// تركي //
تعال يا الشاعر القرقاح لا تسري=الليل بدري و مثلك لا سرى بدري
انا طرى لي علوم جداد في صدري=والراس مرفوع و الرايات مرفوعة

ابا اسري على القرقاح و ابليس ملعون=لو انه يصيح و يزهم عيال ريفة
و ابا اطلع جنانه ليـا صـار مــجنون=و هـذي وقايع و الخواطر نظيفة

// القرقاح //
اذهــن تـرا ريفـة اللـي قلتها جدة=اللـه يغفـر لـها مـاتت قبل مــدة
عرفت و بعض العرب محد(ن) عرف جده=والراس مرفوع و الرايات مرفوعة

ترانا هل الطولات و الناس يدرون=ما بين العرب مثل الجبال المنيفة
تغلب عصى موسى على سحر فرعون=و اظن الخليفة ما لقوا له خليفة

// تركي //
انا ابن عباد هذا اسمي و اسم جدي=ولا انت حظك مع الأيام متردي
و من اسم جدتك متعشي و متغدي=و الراس مرفوع و الرايات مرفوعة

تقولون ولا يا عرب ما تقولون=نعرف الحمول ثقال ولا خفيفة
طوينا حزوم الارض بالعسر و اللين=ولا همنا راعي العيون الكسيفة

// القرقاح //
في الناس متبوع و انت حضرة التابع=خل ابعد الناس منهو جدك الرابع
ترا ابن عباد لا سادس ولا سابع=و الراس مرفوع و الرايات مرفوعة

يا تركي لو اموالك مثل مال قارون=الاموال تنقص و المسافة كليفة
كثر العرب ركب على راسه قرون=و هو من حلال الزاد ما شبع ضيفه

// تركي //
جدي .......... راعي العرف و الطاله=و حنا ليا جا نهار الخيل خياله
يا قرب منزالك ويا بعد منزاله= و الراس مرفوع و الرايات مرفوعة

انا مغتني ولا انت في الناس مديون=تذكّر تذكّر في الليالي المخيفة
عليك الحلايا و القبايل يشوفون=و هذي وظيفتكم يا راغي الوظيفة

// القرقاح //
جدك ....... محد(ن) يعرفه غيرك=وانا اشهد انه اطيب من فعولك و سيرك
يا اللي تجر اللحن و العجة تديرك= و الراس مرفوع و الرايات مرفوعة

زمان مضى روحت من نجد مغبون=عسى الله يعز اهل العلوم الطريفة
يا الالفين من اللي منك الشطرطون=و خلاك تسبق لافحات السفيفة

// تركي //
جدي فعوله على التاريخ مكتوبه=و البيت بانيه طوبه فوقها طوبه
انشدك جدك من اللي سالب ثوبه= و الراس مرفوع و الرايات مرفوعة

زمان مضى راسك على النفد مدفون=......................................
و اظنك على الدنيا مكرتن بكرتون=يا ليت القطيفي ما يفارق قطيفه

// القرقاح //
ان جات لفعول جدّانك و جدّاني=لا ترفع الصوت عندي و انت ميزاني
جدي فعوله تنومس كل قحطاني= و الراس مرفوع و الرايات مرفوعة

يوم ان العرب في نجد طاعن و مطعون=قلعنا مداكم بالسيوف الرهيفه
ما دام الخبل متجود(ن) في الدرقسون=عز الله غدا الحنتور شيفته شيفه

// تركي //
اهل الاسامي نميزها باساميها=و الخيل ما تصلح الا عند راعيها
ولا انت مالك فعول تضدنا فيها= و الراس مرفوع و الرايات مرفوعة

و انا اقول والله عزوة ما تذمون=و لكن حنا اهل العلوم الشريفة


و سلامتكم جميع