[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="double,4,gray" type=1 line=0 align=center use=ex num="0,black"]
اسعد الله اوقات الجميع بالخير والمسرات

اليكم هذه القصيده واتمنى ان تنال اعجابك


ياعنيده مل صبري وانتظاري = والمراره لا تزوديها مراره

ماهي بحاله رجوعك عن قراري = والحرايق في بدايتها شراره

طالبك تكفين ردي لي اعتباري = واحتكاكي معك ما ينتج حراره

لأنك اصلا من يميني لا يساري = وكل شي فيك يرجع لي قراره

اربحك مليون مره في نهاري = واعتقادي ما بعد هذي تجاره

بس مدري من قلب راسك بطاري = لين صرتي تتبعينه في مساره

فكنت اقول السلك راس السلك عاري = احذري يا بنت والدنيا شطاره

لين طحتي في متاهات الغداري = مثل حلم اللي تحلم في نهاره

والا انا لبستك الثوب الحضاري = بس عذروبك ما زرّيتي زراره

فماهو بكيفي ولا هو بختياري = سوّد الله وجه قلبي باختياره

كل ما جاته ملفاتك اجّباري = احسب احسابي على قطع الاشاره

اعتبر مافيه غيرك في مساري = واعتبر نفسي على شارعك طاره

ان سريت الليل مدري وين ساري = المهم اني بجي عندك زياره

فكنت احسبك شي لازم واضطراري = ماهقيت القلب يسكن غير داره

اثرني داري وانا ماني بداري = لعنبو من حط قلبه مستشاره

ضاع وقتي اتصيّد للحباري = وانتظر حصه وحصه عند ساره

ليتني في بعض الاشياء كنت قاري = كان والله خافقي ماشب ناره

فصحيح المسلم وقول البخاري = فيه شيٍ خير لك لو كنت كاره

وكانها ضاعت حياتي جيت شاري = حاجتين وباقي الدنيا خساره

اركب الفكسار ماهو بسفاري = وخوتي سلمان في قصر الاماره[/poem]

__________________
قالها اللي مايخوجل في كلامه _عاطفي(ن) يعتزي بالعاطفيه