[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بسم الله الرحمن الرحيم
عبر منتدى قحطان العريبه يشرفني أن أنقل لكم
هذه القصيدة المسندة للشيخ / جمل بن ناصر بن شري القحطاني
لعل أحد الاخوه الكرام ينقلها للشيخ جمل بن ناصر

للطيب روس وللهقاوي مقاضبب = وللفزعة اسم وللمحامل اجمالي
ما تكبر الهقوات بالطيب وتصيب =إلا بنخوة محتمين التوالي
زين الدخيل مكملين المواجيب = نطاحت الكايد زحول الرجالي
قولاً صحيح وماضي له تجاريب = طرأعلى بالي بعد ما طرالي
شيخ بعد قربت علي المحاضيب = وقصرت عن الجم الرهاوي حبالي
سقت الرجاء في المعتلي عالم الغيب = منشي من المنشا صدوق الخيالي
ونصيت دعوايه مهدي الأصاعيب=النادر الوافي حميد الخصالي
جمل ولد ناصر عريب المجاذيب=مزبان من حدته غبر الليالي
رمز الشكالة والوفاء منبع الطيب=زحل الزحول المرتكي للثقالي
ذخر الشيوخ اللي تروي المغاليب=لجا نهاراً فيه مرأ وحالي
لجا المواجه عند حرش العراقيب=والعج دون الشمس جاله ظلالي
في ساعة يشبع بها الطير والذيب=يرون حد مرهفات السلالي
مسارده ما في نسبهم مثاليب= مقامهم عن كل نقص متعالي
أصل العرب ما فيه شك ولا ريب=اللي لهم صيتا بالامجاد عالي
رجالهم ماله عن الطيب تجنيب=ولصيتهم في كل عليا مجالي
عز الرفيق اللي من الوقت قد نيب=حصنا تصاهل واسداد الموالي
مثل جمل حلال عسر اللواليب=عليه بعد الله رجاية ومالي
أنخاه نخوة من جراله عواقيب=وأقول تكفى يابعد المدالي
تكفى يا بو ناصر حصان الأطاليب=ولاقلت تكفى غير مما جرالي
فيك الرجاء ياستر بيض الرعابيب=يا راعي الفزعة بجاهاً ومالي
افزع لنا بالجاه عند المعازيب=يومٍ لك جاها ًعزيزاً وغالي
تكفى يا بو ناصرموفي المطاليب=نصيتك آمالا ًعراضاً طوالي
تكفى و تكفى يا حريب العذاريب=تكفى ترى تكفى تهز الرجالي
أنخالك نخوة من جروحه معاطيب=وأقول تكفى واحذف لك عقالي

الشاعر فراج بن فرج الهويج القريشي السبيعي[/poem]