[poem=font="Simplified Arabic,4,blue,bold,normal" bkcolor="transparent" bkimage="" border="solid,medium,royalblue" type=4 line=0 align=center use=ex num="0,black"]
انا البارحة ياطول ليللي غدا ليلين=تبين شعاع الصبح مارتحت الارقادي
اعد النجوم السارية والعرب ممسين=واعد الاسامي وارفع الصوت وانادي
سرى النوم من عيني مع هجعة السالين=وصارت هجوس القلب سرداد مردادي
هواجيس وافكار تشيب برمش العين=تخليني اقصد لو ماني بقصادي
ولولا الحيا هليت دمعي على الخدين=وبكيت الرجال اللي لهم جد وامجادي
اببكي عليهم داري ان الدهر يومين=وللعمر عند الله نهاية وميعادي
فمتى الوضع يتحسن متى يدخل التحسين=متى نجتمع لوصدفة دون ميعادي
على الله متى باقول هيابنا ذلحين=اسج القدم مع عزوتي عقب مقعادي
اسجل عدد رحلاتنا كلها واقين=ولافيه يوم مرنا قلت لاعادي
وقمت اترجا واطلب الله واقول آمين=يعيدك ياعيد اربع وتسعين ميلادي
نهار الاحد واحد والاثنين يوم اثنين=و نهار الثلاثاء ثالث ايام الاعيادي
مع الأربعاء عيد ارمضان اربع وتسعين=تذكرت فيها خوة الربع الاجوادي
مسكنا طريق الحرة الساعة الثنتين=علي ست سيارات والخط منقادي
تجاه الشمال الله على النية وسبعين=ورى اتمير دون الشعب في فيضة الوادي
نزولنا صلاة العصر ديرة وجو زين=عز الله لقينا ديرة جوها هادي
وأنا بين ربع كلهم بالوفاء وافين=وجيه اقحطان ونعم ذولاك الاولادي

شيوخ من ادنى كلبوهم يمين يمين=ثلاثة عشررجال رجم وعدادي
سلامي عليهم عد غرس النخل والتين=وعدد مابذر حب الثمر كل حصادي
وسلامي عليهم عد من يسكنون الصين=ومن باع وارد موسكو وسط بغدادي
وسلامي عليهم عدمن ينطقون السين=ونطق العرب للعين والغين والضادي
وسلامي عليهم عد مابيع بالتثمين=وماذاع بالتلفاز واعلنبه الرادي
وسلامي عليهم عد ساس الحجر والطين=سلام عطوره غرشة المسك والكادي
عددمن عرف ماجد وديجو بلالارجنتين=وعدد ماصرف لمدربه ريس النادي
حقيقة ثلاث ايالم تسوى ثلاث سنين=لها جلسة تغني عن الشرب والزادي
مقيمين مرتاحين سالين متسلين=سوالف وشب الضو يندلها الغادي

صلا صلو سمر نورها يجذب السارين=على جالها دله ومدخن وبرادي
ومن مرنا قلنا هلا مرحبا وهليـــــــــن=تفضل وهذا سلمنا سلم الاجوادي
قحاطين معروفين بالاصل مشهورين=وبالفعل نعرف يومها حرب وجهادي
لنا يشهد ابن حميد والشيخ ابن حثلين=وكلن عرف ذيب ابن شالح وابن هادي
كذا والقبايل مثلنا والعرب دارين=احد ثور واحد مثل عنتر وشدادي
وركزنا النصع قدام نمشي وحن عجلين=ومن صاد قلناله كفو عاش من صادي[/poem]