السلام عليكم ورحمة الله وبركاته


الاخ العزيز مهدي الحبابي الله لايهنك على القصايد الجميله

استميحك عذر ٍ اخي العزيز ساكتب بيوت ٍ ناقصه في القصيده





[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اسعيد كان تســـــال جد وتحـفيــــد = لك معنــــوي باصلنا تستفــــيده
يمكن عليك نزل بالخــــبر ونزيـــــد = انشد اهل التاريخ تلقى وكــــيده
حنا الذي يضرب بنا الوصف ياسعيد= كل يبــــي منا معــــانز بديـــده
وحنا وعـــبدالله ولد علي وعــــــبيد = غرامة دون الجــــدود البعـــيده
وعبيد مروي صارمه في الاطـــاريد =والناس لافعاله شهود وقعـــــيده
ومحمد الي لـــــبس تاج المقالــــــيد =سور الجبل حاميه عمن يريــده
حنا وهم عصـــــبه بعد واتـــــــاكيد =ضياغم من روس جنب وعبــيده
هواجر يوثق بنا في المــــــــــعاهيد =قحطان ابونا حافظين رصــــيده
ونزهين من قرب الدنس والمــــناقيد =وعروضنا مثل الثياب الصــفيده
وقصيرنا ما حن لبيـــــــــته رواويد =لا غاب منه لين حتى يعـــــــيده
ولا نختبي دونه بالاشيا المزاهـــــيد =ويديننا في غالـــــي الزاد بــــيده
ونتبع مراضي جاهله لو على الديد =ولاكرام جار البيت نفرح ولــــيده
وان مر كلـــبه ماحذفنــــــاه بالحيد =لو كان مانرجي ورا الكلب صيده
ونرعى مراحيله لو هي مغامـــــيد =وعلى كرامة ضيفنا هو قعـــــيده
وخوينا نكمد مشــــــاكيه تكمــــــيد =لو مايهوجس يرضـــــى بتعويده
وان جاوا اهل جيش ونايا مضاديد =ماذاقوا امـــــس الا شلاوي قديده
نقحص لهم بالهيل ترس المبــــاريد =والبن يحمس جمر الارطى وقيده
ونجهز لشــتوي دفوفه ملاهـــــــيد =ويفهق لهم عقب العشــــا به بريده
وان زارنا العاني لبعض المقاصيد =متعلث ما ننشـــــده عن سديـــــده
ونذبح سمان الضان له والامفاريد =ومن جاد للعاني فرحـــــــنا بجيده
وان زارنا المجرم يقزي الاذويـــد =ينزل ويرحل ما جعل له نضـــيده
فوق العلا نرفع مبــــــانيه ونشــيد =الين يبـــعد عن وطنا شديــــــــده
وان هازنا ضــــد عمدنا بتكـــــويد =عود بغـــبنه عبرته في وريـــــــده
ونجعل على زوره وسوم مجـــاديد =ويبطي وكبده من سنعــــــنا غديده
وان انتزح مـــــنا ورا نازح الـــميد =فالجيش يقطع مســـــــتواه وقويده
ماهو علــــينا لا بغيــــــناه ببـــــعيد =ونصبر على حر الزمان وجلــيده
ناتيه في الكنــــه حلول المواريـــــد =مقيال والا نرضمه بتهجـــــــــيده
يصبح قطيعه بيـــــن الايــدي تباديد =ويفرح لا ردوا عليه الشريـــــــده
واقفوا على ابله شايلــين التـــغاريد =واعتاض في الهجمه زوامل رغيده
ومن زان حــنا له صديق اجــــاويد =واخوان للشيطان لا فتل قيــــــــده
لا حركوا الاسباب بعض المــــقاريد =نوطى على الزرب الصريع وهميده
وان صار من عقب النساهل تلاديــد =فالرابح اللي مقبــــــلاته سعـــــــيده
شغل النضا والخــــيل ما فيه تبـــنيد =في كل وقت لابســــــين عديــــــده
وان ثار عكنان ٍ كشف غرة القيد = ندعي النفوس الغاليه به زهيده
نقلط على الهيجا وحس البواريد = لكون ما ينفع عضيد ٍ عضيده
الى وصلت الذله معلق الاواريد = واللي معاه جري ٍ تقاصر فديده
ونفرح الى من صار صك ٍ وتسنيد = الى استرغب الطارد بقبض الطريده
وصار اجتوال الخيـل تـن وتفاريـد = وكـلا يخايـل غـره فـي نديـده
وهـذا عليـه معـوديـن تـراديـد = ونحيي الامور الماضيـه بالجديـده
وعشنا على صايب ومصيوب وشهيد = وهـذاك ممنـوع تعـزف ذويــده
وهـذاك معتـدي وذا كاسـب فيـد = واصبح يوزع بيـن الادنيـن فيـده
عقب الشقاق استقعد الحظ تقعيد = في دور ابو تركي منزح ضديده
اللي سهد الاوطان بالسيف تسهيد = حلال عقد المشكلات الكويده
العاهل الي يرفد الناس ترفيد = من مبلغ ٍ ماهو بيحسب خريده
صاروم له في ماكر العز تصعيد = وفي مكسب هل الطولات هل من مزيده
ابن سعود اللي مللك واسع البيد = عبد العزيز اللي فعوله حميده
قيدوم شمطان القروم الا واليد = سور العروبه ضد من كاد كيده
ضرغام له جند ٍ نماره مجاليد = من هيبته ما احد ٍ طلع رون سيده
يخشاه راعي البوق ماياخذ القيد = والخيس منه ماتقص الجريده
وايضا التفق ماتنقل الاضحى العيد = واشباه ذلك من ملابس جديده
جعله لنا ذخر الى يوم تابيد = والله يمهل له سنين ٍ بديده
تمت وصلى الله وسلم بتجويد = على نبي ٍ مخلص ٍ بالعقيده
المصطفى خاتم عدد الانبيا السيد = طه رسول الله محبه وسيده
محمد اللي وحد الله بتوحيد = شفيع تباعه بيوم الوعيده [/poem]