهم حرب وعتيبة مع مطير=والاد زايد ثم طحاطيح يامي
والرمح يشهد والسيوف البواتير=والبندقية والفشق والحزامي
وطويق لو طاح ومعه قمة النير=ما طاحت اعزوم الرجال العظامي
وانا بقدم للاجاويد تبرير=اسمع يا اخو .... علي الحرامي
ما انساك لو جارت علي المقادير=ولو شان وقتي وانحنت بي عظامي[/poem]