الشاعره السعودية حصة هلال "ريمية" تهجوا العلامة البراك بقصيدة قذره في شاعر المليون
# الريمية (حصة هلال) بشاعر المليون تهجو "فتوى البراك"
شفت شر يتوايق من عيون الفتاوي .. في زمانٍ حلاله ملقحينه حرام
عن وجوه الحقايق لارفعت الغطاوي .. بان مسخٍ تخفى تحت ستر اللثام
وحشي الفكر ساخط بربريٍ عماوي .. لابس الموت لبس وشد فوقه حزام
في حزوم السياسة يرعب الناس عاوي .. يفترس كل نفسٍ طامحة للسلام
لاذ صوت الحقيقة وانزوى الحق ثاوي .. يوم عند المصالح ذل حر الكلام
أمتي لاغديتي بين عاوي وهاوي .. كن عيني تشوفك في شعيب الظلام
لا تشبين نار ولا حميتي جلاوي .. ملبدة ما رفعتي بالمواجيب هام
بين قومٍ مخيفه مابها حي ياوي .. ما بها إلا ضواري قضمها بالعظام
أنتي القصعه اللي تشبعين المقاوي .. كل جارح وضاري فيك يلقى طعام
يوم طاوي محبك بالهفا كل طاوي .. فيك ألذ الولايم لـ المنافق تقام
هاب راع البعير وذل ولد الشواوي .. جالبك كل جالب يوم سايمك سام
آه يا طول ضيمك يا جزور الشفاوي .. يوم الاعمى يقودك لأبرقٍ بالخطام
بالجراب المصرصر غاية لكل حاوي .. حيث رقط النوايا لاويه بالهمام
نزلوا سهمك اللي ياكلون الرشاوي .. وسط سوق السياسة لين عود حطام
كم محبٍ ومخلص لو يزج النخاوي .. عند عينك تغطرس قل شوفك وشام
يجي يومٍ يبين فيه صدق الهواوي .. لا بجد كل خاين في نهار الزحام
اخواني الاعزاء
اعتذر لنقلي هراء ساقطة لم تعرف قدر نفسها حتى تعرف قدر غيرها