من قصايد ---- الشاعر: ناصر القحطاني

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يمه اذنبت ونزحت من العشيره =

وان تمنو توبتي مانيب تايب

مابي لدنيا الغنادير اي سيره =

طايح من عام الاول في مصايب

يمه اللي حب له طفله صغيره =

ويش يسوي لاغدا فيها مصايب

طفلتن ماكانت بحبي جديره =

بس كانت غير عن كل الحبايب

كنت اسميها العنود المستذيره =

ليت اهلها العام سموها عجايب

كنت اجيها مثل الامطار الغزيره =

كنت اضيع بجوها مثل الهبايب

وادعي الله هي متى تصبح كبيره =

تفهم اشلون المكان يصير ذايب

ان تغنت تصبح الطرقه قصيره =

وان تغلت تصبح جروحي عطايب

صنتها مثل البحر لابعد جزيره =

ماتركت علومها لاهل الركايب

ديرة ماهي بها ماهيب ديره =

لو ثراها عشب واعلاها سحايب

يمه اتحبين طايلة الضفيره؟؟ =

ااااه والله ياعليها اشقر ذوايب

قالت ان جا الراس شايب فيه خيره =

قلة يابنت الحلال الراس شايب

قالت الا الحب وشهو وش مصيره =

قلت انا استاهل وانا كل السبايب

ماجزا اللي حب له طفله صغيره =

غير قبر و ضحكها فوقه نصايب [/poem]


وسلامتكم

__________________

لا اله إلا أنت سبحانك إني كنت من الظالمين