السلام عليكم ورحمة الله وبركاته


اخواني سوف اذكر ما اعرفه من ألقاب قبيلة قحطان وكذلك ألقاب بعض قبائلها ، وأريد ممن يعرف لقبا لقبيلة قحطان او احد أفخاذها أن يساعدنا ويذكره هنا ، ولكم جزيل الشكر .

اولا أبدأ بقبيلة قحطان

ذكر صاحب كتاب العزاوي والالقاب بأنهم يلقبون ب : قحطان الغلابة .

كما انه اشتهر عنهم بعض الالقاب منها :

بعاد النجوع كبار الجموع

و لباسة الجوخ ذباحة الشيوخ

وكبار الصحون وساع الطعون ، ولست متأكدا هل هو لقبهم أم لقب الضياغم من قحطان

بني مظيم ( واختلف فيه ، هل هو لقحطان كافة أم للجحادر أم لآل محمد )

يقول هذال بن فهيد الشيباني في بعد مناخ الحرملية :

[poem=font="Simplified Arabic,4,darkblue,bold,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
والله يا لولا سربة قحطان=بني مظيم اللي حربهم شنيع
إن أحد الضبعة على الذيب سرحان=والكل منهم بيرجع منيع[/poem]

خلان الأشدة ، لقب لبني هاجر من قحطان

خزنة الظفر ، لقب لبني هاجر من قحطان ، وقد أطلقه عليهم جلالة الملك عبدالعزيز آل سعود

ومن ألقاب آل روق ( لانهم قبيلتي وأعرف علومهم ) :

متيهة الشيوخ أو مطلقة الشيوخ

مدلهة الغريب

مرجحين الموازين
يقول ابن وسام :

[poem=font="Simplified Arabic,4,darkblue,bold,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
منصاه في نجد العذية عزيزين=أهل موقف يوم الحرايب يشافي
آلاد روق مرجحين الموازين=شطر ركب من قاف غيري بقافي
ترعى بهم في الخوف سود العرانين=يبنى شحمها عقب ما هي عجافي[/poem]

متيهين المعاشير


ومن عزاويهم : مبعد مساريح الأبكار وأنا إبن روق

يقول إبن عجيبة الله يرحمه :

[poem=font="Simplified Arabic,4,darkblue,bold,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
روقية في اللقا تعرف عزاويها=عقال ولا جا نهار الصز جهال[/poem]

ولايحضرني الآن باقي ألقابهم

وهناك أيضا عزاوي أخرى لجماعات وأفراد من آل روق لايسع المجال لذكرها كلها

ومن أحديات فرسان آل روق

محمد بن رثوان :
[poem=font="Simplified Arabic,4,darkblue,bold,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]

ياطير ياللي فوق فوق=ياللي ترفرف بالجناح
إلحق مع آلاد إبن روق=عشاك من رووس الرماح[/poem]

برغش بن مسعود بن قاتله :

[poem=font="Simplified Arabic,4,darkblue,bold,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
الذيب يسند مثل سند الذيب=شواش لاحركه راعيه
شفي غرير ولا جا له الصيب=واللي جا له الصيب مانبغيه
ياكود بنت مقلطة الترحيب=في بيت الذرا مايلعب فيه[/poem]

ويعتزي عقبها : خيلا الحرشا برغوش

وعزوة محمد بن مهدي الملقب بإبن جلعد : مجري الهياب وأنا أخو هيا

وله بعض القصائد التي لازال بعضها محفوظا ، وفي أحدها يقول :

[poem=font="Simplified Arabic,4,darkblue,bold,normal" bkcolor="transparent" bkimage="" border="ridge,4,gray" type=0 line=0 align=center use=ex num="0,black"]
ضو زمت لي تواقد حطبها=وأنا على طاريي اللي طراني
حي..والله يافاطري إن تعير وحدها=يوم أنكف إبن ..... هو و ..... ني
مر على الهين ومر جهدها=ومر مع طمنه ومر بياني[/poem]

وعزوة آل عاطف : خيال سمحات الوجيه وأنا إبن عاطف ( ونعم )

وعزوة الخنافر : خيال البلها وأنا إبن دراج ( ونعم )

وعزوة آل مسعود : خيال الشرفا ( ونعم )

وعزوة آل مسن من آل سعد : خيال الحرشا مسني ( ونعم )


ومن أشهر العزاوي التي تهز القوم هزا ، عزوة ناصر بن عمر بن قرمله :

خيال البويضا ناصر ، أنا أخو منيره


والمعذرة هذا اللي يحضرني الآن ، وأكيد فيه شيء ناسيه وأكيد فيه الكثير أجهله ولا أعرفه ، وهذا ما جعلني أنزل الموضوع ، حتى يظهر الخافي من الحداوي والألقاب والعزاوي ..... أظهروا اللي عندكم يا قحطان