هذي القصيدة للشاعر المعروف / هادي القعيمة ، ولكن اللي الاحظه انه شخص مظلوم اعلاميا ، ماله ظهور كثير ، مع ان قصايده تعتبر جواهر لا تقدر بثمن ، واكيد انكم ملاحظين الشئ هذا ،

فأرجو من الاخوة اللي عندهم قصايد لهذا الشخص الحكيم ، وهي متوفرة اكيد واقدر اجيبها لكن من باب المشاركة ، انه يذكرها .

وهذي احدى جواهر هادي بن القعيمة : مع انها طويلة .... الا انها جميلة ومفيدة :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بدينا بذكر اللي خلق كل زوجيني = ونجا سفينة نوح و أزواجها فيها
ألة على ما أقصد بفضلة يقديني = سبحانة ألهن خلقها و مفنيها
و أنا خضت في الدنيا ليا بحر تسعيني = و اخذت التجارب من تخاليط اهاليها
تجاريب و أقدم لي عليها براهيني =تناولتها من ساير الناس و اعطيها
عسى اللي خذيت من التجارب يكفيني = و نفسي عسى كثر التجارب يقديها
و انا بنصح اللي للنصايح موديني = على الراغبين بغير الأقيام نهديها
نصيحة مجرب جرب الزين و الشيني = و دنياة جرب مرها هو و حاليها
ترى رفقتن ماهيب رفقة شريفيني = ولو طالت السيرة يبين الخلل فيها
و انا أدخل على الله من مماشى الردييني =و من عاشر الرديان يمشي مماشيها
يجيك الردي متولم لك بوجيهيني =يبي منك يبعد ذي و هاذيك يدينها
فلا منة أخطا حاول انة يخطيني = يبي غلطتة كودة يجي ما يغطيها
يروح البنا ملحن و صبخن على طيني =سدا في ندا متخالطاتن بلاويها
ولا شك وين القى رفقين يصافيني = رفقين على صعب المواقف و قاسيها
رفيقن ليا منة بدا الند يشفيني = ولا منة بدا لي حاجتن يشتقي فيها
و أنا أعطية ما يطلب و من قلت يعطيني =و على غالي الحاجات ما هوب يغليها
لامنة بدا لة حاجتن قلت من عيني = و أنا لا بدا لي حاجتن قال هاكيها
رفيقن على الدنيا مودن مماشيني =رفيقن على كدر المشارب و صافيها
أنا أشكي على نفسي و شكواي تشكيني =ولا تنتصف نفسن نصفها شكاويها
الا با اللحى من بعض الأشخاص تشكيني = أخلية يذلف و أتسع في محانيها
مناحي كنوف الأرض دونة تسليني = على قربة أفضل سعة الأرض وأغليها
أنا أرغب على قربة و أفضل حدا أمريني= سعة الأرض ولا الناس ما أفهم لغاويها
الا صار ما يفرح لعزي و يغليني = ببيع أختلاط بة و فرقاة بشريها
ببيعة و أبيع القرب منة بقرشيني =علشان تبرى النفس مما وزا فيها
الا صار في الدنيا رفيقن يخليني= فبخلية في دنياة ما كنة بفيها
باخلي على قول المثل فية يكفيني= يقول المثل يبغى دواها و يعميها
باخلى عماه دواة ما أبية يعميني = و بترك عما عيني يجي من مداويها
الا صار غاوي عاش بأفكار غاويني= فحياتة شماتة و الفضايح بتاليها
مسكين يا غادي على طرق غاديني= على أسبال ناسن للتاهلك توديها
مسكين يا مسكين مسكين مسكيني= تصلي النفايل و الفرايض تخليها
لا صار ضيعت الفرايض مع الديني = فنفيلتك ما تنفعك مهما تصليها
مشاك تركك واجب المستحقيني= و حاجات غير المستحقين تقضيها
ولا صار ما يدهل محلك بزييني= تقل ما تقل أو ما تقل أو تقل فيها
فالزم ما على البعد من كل الأثنيني= يهدم المعزة يحسب أنة بيبنيها
سلوم العرب ماهي سوالف مسليني = سلوم القبايل حن أهلها و نبغيها
ومن صار مستغتي فمنة غنيييني =عزيزين و أنفسنا على العز نغنييها
أنا أفضل أكل من جرايد ذراعيني= ولا أصل لئيمن لحاجتن أقصدة فيها
لأن اللئيم بقول الأمم القديميني= يقولون لا أكرمتة يمرر حلاويها
فبعد لةاستبعاد و بعدن و بعيديني = و بعدت و بعد الأستبعاد بعدن يواليها
و من عادتي ما أشبح خلاف المصدييني = و عينن تخالف نظرتي لية اراعيها
و حنا الا متنا بنلقى معزيييني = بنلقى و جثمانة لها من يعزيييها
و من صالحي لامات ما تفقدة عيني =حياتة و موتة لا توفي يساويها
فحل من أفحول الحيوانات المساكيني = قلال الشبور اللي اقصارن حواميها
يعرض على الممسين و يقول ساريني =من النقص كن باقي ليالية ساريها
ما يفهم نهار السبت من يوم الأثنيني =و أنا أفضل الجمعة على اللي يواليها
هذا شرح منهو جرب الزين و الشيني = دنياة جرب مرها هو و حاليها
ترا رفقتن ما هيب رفقة شريفيني =ولو طالت السيرة يبين الخلل فيها
و صلوا على سيد البشر يا المصليني = عددما مشت الأنواق و أذرت مذاريها[/poem]

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]